للمتزوجين فقط فقط فقط ؟؟؟ [الأرشيف]

بدون اسم

09-25-2003, 05:26 PM

بسم الله الرحمن الرحيم

اعزائي واحبائي اعضاء المنتدى القدير
السلام عليكم ورحمة الله وبركاتة

ابي اتكلم عن موضوع واتمنى انكم تفهموووني ولا تزعلووون علي خاصتآ الحريم موضوعي هو نكــد الحريــم؟؟؟؟؟؟ :ph34r:

حقيقة ودي اخذ رايكم في الحريم النكديات اللي ما همهم الا النكد؟ والقرقه؟ والحنه؟ واختلاق المشاكل؟؟ هل هو خصلة من خصال الحريم ولا هو طبع في حرمة عن غيرهاا؟
الله يستر لاتجيني مره نكدية وحنانه 000000 ;)

تحياتي

دمعة

09-27-2003, 09:03 PM

هلا وغلا ببدون اسم ... شباب ماصارت مع مواضيعكم .. القسم للحوارات الجادة ماحطونن خطابه .. كل مواضيعكم عن الزواج والغيرة والحرمة النكدية......

كركركركرككركر

بالنسبة لي .. (مو متزوج --- بس قاط وجهي - متزوج مع وقف التنفيذ) بس اقوول انه البنت دايما تكوون ع حسب معالمتك لها .. انت بذاكائك وحسن معاملتك لها وبتفكيرك السليم راح تعرف كيف تحولها من نكدية الى مثالية بنظرك.. لكن مااختلف معاك ان هالصفات تعرف بانها صفات نسائية .. مرررة من المرات كان في واحد من عيال حارة كان معروف بنقل الكلام والقرقة .. كانوا الحريم او بالاصح زوجته تشتكي منه بقولها انه يحمل صفة نسائية..

بس مثل ماقلت .. المراة دائما عاطفية يعني مثل الحديد الحار تقدر تسوي فيه اي شي ... تقدر تغيره للشكل اللي تبيه بحكمتك وحسن تفكيرك

بدون اسم

09-28-2003, 12:27 AM

هلااا وغلاااا ومرحبآ الف اخوي دمعة ومشكووور على الطلة 0000 عموما الله يزووووجك من بنت الحلا اللي تريحك يارب0
اما الحريم وانا اخوك وخذ هالكلااام من مجرب نوعين يا تجيك جاهزه مايبيلهااا الا شويت تحريك بس00

والثانية تجيك عله00؟ طول على بال ماتتعدل 000 الله المستعاااان وانا اخوك

تحيااااتي يا غالي

دينا

09-29-2003, 02:05 PM

السلام عليكم اخوي بدون اسم 00 انا جديدة على المنتدى بس بصراحة انت شايل كثيررر على الحريم ترى اصابع يدك مو زي بعض0

شكرا

بدون اسم

09-29-2003, 04:07 PM

حياك الله اختي بس صدقيني 000000 النسبه الاكبرررررر منهم ؟؟؟

تحااااتي وياهلاااااااا بك

المجروح

09-30-2003, 10:24 PM

........ السلام عليكم ..... ...
انا اقول انا من حرمة لحرمة يختلف الوضع ...... اوكية ....

يعني انا في بعض الحريم موحننات باس فيهم رجة ........ مع احترامي .......زي كلام اختي <دينا>
وكل الحريم عندهم شي اسمه حنان غير<<< الرجل >>> :D
تحياتي B) B)

بدون اسم

10-01-2003, 09:24 PM

ياهلااااا وغلااا ومشكورررين وحياكم

تحياااااتي

دمعة

10-03-2003, 07:28 PM

بدون اسم ... اااامين يارب يكتب لي بنت الحلال اللي تحبني وتحافظ علي وتحطن بعيونها وتقفل علي (رومانسي) .... وبعدين

