^ ذكريـــــــــــــ" الحج " ـــــــــــــــــات ^

[حنين الروح]

السلام عليكم ورحمة الله وبركاته

^ ذكريـــــــــــــ" الحج " ـــــــــــــــــات ^


اعتذرت من بعض الاعضاء عندما طلبوا مني الحديث عن الحج وذكرياته وعن مواقفي في الحج
ولكن وعدتهم ان اكتب عنها متى ما سمحت لي ظروفي وتحسنت صحة والدتي

وها أنا الان أسطر لكم بعض من مواقفي في الحج

كانت رحلتنا مــــساء يوم الاحد الموافق 7 / 12 / 1428هـــ

ركبنا الطيارهــ في مطار الملك خالد الدولي بـ الرياض

طبعا كل واحد منا جلس على مقعدهــ في الطيارهــ

أنا جلست عند الشووباك ويميني أمي الله يحفظها ويمين أمي ولد أخوي ( أصغر حاج في جمعتنا عمرهــ بعد 14 يوم بيصير 8 سنوات )

كان ضايق خلقي وما تكلمة ولا بكلمه طول الوقت كل تفكيري مع عمي أبو خالد اللي في المستشفى ومع نوافي الصغير ولد أخوي ومع حمودي ولد أخوي لان حمودي كان يبكي في المطار ومو راضي لي اروح عنه

الموهيم جات المضيفه ومعها العشاء وتسئلني مدام تبين تشكين اور بستا
وانا بوادي وهي بوادي ماني معها ابد امي اخذت لي تشكين وحطت الاكل قدامي وانا الى الان ساكته
وماني معهم تفكيري في الرياض عند عمي وعند نوافي وحمودي

كلمنتي امي وقالت لي كلي لك لقمه انتي ما تغديتي قلت لها ما ابي مالي خلق اكل
وبعد محاولات من امي اكلت لي ملعقت من الرز وما عجبني
وجلست اناظر في الاكل واتئمل فيه

وجاء في بالي موضوع وجبات الخطوط
7
http://www.m-waaj.com/ib/showthread.php?t=11673 (http://www.m-waaj.com/ib/showthread.php?t=11673)

وقلت بصور لكم وجبت الخطوط الجويه السعوديه
بعدسة كمرتي
وهاذي هي الصورهــ

http://www.i22i.net/uploads/7fde362165.gif


بتقولون كيف صورة بقول لكم عادي انا ما طفيت جوالي خليته أووف لاين (غير متصل بالشبكه )
كانت المضيفه توزع كووفي قلت ما ابي كوفي لو سمحتي ابي عصير مانجو وجابت لي عصير كوكتيل
ما أحوووبه :10100: ( ما تعجبني النكهات المخلوطه أحووب كل نكهه لوحدهــا )
بس اجبرت نفسي وشربته لاني جوعانه وابي شيء يعطيني طاقه

وصلنا لمطار جدهــ وقبل ننزل كان المضيف يقول كلام مدري وش قال لاني كنت مشغوله جالسه افتح جوال احول من غير متصل بالشبكه الى الوضع العادي

واشوف الرسائل اللي وصلتني
الاويدق جوالي كان اخوي ابو نواف رديت عيه وسمعت نواف يبكي:10800:

الموهيم ما راح ادخل في التفاصيل كلها والكلام الطويل:em3600:

ركبنا باص تابع لحملتنا اللي رايحين فيها ينقلنا من مطار جدهــ الى الحرم لاننا لازم ناخذ عمرهــ علشان حنا متمتعين وبعدالحرم يودينا لمنى

