المساعد الشخصي الرقمي

مشاهدة النسخة كاملة : ابو ريان مواطن عماني

معاند الشوق
08-30-2003, 05:21 AM
<div align="center">
ابو ريان في عمان

ابهرني كرم العمانيين وطيبة قلوبهم

فجادت قريحتي بهذه الابيات

القصايد لو نبيها تسولف عن عمان *** تعجز حروف القوافي ومنهو قالها

البلاد اللي عليها من الله الامان *** العروس الفاتنه ينسحر من جالها

دولة السلطان قابوس من بين الجنان *** جنة خضراء ولا اظن فيه امثالها

ديرةٍ منهو وصلها يغنّي دان دان *** ويتغزل في جمال عمان يا عذالها

اهلها فيهم رجال يعزّون المكان *** الكرم والعز والطيب هو مدهالها

الضيافة عند اهلها معاها هيلمان *** لو جلست سنين ما ينقطع فنجالها

الرجال اللي على الخيل والغيد الحسان *** يغمرونك بالمحبة بكل اشكالها

القمر يحكي عن عمان ويحط الرهان *** وتخسر القمرا الرهان وتجر أذيالها

ليتني والله مواطن عماني كان كان *** شلتها من فوق ظهري وانا خيالها

يا جماعة لو بغينا نسولف عن عمان *** تعجز حروف القوافي ومنهو قالها


وسلامتك وسلامة اهل عمان </div>
شهد الحزن
08-30-2003, 05:29 AM
صح لسانك حبي بو ريان
والله شعر حلو منمق ومكتوب بماء الذهب معطر بالزعفران
والي احلى منه انك انت الي كاتب هالشعر الله يعطيك العافية
سلمت يداك عوفيت يااخوي بو ريان
واقولك ارجع ترى الدنيا ماتسوى من دونك
سليمان
08-30-2003, 02:47 PM
والله كلالالالالام حلوووووووو
ومصفوووووووووف صح

رح قوووله لقابوس
يمكن يعطيك لندكروزر :)

مشكوووووووووووور
يعطيك العاااااااااااافية
ابو عبد الله
08-31-2003, 12:27 AM
اليك مني التحية يا ابا ريان
ليتني والله مواطن عماني كان كان *** شلتها من فوق ظهري وانا خيالها
ارفع راسك يا ابو ريان
al3neda
08-31-2003, 09:14 PM
الله الله الله الله
والله ابدععععععععععععععععت بوريان منتب سهل
ماااااااااقصرت
معاند الشوق
09-10-2003, 08:14 AM
شهودي

شهادتك افتخر فيها حبيبي
معاند الشوق
09-10-2003, 08:15 AM
سليما ن

مشكور على اطرائك

اما بالنسبة لقابوس

ترا بيعطيني خنجر تسوالها لندكروزر
خخخخخخخخ
معاند الشوق
09-10-2003, 08:16 AM
ابو عبدالله

سلمت

وكلنا عيال ادم وحوا

سعوديين ولا عمانيين ولا قطريين ولا اي شي

المهم الاخلاق وانا اخوك
معاند الشوق
09-10-2003, 08:17 AM
العنيده

شكرا على مرورك

ومدحك ومجاملتك
مزمز
09-12-2003, 01:02 AM
الله الله
وش هالزيييييييييييييين
خيااال ابداااع انجاااز يعشقه الانسان***ماهو بشي جديد عن ابو ريان

وسلامتكم
الفدرالي
09-23-2003, 04:29 PM
يعطيك الف عافية وصح الله السانك بس اخوي بو ريان لي كل رد ترد برد لحالة هذا تراى مايجوز ... عشان تكثر مشاركاتك