تعرررف على برنامج الــــ Hyper Terminal

[دمعة]

السلام عليكم ورحمة الله وبركاته...

اليوم ودي افتح موضوع حلو ومفيد بالمررة وهو عن برنامج الــHyper Terminal.... هو من برامج الويندز الاساسية... تقدر تستخدمه لتوصيل كمبيوترين مع بعضهما البعض لنقل الملفات بينهما...

طيب خلونا نبدا... بسم الله الرحمن الرحيم
------------------------
س/ وين نلقى Hyper Terminal ؟
جـ/ عشان تلقى الرنامج اضغط ع Start وبعدين.. Programs.. وبعدين Accessories .. وبعدين Communications.. وبعدين للـ HyperTerminal..
للي يستعمل ويندز العريب...
ابدء.. البرامج.. البرامج الملحقة.. اتصالات.. HyperTerminal

مثل ماهو مبين في الصورة...
http://www.angelfire.com/linux/sharksgroup/hyperterminal-howtofindit.gif
-----------------------------
س/ حست على البرنامج ومالقيته؟؟ وش الدبرة اعيد تركيب الويندز والا خلاص انسى كل شي؟؟
جـ/ لا هذا ولا ذاك.. فيه احتمال انك ماتلقى البرنامج في المكان اللي قلت لك لكن تقدر تجيبه .. عن طريق اضافة/ازالة البرامج .. Add/Remove Programs ... شف هذه الصورة..
http://www.angelfire.com/linux/sharksgroup/setup-hyperterminal.gif
-----------------------------
س/ كيف اقدر اشتغل عليه؟؟
جـ/ اوكي الحين نبدا الشغل الصح بعيد عن المقدمات..
خلونا نقسم الشغل الى شغلتين..
كيف نوصل كمبيوترين قريبين من بعض بكيبل تسلسلي Serial Cable.. وبعدين نتكلم عن امكانية ربط كمبيوترين عن طريق سلك الهاتف والمودم...

1/ ربط كمبيوترين قريبين عن طريق استعمال الكيبل التسلسلي او المتوازي ( كيبل الطابعة) ..
الاول يسمي كيبل تسلسلي Serial Cable,, وهو اللي فتحته يااما 9 مسامير او 25 مسمار..
والثاني المتوازي اللي هو معروف بكيبل الطابعة .. Parallel Cable...
((ان شا الله تجي مشاركة خاصة بكيابل التوصيل للكمبيوتر مع الاجهزة الاخرى -- راح نتطرق فيها بالتفصيل عن انواع السيريال كيبل))
لكن اللي يهمنا الحين هنا هو انه الكيبل التسلسلي اللي راح نستعمله هو ذاك النوع اللي يسمونه Null Modem... ليش؟؟ راح نجاوبه في المشاركة اللي راح تتكلم عن انواع الكيابل..

الحين نشبك الكمبيوترين... تشبيك عادي من com1 الى com1..

بعد التشبيك .. شغل البرنامج .. وراح يفتح لك مثل ماهوب بالصورة..
http://www.angelfire.com/linux/sharksgroup/serial1.gif
اكبت اسم للشبكة اللي راح تسويها..
واضغط اوكي
بعدين راح يطلع لك هذا.. وهي تبي تعرف وش نوع الناقل اللي راح تستخدمه .. نختار COM1 او COM3 تبعا للاسم اللي نظامك حدده لك .. غالبا استخدم COM1 ...

http://www.angelfire.com/linux/sharksgroup/serial2.gif

اضغط اوكي .. عشان ينقلك الى صفحة خصائص هذا الناقل .. اختر مثل ماهو موضح بالصورة .. اهم شي الاختيار اللي في الخانة الاولى وهي يبين سرعة الناقل .. اختر 9600بت لك ثانية... طبعا بطيئ.. راح نناقشه بعدين..
وقوله اوكي
http://www.angelfire.com/linux/sharksgroup/serial3.gif

بعد هالاوكي .. راح تشبك .. علما انه هالخطوات لازم تسويها في الكمبيوترين .. طيب..
تطلع هالشاشه..
http://www.angelfire.com/linux/sharksgroup/serial4.gif
تكتب اللي تبي .. تلقى انكتب لخويك في شاشته.. ترى ماراح يبين عندك شي ... يعني .. تكتب ماتشوف كلام في شاشتك بس بالحقيقه كل اللي كتبته انطبع في شاشة خويك...
تقدر ترسل ملفات من جهازك لخويك بعد .. من قائمة Transfer

طبعا في كثير من الخصائص هالبرنامج.. ماراح نتطرق لها في هالمشاركة..