وحنا في الباص تعبت أمي مدري وش صار لها فجئه
وكان الطريق طويل تقريبا جلسنا في الباص ثلاث ساعات ونص
عطيت امي دواها لكن مافيه فايدهــ كل مايمر الوقت تتعب اكثر احس بئلمها حتى لو ما تكلمت
كنت احاول اسوي لها اي شيء كلمت ابوي وقلت له يكلم الدكتور اللي يعالجها ويقول له
ويسئله وش نسوي وقال الدكتور لاتسون شيء يمكن تعب خفيف ويروح بذن الله
رحنا للحرم واخذنا لامي عربيه فوق في الدور الثالث ونزلنا تحت علشان نعتمر
طبعن المجموعه انقسمه الى عدة مجوعات
مجموعتي فيها انا واختي الصغيره وابوي واخوي الثالث وولد اخوي
وخلصنا طواف تحت بس كان زحمه كثير ورحنا للسعي
خلصنا شوطين وصلينا الفجر وكملنا الباقي وبعدها اخذنا امي ورحنا لموقف الباصات
ننتظر باصنا اللي بينقلنا لمنى


اتوقف هنا ولي عودهـــ مع بقيت الاحداث والمواقف

دمتم بحفظ الرحمن

[مـــــــــاس]

وانا بالذات انتظر باقي الرحله بكل فارغ صبر
لاني حاسه بكل موقف انتي تمرين فيه

[دمعة شوق]

سلامة الوالده يالغالية والله يطمنك على كل غالي يارب

ويلا انا في انتظار التابع ايضا

واسال الله ان يتقبل منك حجك واهلك

[حنين الروح]

مـــــــــاس

أن شاء الله ماراح اطول عليكم ولآن راح اكتب لكم جزء... تـسلـمـيـن



دمعة شوق

يسلمك ربي ويحفظك..آمين يارب
وانتي كذلك الله يطمنك على كل احبابك
مثل ماقلت لمـــــاس أن شاء الله ماراح اطول عليكم ..كل ما افضى راح انزل لكم جزء
آمين يارب الله يتقبل من الجميع


اشكر لكما مروركمما
دمتم بحفظ الرحمن

[حنين الروح]

تــــــــــــــــــــــابــــــــــــــــع

عاد هذا الجزء فيه مواقف

^_________________^"

كان باقي مجموعتين منا مجموعه اللي فيها dalo3ah <<العضوه اللي معنا بالمنتدى (بنت عمي )
ومجموعة عمامي الاثنين
جات المجموعه اللي فيها dalo3ah واكتشفت شيء خطير dalo3ah بدون حذيان (شووز) اكرم الله
كانت لابسه شبشب يضحك قلت لها وين شوزك قالت انسرقت الكيس اللي بيدي فيها الشوووز جلست اضحك عليها واقول لها امشي كذا اصرف لك من هـــ الشبشب واقولها طسي مناك اشوف لاتمشين معي انتي وهــ الشبشب واتضحك عليها