المعروف انه الاصابع باليد الوحدة ماهيب سوا .... صح والا لا؟؟ بتقووول لي الاغلبية هن حنانات وراعية مشاكل وماادري كيف؟؟؟ ابقول لك للمرة المليون حسن العشرة هو المسيطر ع مشاعر المراة وحسن اخلاقها .... وهذا العامل مساعد طبعا .. لاننا لو استندنا للتاريخ لوجدنا زوجة فرعون امراة عاقلة والقران والسنة يشهد لكلامي هذا ... مع ان زوجها رجل سوء.....! ايضا نجد امثلة كثيرة لنساء يشهد لهم التاريخ ... والذي يعرف ان النساء ناقصات عقل ... والتاريخ يشهد ان هنالك نساء اكتمل عقلهن مثل مريم بنت عمران عليها السلام ... وفاطمة ابنة رسول الله صلى الله عليه وسلم ... راح تجي وتقول لي هذولي اول والاول تحول ... ابقولك لا تستند ع التلفيزيون والقنوات الفضائية ... والا راح اقولك كل البنات كذا يبون يسون من طراز هالعباة اللي ماتعجبني ... هل هذا مقياس؟؟ ايضا لو تشوووف كل البنات اللي الاسواق والمجمعات؟؟ الكل يعرف وش راح يشوف هل هذا مقياس ... حتى وان كثرت النسبة لا يعتبر مقياس .... لان الناس اصناف .... ومااتوقع انك في صنف لحالك؟؟؟ هذا بالعقل؟؟

واااسف ع الاطالة

بدون اسم

10-03-2003, 09:41 PM

عزيزي دمعة هذا رائيك من ملااااين الاراء وانا احترمة انا ترى ا من الناس اللي يحب الاختصار ؟؟ واقولك اخوي من اول كلااامي البعض؟؟؟؟ بس نسبة النكدياااات اكثرررر وادلل واقولك شووووف حالات الطلاق واليعاذ بالله وانت تفهم قصدي 000000 ؟؟؟

تحيااااتي لك ولباقي الاعضاء

دمعة

10-03-2003, 11:46 PM

عزيزي بدون اسم .. تسلم لي ...

انت ترجع كل اسباب الطلاق الى المراة بانها نكدية .... يمكن الرجال نكدي او باالاحرى ماهوب وجه زواج يعني مابراسه ادارة بيت مثل مانشوف هالايام ياكثر اللي يتزوجون عشان بس يرضون اهلهم ... وهم من جنب الزواج الى يومه وهو يطلع ويسهر مع ربعه الى اخر الليل ولا كان عنده مراة مسؤولة منه... صح والا لا ؟؟ يعني هذه مو افضل لها تطلب الطلاق؟؟

شهد الحزن

10-04-2003, 12:44 AM

Originally posted by بدون اسم@29-09-2003, 05:07 pm
حياك الله اختي بس صدقيني 000000 النسبه الاكبرررررر منهم ؟؟؟

تحااااتي وياهلاااااااا بك
شدعوه كم متزوج
مثل ماقالت دينا اصابع ايدك مو سوا :P
يسلموا دياتك خيو
وانت متزوج او مو متزوج ارسالك على بر <_<

دمعة قلم

10-04-2003, 01:12 PM

يعني احنا شرانيات يابدون اسم؟؟ الله يهديك اجل ع كذا يبي لك تتزوج اربع عشان تطلع منهم واحدة مو شرانيية وتتطلق الباقي!!! والا انا غلطانة .. هذا احسن حل..

بدون اسم

10-04-2003, 01:49 PM

Originally posted by شهد الحزن+4-10-2003, 12:44 am--></span><table border='0' align='center' width='95%' cellpadding='3' cellspacing='1'><tr><td><font face=Tahoma>اقتباس</font> (شهد الحزن @ 4-10-2003, 12:44 am)</td></tr><tr><td id='QUOTE'> <!--QuoteBegin--بدون اسم@29-09-2003, 05:07 pm
حياك  الله  اختي    بس   صدقيني 000000 النسبه  الاكبرررررر   منهم   ؟؟؟

تحااااتي    وياهلاااااااا   بك
شدعوه كم متزوج
مثل ماقالت دينا اصابع ايدك مو سوا :P
يسلموا دياتك خيو
وانت متزوج او مو متزوج ارسالك على بر <_< [/b][/quote]
احبائي واعزائي ياللي في بالي ؟؟؟ حلوه اغنية صح ؟؟؟
عموما :-

شهد الحزن :blink: اخوي دمعة :huh: اختي دينا :ph34r: دمعة قلم :ph34r:
انتم للحين مافهمتو قصدي بس احاول اوصلكم اياه؟

1- انا قلت النسبة الاكبرررمنهم 0000 واخص هالايام0

2- اكيد أصابعي مو زي بعض0000

3- بالنسبة للطلاق وبختصاااار شديد صدقني نهاية المرأة 0000

4- كم متزوج ؟ ومتزوج ولا لا ؟ منيب قايلك ياحلوووو00 :D

5- بالنسبة للمرأة هي الام والزوجة والاخت والصديقة هي الحنان هي الراحة وانا احترمهاا واقدرهااا 0000