الحين خلصنا من شبك كمبيوترين بواسطة كيبل تسلسلي.. Serial Cable... ان شا الله تكون الطريقة سهله ومفيده وحلوة...

الاضافة الجايه .. راح تكوون عن ربط كمبيوترين في مقرين بعيدين (يعني انا ابي ابشبك كمبيوتري مع كمبيوتر شهدالحزن كل واحد في بيته-- يعني لازم نستعمل خط التلفون والمودم) وكيفيه نقل الملفات...

طيب طيب .. اشوفكم في الاضافه الجاية

[شهد الحزن]

يعطيك العافية اخوي دمعه
والله يوفقك لحد الحين تمام
استنى الجاي منك
وليه نختار السرعة هذي9600

[سليمان]

مشكوووووووووووور
يعطيك العاااااااااااافية

انت مبدع ،، راااااائع

[دمعة]

الله يعافيكم... وانتم اكثر ابداعا...

بالنسبةليش اخترنا 9600.... وهو مايعرف بالــ Baud Rate...

راح اجاوبك عليه في الاضافة الجايه .. حضر نفسك لدرس قوي في هندسة الكمبيوتر وحضر رياضياتك وفيزيائك..

طيب...

[دمعة]

السلام عليكم ورحمة الله وبركاته...

*** بالنسبة لسؤالك ياشهدالحزن.. ليش اخترنا الـ9600؟؟ ليه مااخترنا 2400 او 19200....

**
بصراحة انا اعطيتك هذا الرقم نظرا للعادة لاني دايم استعمل هذا الرقم لما ابرمج مستخدما نقل الملفات ووضع الكمبيوتر كسيرفر لعمل دوائر كهربائية.. ففي البرمجه مستخدما لغة مثل الاسيمبلي والفيجوال بيسك ع سبيل المثال .. راح نستعمل الباود ريت 9600بت لكل ثانية... يعني هي قيمة افتراضيه Default ...

بالبداية خلونا نعرف ... وشهو الباود ريت Baud Rate..
**الباود ريت .. Baud Rate .. وهو عباره عن كمية البتات المرسلة في الثانية للكيبل التسلسلي (السيريال كيبل)... او بمعنى اخر ماهي سرعة هذا الكيبل.. وتقاس حرف لكل ثانية..
في السيريال كيبل .. الباودريت (معدل سرعة نقل الناقل التسلسلي) هو في العادة 9600حرف لكل ثانية .. يعني 9.6كيلو(الف) حرف لكل ثانية...
وهو يعتبر بطيء... خلونا نحسب بعض الحسابات..
قبل مانبدا الحسابات خلوني اذكركم .. بان المقصود
بالبت: هو حسب الترجمة بالحرف لكن ماهو مثل A ... لا ماابيكم تخلطون .. المقصود بالبت هو صفر 0 او واحد 1 .. بس..
الحرف A يسمونه Character ... طبعا انا قاعد احاول استعمل الترجمة .. بس ماني قادر ياليت لو احدكم يعرف الترجمة الصحيحه يقول لي .. نرجع لموضوعنا ...
البت ياخذ الرقم 0 او 1... يعني 0 يسمى بت .. و1 يسمى بت .. و 01 او 10 يسمونهم بتين ... 2bits....
طيب
لكن Character هي اي حرف من الحروف الابجدية... مثل A او أ او $ ... كل هذولي يسمونهم كاراكتر .. وهو يحتوي ع 7 بتات... اوكي ..

في عملية الارسال .. لنفرض ان احنا قاعدين نكتب للطرف الثاني حروف .. حرف حرف... يعني مثلا A... وبعدين الحرف اللي بعده.. طيب
خلونا نفرض انه عملية الارسال ترسل الحرف كما هو .. يعني 7 بتاب من غير اضافة اي بت اخر لعمليات الامان وتصحيح الاخطاء ..

**كم حرف راح نقدر نرسل اذا علمنا ان الباودريت هو 9600بت لكل ثانية والحرف يحتوي ع 7بتات؟؟ وماهي المدة الزمنية اللازمة لارسال بت واحد؟؟

\*/الجواب:
لحساب المدة الزمنية... نقسم 1 بت على الباودريت وهو 9600بت لكل ثانية.. ((مقلوب التردد يعطينا الزمن اللازم لوحدة واحده - قانون معروف))... فراح يطلع عندنا 1 ÷ 9600 = 0.104 ميللي ثانية .((اقل من الثانية بكثيييييييييير))
يالله نحسب كم حرف راح نقدر بالثانية.. بقسمتنا الباودريت 9600 بت لكل ثانية على 7 بت لكل حرف(كاراكتر) راح نحصل على معدل ارسال الحروف لكل ثانية ... 9600 ÷ 7 = 1371 حرف او كاراكتر لكل ثانية..