واللي زاد الامر ضحك وخلى دلوعه انجلش واخوها بجد يضحكون على انفسهم أن جات مجموعه عمامي تتكون من عمين لي عمي الصغير واللي قبل الصغير
طبعن هم اول من خلص طواف وسعي لان ما معهم عوائل بس لحالهم
بتقول مدامهم اول من خلص ليش ماجاو بقول لكم السر
كانوا رايحين لمشروع وقف الملك عبدالعزيز( ابراج زمزم )وجالسين في الكوفي وفاطرين فطور على مستوى
ونحن المساكين جوعانين :10800:
المووووهيم جاو وشافوا اخو dalo3ah لابس شبشب ويمسكون عليه انواع التعليقات وحنا ميتين ضحك على تعليقاتهم (حنا مو جالسين معهم بس نسمع التعليقات لانهم جالسين قريب منا ونضحك على تعليقات عمامي )
ركبنا الباص كانوا حاطين حاجز بين النسوان والرجال
انا وامي جلسنا ثاني مقعد بعد الحاجز وورانا dalo3ah واختي
وورانا عمتي وزوجة ولد عمي
المووهيم انا جلسه اسئل امي كيفك الان ان شاء الله احسن واسئلها اذا تبي شيء
وكان هدوء بالباص شكل الكل نايم
الا ونسمع صوت عجوز قدام عند الرجال جالس يسولف مع عمي الصغير ماشاء الله عليه هـ العجوز الله يحفظه صوته عالي وصل عندنا وسوالفه رهيبه :10900: (شكله من اهل الشرقيه وساكن بالرياض لان لهجته شرقاويه )
وعاد مسكين اللي طاح بيد عمو الصغير لان عمي بيجننه
هو يسولف ويقول هــ الحين انت كم عمرك ؟ قال له عمي عمري ....
قال توك صغير وش مجيبك تحج وانت بذا العمر كان انتظرت كم سنه لين تتززوج وتجيب زوجتك تحججها معك
قال له عمي هذا الناقص بعد انا خلني انتبه لعمري في هـــ الزحمه تبيني اخذ معي نسوان لاطال عمرك زوجتي ابوها والا اخوها يحججونها مالي دخل فيها
قال العجوز نشوووف كلامك هذا بيتغير بعدين
قال له عمي مو فلان اللي يثني كلمته وس قالوا لك انا من الناس اللي تقودهم حريمهم
انا صغير على الزواج الان وما اضمن عمري ومدام انا قادر على الحج ليش اخليه لبعدين
وزوجتي يجب الله فرج اذا ما حجة بخلي اولادي في المستقبل يحججونها
الموووهيم هل عجوز ترك عمي وجاء عند الحاجز وقال باعلى صوووت يــ أم فلان (زجته) تعالي مدام النفس عليك طيبه
خخخخخخخخخخخخخ
ضحكت على كلمته (مدام النفس عليك طيبه ) مدري كيف يتجراء ويقول كذا قدام الناس حسيت ان زوجته طاح وجهها قدام الناس كل اللي بالباص سمعوووهــ وهو يقول كذا

عاد مدري وش قال لها ورجع قدام وجلس سوالف مع عمي
وانا واختي وبنت عمي نضحك على كلام العجوز وردود عمي الاستهباليه عليه
وصلنا منى وحنا تعبانين موووت لحسن الحظ ان كان مكاني بجمب امي انا بالوسط وامي يساري وبنت عمي dalo3ah يميني واختي تصير بجمب امي من الجهه الثانيه يعني اقدر انتبه لها
شفت امي تعبانه ومو قادرهــ تنام قلت لاختي نامي انتي وانا بجلس معها واذا صحيتي (اقصد اختي ) انا بنام وانتي تبقين معها لازم نصير كذا وحدهــ تنمام ووحدهــ تصحى
وجلست معي دلوووعه انجلش بس شفتها تعبانه وقلت لها
طسي نامي لاتقاومين وراحت تنمام
قلت بيني وبين نفسي لازم اخلي امي تنسى المرض شوي لازم اطلع لها سالفه تغير جوها جلست افكر وافكر :11200: ابي سالفه زينه وفي نفس الوقت مافيها حش باحد لان امي ماترضى نحش باحد ابد
قلت مالي الااجيب سالفه عن نفسي
قلت لامي قولي لي عن طفولتي وعن مواقفي في الطفوله:10900:
:em2700:
طبعن ما راح اعملمكم بسوالف الطفوله والمواقف اللي قالتها امي
اخاف عليكم من الضحك الزايد > لان كثرة الضحك تميت القلب <
<<تصرف :em2300:


