المساعد الشخصي الرقمي

مشاهدة النسخة كاملة : 0 تقسيم 0 ... ليه؟؟

دمعة
09-25-2003, 06:57 PM
السلام عليكم ورحمة الله وبركاته ...


نظرا لشغف الاعضاء في معرفة سر القسمة على الصفر والغير المعرف .... فكرت اني احط السر في موضوع مستقل عن موضوع الاخ الغالي شهد الحزن "جاوب بصراحة" ... وقبل ابدي بشرح السر .. ابي اثني ع الاعضاء المتواصلين في هذا السوال وهم شهد الحزن الغالي - مشرفتنا الغالية علينا العنيدة - الصديق الغالي كنج نت ....
*************************************************
خلونا نبدا ...

ماابي اعطيكم السر كذا تاخذونه وتهضمونه وتنسونه .. خلونا ناخذه حبه حبه او خطوه خطوه ...

الخطوه الاولى/
جاوبوا على هالاسئلة:

خلونا نختار رقم للبسط وهو 50 .. عشان يكون سهل للحساب معانا .... ونخلي المقام رقم متغير ...

حسبوا الحين الخمس مسائل الجايه..

50 تقسيم 50 تساوي كم ................. 50 / 50 = ؟
50 تقسيم 25 تساوي كم ................. 50 / 25 = ؟
50 تفسيم 10 تساوي كم ................. 50 / 10 = ؟
50 تقسيم 5 تساوي كم ................. 50 / 5 = ؟
50 تقسيم 2 تساوي كم ................. 50 / 2 = ؟

عطوني حلولها كلها ... وبعدين راح ننتقل للمرحلة الثانية........
شهد الحزن
09-25-2003, 07:06 PM
يوووووووووووووووووووووووووووووووووووووووووووووو
حووووووووووووووووووووووووووووووووووووووووووووء
سلاموا شباب انا بحل اول واحد الحين
50/50= 1
50/25=2
50/10=5
50/5=10
50/2=25
شوفها ولاتروح للنقطة الثانية إلا لما نقولك طيب عزيزي
al3neda
09-25-2003, 07:21 PM
50 تقسيم 50 تساوي 1
50 تقسيم 25 تساوي 2
50 تفسيم 10 تساوي 5
50 تقسيم 5 تساوي 10
50 تقسيم 2 تساوي 25
شهد الحزن
09-25-2003, 07:29 PM
طيب طيب ثبت الموضوع خيو طارق
دمعة
09-25-2003, 08:06 PM
طيب طيب .. بناء ع رغباتكم ثبتنا الموضوع ...

الاجوبة صحيحة ...
بس سؤال.. وش لاحظتوا في المقام والناتج؟؟ كتبوا ملاحظاتكم..
صدى الأمواج
09-26-2003, 03:05 PM
طيب ممكن مداخلة .. ممكن اعرف هذا الموضوع تعتقدون انه من مواضيع الحوار الجاد والا في مكان ثاني انسب لة
شهد الحزن
09-26-2003, 03:34 PM
حبيبي هذا موضوع من الحوارات الجادة للي يدرسون الرياضيات فقط
والي يحبون التعلم فقط
وهل هناك محل احسن من هالمحل
شكررررررررررررررررررررن طروقي والعنيدة وامواج وياليت تشاركنا بالحل.
دمعة
09-26-2003, 05:30 PM
السلام عليكم كلكم ...

أمواج/ محله مناسب .. مايصلح في المنتدى العام لانه يحتوي ع هدف الحوار وتبادل المعلومات ... ولا يصلح في الكمبيوتر لانه رياضيات ولا الاسرة لانه ماهوب عضو من الاسرة ولا الوناسة لانه يضيق الصدر ولا الفني لانه مافيه ردحة ... خلاص مكانه حلوه هنا..............

شهد & العنيدة/ ابي ملاحظاتكم..............
al3neda
09-26-2003, 08:34 PM
يمكن توضح اكثر
دمعة
09-26-2003, 08:42 PM
ابد ابيكم تلاحظون الارقام اللي استخدمناها في المقام (تعرفون وش المقام)؟؟ هي الارقام اللي قمسنا الخمسين 50 عليها ... وشوفوا الناتج ... وش تلاحظون فيها
دمعة
09-26-2003, 08:50 PM
والحين .. خلوا ملاحظاتكم بعقولكم...


وحلوا هذه...