شرفتوني بأرائكم الرائعة واتمنى تبقى مثل ماهي بعد ماتتزوجون ؟؟ بتقولون شدراك ؟ مبين من كلامكم الله يوفقكم0000 ويسعدني انتقادكم0

وياهلا وغلاا فيكم :7yo:

دمعة

10-08-2003, 04:00 PM

احتري 6 يابدون اسم ............ ماهي اسباب الطلاق مجملة؟؟؟

وان شا الله راح يبقى ..... لانه مااتوقع انك عشت مع اخوانك (فرضا عندك اخوان) من غير هواش من انولدت الى الحين ؟؟؟

فماهو صحيح ان من المستحيل انه المتزوجين واللي عايشين بسلام ويحبون بعض ماتهاوشوا في يوم ... لازم يتهاوشون ولكن هنا يبين كيف التصرف ؟؟؟ يعني مو اي هوشه طلاق !!!!

ويقولك في دراسات الاخوان اللي مايتهاوشون فيهم مشكلة فما بالك بالازواج!!

بالنسبة لي ان شا الله كلامي بيبقى .......... معليش واثق ولله الحمد

وشكرا ع طرحك

شهد الحزن

10-08-2003, 04:36 PM

ماأعتقد انه نهاية المرأة الطلاق وين قاعدين احنا في 2003
مو 1111 وحطبة غريييييييييييييبة

المتفائل

10-09-2003, 07:55 PM

شف يا بدون اسم ... أما عن النكديه فحدث ولا حرج يا كثرهم على القلب ولو زعل من زعل خاصة بنات هالاسابيع (ملينا من اليوميين) نعفقه وثقالة دم وشين طبايع وما عندهم إلا ودني وجبني وين كنت وين تبي تروح ...

يعني كلام حلو انسا

طبخ زي العالم .. خلك على بيض عيون ويمكن تنسى الملح بعد

معاملة محترمه ... عساك تسلم من فلعة الراس

كل هذا ويتناقزون إذا شافوا مثل هذي المواضيع يقولون (مش كلهم ... اصابعك ماهي سو) ندري بس مثل هذا الحال وأردى ويا الله تلقالك وحده بالألف منهم إلي تقدر ترقع فيها باقي حياتك الزوجيه ...

وعشان أكون اكثر صراحه ترى حالنا مثل حال البنات يعني وين رجاجيل أول إلي يقدر المسؤولية ويسوس البيت بالين والحزم ....

شف يا أبو الشباب كانك متزوج فخلك على مجنونك لا يجيك أجن منه وان كانت عزوبي أخر موضوع الزواج إلين تزهق من الحياة وتقرر إنك تنتحر (أمزح لا تصدق) إذا كانك عزوبي فعجل بالزواج ترى ما راح تلقى وحده على مزاجك والخوف لا يكون الجاي أخس من الي موجود .

ودي أكمل بس أحس بآلام مبرحه في الرأس وقريب من الرقبه وانتفاخ شديد في العين اليسرى أثر لكمه قويه لا يعرف مصدرها :blink:

ملاحظة : الكل يسأل وين حريم أول وأنا أقول راحوا مع رجاجيلهم ...

بدون اسم

10-09-2003, 08:06 PM

ياهلاااااا وغلااا فيكم اخوان واخوات واعضاء متميزين 0000 ابشر من عيوني دمعة00

تحيااااتي للكل

بدون اسم

10-09-2003, 08:10 PM

حياك الله يا المتفائل وياهلا وغلاا وما تشوف شرر وانا اخوك خلك مثل اسمك متفائل

تحياااتي لك

دمعة

10-10-2003, 09:53 PM

حلوه مشاركتك يالمتفائل ... في كم نقطه ابيك تحطها في بالك...

1. اكثر المشاركين من الذكور .... وفيهم معارضين للفكرة.. ماهم بس بنات!!
2. يعني انت معانا في ان ماهو دايما المشكلة تكون من جانب المرأة .. فحتى الرجال يمكن انه يخطي ومايعرف يسوق زوجته ؟؟؟ صح والا لا؟؟
وانت معناانه علاج المراة بطريقة الاسلوب لادارتها؟؟ صح والا لا؟؟

والحين انا معاك ...:) في هالشي ... مافي شي بقى ع حاله!@!!