جلسنا انا وامي سوالف بس مقصرين اصواتنا علشان مانزعج النايمين واحس تغيرت امي شوي
صحيت اختي وبنت عمي ورحنا نصلي الظهر رجعنا وخليتهم يكملون نومتهم لانا مواصلين وتعبانين
رحت اجيب فطور لماما ومارضت تاكل ولا شيء حاولت وحاولت مافيش فايدهـ
اقنعتها تشرب عصير علشان الدواء ما اقدر اعطيها وهي ماكلت شيء جاء العصر وقومت اختي وبنت عمي علشان نصلي
طبعن بتسئلون عن زوجة ولد عمي وعمتي ماكانوا مهنا كانوا في الجهة الثانيه من الخيمه بعيدين عنا
خلصنا صلاة وقلت لهم اجلسوا مع امي باخذ غفوة لو ساعه تعبااانه موووت نمت بس شووويه وجلس مع اذان المغرب صليت المغرب ورحت للمطبخ و جبت لي كوفي
وشفت امي الى الان ماتغير فيها شيء قلت الوضع ماينسكت عنه كلمة ابوي وقلت له كلم دكتورها واسئله وش نسوي امي مانامت قال الدكتور ولاشيء
جلست مع امي وبنت عمي واختي وجات عندنا عمتي وزوجة ولد عمي حاولنا نضيع وقت امي بالسوالف
وصلينا العشاء وكان فيه درس لاحدى المشايخ اللي معنا بالحمله يتكلم الدرس عن يوم عرفه وفضله
جلسنا نسمع الدرس وجاء وقت العشاء << يعني الاكل :10900:
اختي وبنت عمي راحوا يجيبون الاكل ولما رجعوا قلت لامي كلي قالت ما ابي مو مشتهيه قلت انا ما راح اكل ولا شيء الا اذا انتي اكلتي براحتك تبين تجوعيني يهون عليك اجلس من امس ماكلت شيء :em0400:
وهي تقول لي كلي وانا اقول لا انتي كلي اول واستمر النقاش الى ان اقتنعت وكلت شوويه

وخلص يووم الترويه
طبعن فيه اشياء ماقلتها لكم

^________^


جاء يوم عرفه
طلعنا من الفجر بالباص علشان نروح من منى الى عرفه
الحمد لله الدليل اللي معنا بالباص ماشاء الله عليه طلعنا من طريق غير الطريق المعتاد حتى انا وصلنا لعرفه في وقت مبكر الساعه سبعه ونص الصبح احنا في عرفه
جابوا فطور وفطرنا وجلست مع امي احيان اسولف معها واحيان اقراء قرآن كلمت اخوي قلت له تكفى طلعني شوي ابي اشوف الناس ما ابي اجلس طول الوقت بالخيمه كاني طالعه مخيم ابي اشوف الجبل (جبل عرفه) والناس
طلعت شوويه مع اخوي بس عشر دقايق لان اخوي مو معنا رايح مع حمله ثانيه بس قريب منا اذا نبيه نكلمه ويجي لنا وما يقدر يطول معنا لان وراه شغل هناك هو شريك صاحب هذيك الحمله
والله لماطلعت من الخيمه حسيت بحلاوة الاسلام وكيف اجتمعت هــ الملايين من كل مكان منظر ياخذ العقل ناس جات من كل مكان واجتمعت على جبل واحد ما بينها ولا رابط الا رابط الاسلام وهو اعظم رابط بهل كون
احمد ربي واشكرهــ على نعمة الاسلام اللهم يامقلب القلوب ثبت قلبي وقلوب كل احبابي وكل من يقراء هذهـ السطور على دينك
اللهم ادم علينا نعمة الاسلام وتوفنا مسلمين
الحمدلله الذي من علينا بنعمة الاسلام له الحمد والشكر
يالله صوت الناس وهي تلبي بصوت واحد ياخذ العقل الله يتقبل من الجميع اعمالهم
رجعت الخيمه وجلست مع امي واختي وبقيت المجوعه
سمعنا خطبت الشيخ عبدالعزيز آل شيخ / في الراديو لان المسجد بعيد عنا
وبعدها اذن شيخ حملتنا المؤذن الشيخ حمد الدغريري
وصلينا الظهر والعصر جمع وقصر خلف امام حملتنا وهو الامام عادل الكلباني