50 تقسيم 1 يساوي ........................ 50 / 1 =
50 تقسيم 0.1 يساوي ........................ 50 / 0.1 =
50 تقسيم 0.01 يساوي ........................ 50 / 0.01 =
50 تقسيم 0.001 يساوي ........................ 50 / 0.001 =

وراح تلاحظون الملاحظة اللي بعقولكم بقوووة هنا
شهد الحزن
09-26-2003, 09:29 PM
50/1= 50
50/.1=500
50/0.01=5000
50/0.001=5000
والملاحظة الجواب يكبر والمقام يقل دائماً
دمعة
09-26-2003, 10:17 PM
صحيح ياشهد الحزن هذا اللي كنا نبي نثبته هنا ...

اذا ثبتنا البسط .. وقمنا نغير المقام .. بارقام تنازلية .. راح نلقى ناتج القسمة دايما في تزايد .....

طبع انتوا متفقين معي انه هالرقم 0.0000000000000000000000000000000001 اكبر من الصفر .... صح؟؟

لهذا فانك لما تبدى تحط ارقام صغيرة وتوصل الى اصغر رقم في مجموعة الاعداد الكلية ( مجموعة الاعداد التي تبدى بالصفر وتمتد الى مالا نهاية) ... راح يطلع ناتج القسمة ع الصفر عدد كبير مررة ... ونظرا لانه ماتوصل العلماء الى اكبر عدد في الوجود ... فاطلق ع هذا العدد بما لا نهاية...

واذا جيت تمثل المثال حقنا (البسط 50 - المقام متغير بشكل متنازل) في محور سنين وصادي .. متغير المقام هو محور س .. الناتج محور ص ... راح نحصل ع شكل متناقس في السينات (مستقيم متجه نحو نقطة الاصل ) ومتزايد بشدة في محور الصادات .. متجه الى الاعلى ...

كما هو موضح بالرسم...
al3neda
09-27-2003, 12:53 PM
دااااااااااااااااار راسي :wacko: :wacko: :blink:
دمعة
09-27-2003, 08:51 PM
ههههههههه العنيدة .. اخذي لتس كوب كافيه ..... تراها سهلة ومنطقية .. ابدي بالخطوة الاولى وانتهي بالرسم...


والله الموفق
ساهي العيون
09-27-2003, 09:00 PM
السلام عليكم اود ان اشرككم الحل ممكن يعني شفت العنيدة موجودة قلت اكيد موعنكم تحيز للبنات او الأولاد
المهم الرسمة مو توضح ماقاله شهد من ملاحظة
وننتظر ابداعات اخوي دمعه
وشاكريين ومقدريين لك تعبك
وننتظر الجواب ولاتبخل علينا بأي معلومة
وآسفه اني تأخرت على الرد وما دخلت الموضوع لكن تعرف المدرسة وبلاويها.
جزاك اله الف خير
دمعة
09-27-2003, 09:27 PM
حياتس الله معانا ياساهي العيون ... هل الرسمة ماكانت واضحة؟؟
al3neda
09-28-2003, 03:22 PM
يعطيك العفيه دمعه وبحاول افهم
دمعة
10-01-2003, 12:44 AM
الله يحيكم كلكم ان شا الله ...


واذا في شي مافهمتوا او اشكل عليكم ... موجودين وبالخدمة
شهد الحزن
10-03-2003, 12:13 AM
<span style='color:deeppink'><div align="center">يسلموا طررررررررررررررررررررررررررررررررررررررررررررررررر ررررررررررررررررررررر
وووووووووووووووووووووووووووووووووووووووووووووووووو وووووووووووووووووووووووووووق
ال
م
ه
ن
د
س
ال
ك
ب
ي
ر
والله انك مبدع يسلموا خيوا</div></span>
دمعة
10-03-2003, 12:36 AM
هابشر انت ... كيف الشرح كان واضح والا غامض؟؟ ابيض والا اسود؟؟
شهد الحزن
10-03-2003, 12:51 AM
شوي غامض خلني اتذكر بس وفهم عدل
دمعة
10-03-2003, 01:02 AM
انتظر اسئلتكم بهذا الصدد .... <<وخر عنه دكتور مادة الرياضيات>>
أبو بويسم
10-03-2003, 02:40 AM
والله درس رياضيات ولا أحلى
بصراحة تصلح مدرس رياضيات أخوي دمعه لك مستقبل
واعذرني على غيابي عن المشاركة في الموضوع من البداية
دمعة
10-03-2003, 05:20 PM
تسلم لي ابو بويسم على هالنظرة الرائعة ... بس تتوقع راح ادرس مين؟؟ ثانوية والا متوسطة؟؟؟

ومعذور اخوي بوبويسم .. بس لا تحرمنا طلتك تراها روعة ع مواضيعنا