بدون اسم

10-13-2003, 08:30 PM

السلامو عليكم ورحمة الله وبركاتة

هلا وغلاا بالكل :7yo:

اخوي دمعة شخبارك يا غالي B) من زمان عنك 00 وعن افكارك الحلوة :huh:
1- انا طبعا اختلف معك واقول دائما المشكلة اساسها الزوجة النكدية

2- الرجال اخوي دمعة صدقني مثل الطفل الكلمة الحلوة تكسبة لك والكلمة الشينة تبعدة عنك

3- الحين ترى الحريم مهوب على زمن اجدادنا يعني ما فيه شي اسمة (يسوق زوجتة ) مثل ما قلت ؟؟ فيه شي اسمة ( تفاهم بين الاثنين ) بس اهم شي ما تكون من النوع النكدي؟؟ عشااان ما نطلع من الموضوع؟؟؟

تحيااااتي للكل ولك شخصيأ :7yo:

دمعة

10-16-2003, 01:47 AM

وعليكم السلام ...

كيف حالك اخوي بدون اسم ؟؟ الى الحين مالقيت لك اسم...

احترم وجهة نظرك اخوي الغالي ...

بالنسبة للنقطة الاولى تراه بطبع البشر ... واسلوبك وشطارتك .... راح تكسب الحرمة ... ونفس الشي المراة مثل الطفل ...

وتراه احلى الشي التفاهم انا ماقصدت من سواقتها بانك تجحف بحقها .. لانه في اشيا كثيرة اولها انت ليه متزوج؟؟ ماهو عشان تحس انك عايش!! وجهة نظري

بدون اسم

10-19-2003, 01:16 AM

ياهلااااا وغلااااااا اخوي دمعة انا بخير وعافية والحمدلله ربي العالمين 00 انت شخبارك يا غالي

1 - لي اسم اذا تبي تعرفه دور عليه 0000000

2 - انا اذا حبيت اتزوج اتزوج عشان القى الحياة الهادئة الحياة الاسريه بمعنى الكلمة ابغى اذا تعبت القى الحرمه اللي تريحيني مو الحرمة اللي تنكد علي ( هذا موضوعنااا النكد )

3 - وجهة نظرك احترمهااا واقدرهااا مع تمنياااااتي لك بعرووووس تسعدك يارب

4 - احتري ردك 000ههههههههههاي

تحياااااتي لك اخوي

دمعة

10-19-2003, 08:45 AM

حجي تعبت وانا ادور ...................

السلام عليكم ورحمة الله وبركاته... الحمدلله تمام ..

اجل ع كذا الله يعينك .. اكيدد تقووول الشرهه ع اللي خطب لك اياها ... بس صدقني كل شي يتصلح حتى لو تقووولي هذه عادتها !!!! باسلوبك تقدر تغيرها ....... وبسهولة ان شا الله ابد غير اهتمامها للشي اللي مايعجبك وباسلوب ماهوب بصراخ وطقطقة .. لا ابد باسلوب حلو وتبقى هي بنت الكلمة الحلوة تجيب فيها العيد ...

ويعطيك الف عافية

دمعة

10-21-2003, 07:13 AM

السلام مرررة ثانية ... كنت احتريك ترد بس معليه يمكن تاخرت راح ترد ... كنت ابي تشاركني هالقصة اللي لعبت كثير بعقلي وخلتني اربطها باشيا كثيرة منها حكاية النكد....

وش مصيرك لما تجي لشخص وتلقاه مكشر؟؟؟ يعني جيت تبي تقعد معي وتسولف ... ولما جيت لقيتني قافلة معاي... اكيد بتروح وتجيني بوقت ثاني ... جيتني مرررة ثانية ولقيتني ع هالمنوال ماهوب راح تمل وراح الشي هذا ياثر ع علاقتي معك !!! صح والا لا؟؟

فما بالك باكثر الحريم اللي يدخلون عليهن ازواجهن بعد العمل وقافلة معه كان الدنيا كلها فوق كتوفه راجع البيت وجايب افكار شغله كله معاه.. ماهوب راح ياثر ع علاقة مع اعز الناس له ... يعني الشغلة تبقى في يد الزوج الزوج يقدر يعالجها بابتسامة بكلمة حلوة .. وانت مثل ماقلت يابدون اسم الرجل مثل الطفل ترى حتى المراة طفلة تقدر تلعب بمشاعرها-قلبها يحركها لزيادة عاطفتها ولولا هالشي كان سمحنا لها بالمناصب الادارية... هذه احد النقاط الموجودة في عالمنا صح والا لا؟؟