مضى الوقت الى ان جاء وقت الزوال

وطلعنا من منى رايحين لمزدلفه
لما طلعنا كان نهاية العصر
وصلنا لمزدلفه الساعه عشر ونص بالليل
سوا حاجز للنساء وجلسنا داخله في ذاك الوقت كانت امي الى ذاك الوقت تعبانه فجلست مها ومانمت
جلسنا في مزدلفه الى الساعه ثنتين الا ربع وبعدها رجعنا لمنى
انقسمنا مجوعات ورحنا للرجم كل شوي مجوعه لان مانقدر نترك امي (ابوي توكل عن امي )
اول شيء راح ابوي واختي ولما رجعوا رحت انا وابوي وولد اخوي
صحيح مشوار على ابوي يروح مرتين بس شو نعمل وهو اللي قالي كذا والا كنت بخلي واحد من عمامي يتاخر الى ان يرجع ابوي واختي واروح معه قال ابوي لا انا بوديك ابي بكلمك بموضوع وحنا رايحين بعد ماعلي تعب الرجم قريب منا كثير
حنا نسكن في مخيمات فئة أ (اقرب المخيمات للجمرات)
خلصنا وتحلننا التحلل الاول
بقت عمتي وزوجة ولد عمي بالمخيم وخليت امي معهم لانهم يبون يجمعون طواف الافاضه بالوداع
اما الباقي انا وابوي واختي وولد اخوي وعمامي اثنين وبنت عمي رحنا للحرم وانقسمنا في الحرم اختي مع عمي اللي قبل الصغير وبنت عمي مع عمي الصغير وانا وولد اخوي مع ابوي
طفنا طواف الافاضه وسعينا وصلنا العيد
ورجعنا للمخيم بس تعب السيارات توقف بعيد عن منى وحنا نروح نمشي مسافه طويله علشان نوصل لمنى ووصلنا لمنى من نفق الجمرات وكملنا طريقنا الى المخيم
وصلت لقيت امي الى الان تعبانه ومانامت قلت لابوي قل للدكتور يكتب لها اي علاج ونروح نشتريه مايصير كذا يقول لنا لاتسون ولاشيء نجلس نتفرج
كلمه ابوي وقال عطوها الدوا المنوم لانها اذا نامت بترتاح بس لاتدري عن الدواء حطوه لها مع عصير او حليب ورحت اعطيتها المنوم وجلست معها لى ان نامت
كنت تعبانه واصله اقصى درجات التعب وكل شوي يدق احد على جوال امي والجوال خليتووهــ معي علشان مايزعجها واخاف اقفله احد يدق ويخاف ان صاير شيء من اذا شاف جوالها مقفل فيروح يدق على ابوي ويقوم ابوي من النوم وجلست والله حتى اللي يدقون ما ابارك لهم العيد اصلن نسيت انه عيد :em0400: ما اتذكر الا اذا احد منهم قال كل عام وانتي بخير:em3600:
ولما جاء العصر كنت متضايقه كل ما اغفى يدق الجوال كلم اخوي اللي كان معنا بالحج وقال وش فيه صوتك شكلي ازعجتك وصحيتك من نومتك قلت لا عادي
وسولف شوي وقال وين الوالدهــ قلت له نامت سئلني عنها قلت احسن من قبل بشويه
قفلت منه الا ويدق عمي اللي قبل الصغير على جوالي قال كيفها الوالدهــ قلت احسن من قبل
قال وش فيه صوتك قلت له منكم يالمزعجين كل شوي تدقون علي ابي انام:10800: والله مانمت زين طول الايام الماضيه
قال هدي بالك وريحي ولاتضيقن خلقك وينها اختك وفلانه( اللي هي بنت عمي) قلت توهم صاحين من النوم
قال تعالوا نطلع شوي نتمشى ونغير جو
عاد طلعنا نتمشى وانا دااااااااااااااااا:em2100: ااااااااااااااايخه << هذا موقف يوم العديد اللي يضحك dalo3ah
7

http://www.m-waaj.com/ib/showthread.php?t=13194 (http://www.m-waaj.com/ib/showthread.php?t=13194)