ويعتبر بطيء...
ان شا الله الشرح واضح...
وان شا الله ياشهد عرفت ليه استعملنا 9600 ووشوا هذا الرقم يمثل...

خلكم ع تواصل

[شهد الحزن]

10 على 10 خوي دمعه
شرح حلو مررررة
جزاك الله خير
اما من ناحية الجواب حقك فهمت تمام التمام

[al3neda]

مشكوووووووووووووووووووووووووور دمعه ويعطيك 100000000000000000عافيه
ولا تحرمنا من مواضيعك الرائعه والموضع شكله متعوووووووووووووووووووووووب عليه
وما قصرت نقدر تعبك

[دمعة]

السلام عليكم ورحمة الله وبركاته..

الله يعافيكم كل من شهد الحزن والعنيدة ... ماشاالله عليكم انتوا والاخ سليمان الله يجازيه خير تبردون على القلب ... انا حطيت الموضوع بس الاقبال جاب لي الاحباط .. والله لو عاد اني حطيت موضوع مثل ذيك المواضيع حق ردح!! تسان تشوفون الزحمة وعدد الصفحات توصل 3.. 9 ... 27.... ومليون... بس وش الدبرة... ماكو حماس هنا في قسم الكمبيوتر...

لكن اقوولكم الجزء الثاني المكمل للدرس .. اهم من هذا .. لانك راح تقدر فيه تستعمل التلفوون وتشبك مع صديقك او اخوك وهو بالبيت وتنقل الملفات بين الكمبيوترين .. لكن اقوول اصبر شوي الين اشوف الموضوع يبدا يتحرك..


تحياتي .. هذه وجهة نظري .. لكن اذا كانت لكم وجهة نظر اخرى وترون تاجيل الجزء الاخير من الدرس ضروري .. قولوا لي..

انا من يدكم اليمين الى الشمال .. تران فاضي توني معطل وطفشان .. وكنت مامل ع اشياء كثيرة لها المنتدى .. بس ماشفت اقبال .. فما الحيلة؟؟ علمونن..


أخوكم
دمعة...

[شهد الحزن]

الأستاذ دمعه
السلام عليكم ورحمه الله وبركاته
شاكريين لك تعاونك معنا وآسفين إن سبناك شوي لكن اقولك يامهندس انا المشرف على هالقسم
وانت تآمر أمر اي سوه وان شاء الله انا احاول نشر الموضوع يقدر المستطاع
اخوك المحب شهد نستنى الجزء الثاني

[دمعة]

يعطيك العافية مشرفنا الكبير شهدالحزن ..

بلا استاذ بلا مهندس .. كلنا اوادم .. وسمني دمعة وبس...


والحين ابحضر الجزء الاخير .. من الدرس..


والله ولي التوفيق

أخوكم
دمعة

[دمعة]

السلام عليكم ورحمة الله وبركاته ...

اليووم ولو اني طولت عليكم فيه .. حبيت انهي هالموضوع ونشرح فيه طريقة شبك كمبيوترين عن طريق المودم بواسطة الـ Hyper Terminal.. وكيف نرسل ملفات من كمبيوتر الى الاخر...

---------------------------------
**فائدة هذه العملية..
لها فوائد كبيرة وكثيرة .. أهمها: تخيل تبي ترسل ملفات من كمبيوترك الى كمبيوتر خويك .. ولا عندك اشتراك انترنت او الملفات كبيرة مايشيلها الايميل او مساحة الملف الواحد اكبر من 5ميجابايت وهو الحد الاقصى لامكانية رفعه الى موقع مثل الجيوسيتيز ... بهذه الطريقة يمكنك ان تعمل شبكة بين كمبيوترك وكمبيوتر خويك عن طريق المودم وارسال الملفات من كمبيوترك الى كمبيوتر خويك....
---------------------------------

خطوات العمل:
في البداية مثل نبدأ بمثل مابدأنا به في الفقرة الاولى (فوق) ونشغل البرنامج الى ان تاتي لنا New Connection... انظر الصورة.
http://www.angelfire.com/linux/sharksgroup/hyper-step1.gif

نكتب اسم للشبكة اللي راح نعملها ... وبعدين نجي الى الصفحة هذه.. Connect To .. وهي الصورة رقم 4 في المشاركة الاولى... والتي اخترنا فيها الكيبل المتسلسل .. لكن الحين راح نختار المودم-- ونكتب رقم تلفون خويك ... كما في الصوره هذه..
http://www.angelfire.com/linux/sharksgroup/hyper-step2.gif
بعدين اضغط على اوكي OK ... في هذه الحالة سوف يجري اتصال .. من الافضل ان تلغي الاتصال الان .. وتجعل خويك يسوي نفس الخطوات ويكتب رقمك (او يتركه فاضي) ويلغي الاتصال ايضا.... طيب الى الحين اوكي ....