شف الكاركاتير

الولهــــــــان

10-21-2003, 01:07 PM

شوف انصحك نصيحه انا بطبقها نشاالله
تزوج وحده اسيويه ماتقولك ودني بين اهالي ولاتقول ابي طلع ولاابي اروح
نصيحه من القلب طالعه

دمعة

10-21-2003, 09:56 PM

كر كر كر حلوة يالولهان ... يعني الخليجيات ماهن اسيويات!! طبطبطب احس انك تقصد شرق اسيا ... طيب وفي اوادم كثار يذمون الزواج من الخارج... شافتك عندك قرشين تاخذهم وتقب بالجواز... يالله وش الدبرة احنا ماافتكينا من الطوابير في دوائر حكومتنا عشان نسلم من طوابير هالاسيويين!!

قبل فترة في بنت تضحك جابوهافي التلفيزيون السعودي وهي بكامل كشختها مكياجها وجنزها المهم جات تتكلم عن تجربة انها عربية ومتزوجة سعودي ... اشوي والمكياج يروح والكحل يسيل عشان الدموووع قامت تنهمر بغزارة ماادري هل هي تمثيل ومعطينها ريالين والا صدق ومعطينها كفين؟؟

شهد الحزن

10-22-2003, 07:20 PM

الله يرجك الولهان تزوج لك وحده من الخارج
خوووووووووووووووووووووووووووووش نكته
دمعه كلامك صحيح
وكمان المتفئل لكن الواحد ينقى قبل مايتزوج احسن له

بدون اسم

10-23-2003, 10:08 PM

<div align="center">بسم الله الرحمن الرحيم</div>

هلا وغلا اخوي دمعة ويامرحبا فيك
هلا وغلا اخوي الولهان
هلا وغلا اخوي شهد
اتمنى من الله ان يكون الجميع بصحة وعافية

1-انا اسف على التاخير اخوي دمعة بس تعرف مشاغل الحياة كثيرة ؟
2- دورر حييل ويقلول المثل من صبر ظفر؟؟؟
3- فعلا كل شي يتصلح بس لو تصلح يرجع مثل ماكان ولا يصير فيه خدوش؟؟؟؟
4-صحيح بالاسلوب الحلو كل شي يصير بس فيه ناس سبحان الله تركبتهم( نكــد )؟؟
5- عمر الطقطقة والصراخ على قولتك ماجابت نتيجة واتفق معك فيهاا؟؟
6- اذا جيت لواحد مكشر اتحمد ربي وامشي عنه وادعيلة ؟؟
7- بالنسبة للرجال وحالاتة المختلفة؟؟ شرايك نطرحة في موضوع بالحالة لانه فعلا يستاهل النقاش اخوي دمعة 0
8-الاخوان الولهان وشهد الحزن الله لايجيب الحزن؟؟ بالنسبة للزواج من الخارج ترى مثل ماانتم عارفين الزواج بيد الله سبحانة وتعالى يعني ماتدري من وين مكتوبلك تتزوج من اي بلد في العالم بس اهم شي تكون مسلمة 0
9- اسف على التأخير والاطالة ؟؟؟؟

تحياااااتي لكل عضو وتحية خاصة لك دمعة
كل عام وانتم بخير

شهد الحزن

10-23-2003, 10:22 PM

والله انك تعجبني بدون اسم وانا كل كلامي ترى مزح معك
الكلام الحلو مافي احلى منه والكلام بسياسة وعلى خفيف بدون صراخ تحل مشاكل مهددده بالطلاق مو صح يابدون اسم

بدون اسم

10-23-2003, 10:56 PM

ياهلا وغلاا اخوي شهد انتا صح وكل الصح وياهلا وغلا فيك وكل عام وانت بخير وصحة وعافة

تحيااااتي لك

دمعة

10-24-2003, 02:21 AM

اخوي الغالي بدون اسم .. انت تامر امر ... والنقطة السابعة تستاهل تكوون موضوع مستقل بس الاهم انها تكوون من خط ايديك... وياليت وماعليك امر تكتبها باسلوب المميز يامميز..

كلامك حلو وعلى العين والراس...

تحياتي وكل عام وانتم بخير

بدون اسم

10-25-2003, 01:32 AM

وانت بخير وصحة وعافية

ابشر طال عمرك من عيوني وبصراحة احرجتني بكلامك المرتب والذوق يا ابو الذوق 00 ابشر بس عطني وقت شوي يعني طول بالك عشان اضبط الموضوع واحط نقاط سهلة للجميع عشان يشارك فيهاا جميع المستويات 00 تامر امر

تحيااااتي لك