بعد مايسوي خويك نفس الخطوات ... وتلغوان كلكم الاتصال .. راح تكوون عندكم صفحة الهايبر تيرمينل بيضاء .. الحين انتقلوا اثنينكم الى القوائم وافتحوا قائمة "اتصال" Call.... واحد منكم يختار Call وهو اللي راح يقووم بعملية الاتصال والثاني راح يختار Wait for Call وهو اللي راح يقوم بعملية استقبال المكالمة...
http://www.angelfire.com/linux/sharksgroup/waitcall.gif

الحين بعد مايدق التلفون دقة وحدة.. راح تسمع ذبذبات الفاكس بالضبط كأنك تشبك بالانترنت... بعدين راح تحصلون على كمبيوترين مشبوكين ... راح تقدرون تتبادلون الحديث والملفات ... السوال/ كيف تقوم بعملية الارسال؟؟

الجواب/...
بعد اتمام عملية الاتصال .. اذهب الى قائمة Transfer وتعني "تبادل او نقل" واختار منها Send وتعني "ارسال" ...
http://www.angelfire.com/linux/sharksgroup/howtotransfer.gif

ومن ثم ابحث عن الملف المراد ارساله .. ولا تغير مسمى المودم في الحقل الثاني الموجود بالاسفل .. كما هو موضح بالصورة..

http://www.angelfire.com/linux/sharksgroup/hyper-step3.gif

ومن ثم اضغط اوكي OK...

والان سوف يقوم البرنامج بارسال الملف الى صديقك.. وراح تشوف معلومات عن عملية ارسال الملف .. انظر الصورة التالية..
http://www.angelfire.com/linux/sharksgroup/transfer.gif

كما هو موضح بالصورة .. سرعة انتقال الملف هي سرعة خط الهاتف وهي 33 كيلو (الف) بايت (كلمة) بالثانية... وهي سرعة بطيئة في عالم الشبكات لكنها افضل بكثير من حلول اخرى وهي مناسبة لارسال الملفات المنزلية...

بعد اتمام عملية الارسال .. في الجهاز المستقبل راح يعرض الكمبيوتر صفحة تبين معلومات تفصيلية عن الملف المستقبل ومكانه.. ومن ثم تقدر تشغيل الملف..


بقي كيف نعمل وقف للاتصال.... هو بكل بساطة عن طريق الضغط على الايقونة المشار اليها بالسماعة المرفوعة...



أرجو من الله اني وفقت في شرح هذا الدرس.. وان يجعله في ميزان حسناتي ...

ارحب باي استفسار منكم..


أخوكم..
دمعة

[صدى الأمواج]

شكرا لك على الدرس الرائع

[دمعة]

لا شكر ع واجب أمواج...

[أبو بويسم]

اللللله يعطييييييييك ألف ألف ألف أي ألف مليووووووووووون عااااااافية
والله موضوع متعوووووووب عليه من جد
من جد غطيت على الصغيرووووون شهد الحزن
واعذرني على الفترة السابقة أخوي دمعة
بس والله إنك خبييييييير

[دمعة]

مشكور ابوبويسم .. انتوا تستاهلون اكثر من كذا .. صدقني ...


بس نحتاج .. حماسكم .. واذا كنتوا بتحمسونا اكثر .. ابشروا

[شهد الحزن]

يسلموا
اخوي دمعه طارق وابشر اخوي بالي يثبت الموضوع لأنه نادر في المنتديات بس عاد وش نقول
اما لما قلت من دورات ماعليك انت ابدأ واحنا وراك ماعليك ماراح تشوف إلا كل خير
وابو بويسم هذا اخوي المهندس دمعه وانا الي جايبه وانا واخوي طارق مابيننا شئ علما ً هو احسن مني بكثير افاد الله بعلمه الأمه الإسلامية
جزاك الله خير اخوي دمعه

[سليمان]

مشكوووووووووووور
يعطيك العاااااااااااافية

اخوي / دمعة ،، الى الاماااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااام

[دمعة]

طيب اخوي شهد ... ارتب الدروس واعطيك خبر قبل كل شي .. وانت راح تبقى مهندسنا الكبير.

مشكوور اخوي سليمان ... وحركتات التوقيع..

[الـحـريف]

تسلم أخوي على الطريقة والشرح الرائع