لاتضحكون على الموقف :em0400:
وحنا نمشي من قلة النوم والتعب ماني قادره اركز امشي وانا نص نايمه
تعلق بحذياني (الشوووز) >اكرمكم الله< سلك معدني ضعيف ومتشبك باسلاك ثانيه
وحسيت شيء على رجلي صرخت وتمسكت بعمي اللي معنا واقوول رجلي رجلي
انا على بالي قطوه والا اسد والا فار اللي مسك رجلي كذا
طلع سلك :em0300:
وجلسوا يتضحكووون علي ويعلقون علي :em0800:
بس والله مت خوووف سمى علي عمي وعطاني اشرب مويه من العلبه اللي بيدوووهــ وكمل ضحكه مع اختي وبنت عمي وولد اخوي وعمي الصغير :10900: وانا اقول لهم تضحكوا مردودهـ لكم :10900:


رجعنا للمخيم وكملنا يومنا

اتوقف هنا ولي عودهـــ مع بقيت الاحداث والمواقف


دمتم بحفظ الرحمن

[قلب الملوك]

يعطيك العافيه دلوعه

بس شكل الحجه هذي الدلوعه صارت .................................................. ..


وجزاك الله خير ماصنعتيه مع امك
والله يكتبلك الاجر والخير كله

وماتشوف شر والدتك

والله يتقبل طاعتكم

[dalo3ah]

:em0300:

يادي الفضايح ... يعني لازم تقولين سالفة الشوووز:em0400:

مقبوله منك يــ دلوووعه
ونردها لك بذن الله في الرحلات القادمه بس تخلص الرحله برجع للبيت وفتح على المنتدى احط موضوع عن الرحله وذكرياتها:em3400:

بالتوفيق دلوعه ومشكورهــ على ذكر قصتنا علشان تصير في ذاكرة كل الامواج
والسنه الجايه يقوولون في مثل هذا اليوم من عام 1428هـــ دلوعات راحوا للحج :em3600:

وننتظر الباقي :em3400: <<قولي قـآآ=P


دمتي بود

[حنين الروح]

قلب الملوك

الله يعافيك

بس شكل الحجه هذي الدلوعه صارت........( مسكينات ):em3300:

وانت كذلك جزاك الله خير هذا واجبي مع امي ونور دنيتي وابقى مقصرهــ في حقها
آمين يارب وانت كذلك..
عداك الشر
يتقبل منا ومنكم صالح الاعمال


dalo3ah

يس لااااااااااازمــــ اقولها انتي اللي جبتيها لنفسك ولمحتي عن موقف يوم العيد في موضوع احساس
وانا لازم اردها لتس:em0200:

على خير من الان بنتبه في الرحله الجايه:em3400:
العفو.....خخخخخخ حلوة في مثل هذا اليوم :10900:




اشكر لكما مروركما
دمتم بحفظ الرحمن

[حسن99]

والله حركـــــــــــــــــــــ:em3600: ــــــــــــــــــات

ما شاء الله تبارك الله

وربي دخلت جو مع الكلام والاحداث الي صارت لكم .. طيب بسألك دلوعه ماشفتي حسن 99 معكم في الحمله يمكن انا العجوز :10900: هههههه والله احس اني حجيت معكم وعشت الأجواء ..!

هههههههههههههههههههههههههههه رهيبة مواقفكم :10900: الصراحة ذكريات ماتنتسي وخصوصا إلي اول مرة يحج ..

ان شاء الله السنة الجاية نحج بإذن لله ..

والله اشكرك كل الشكر دلوعه ويعطيك ألف عافية .. كلامك واسلوبك في نقل الاحداث روعـة ..!

بس عندي طلب صغنن ..==> ياريت تزودينا بالصور اذا صورتي داخل الحرم والحجاج ومنى وعرفة والجمرات ..! اذا صورتي واذا لا نو بروبلم :10900:

وبنتظار عودتك ويستاهل الموضوع 5 نجووووووووووووووم

::::::::::::::

حسن 99

[حنين الروح]

تــــــــــــــــــــــابــــــــــــــــع

خلص يوم العيد

وجينا لايام التشريق
أول يوم صحينا وصلينا الفجر ورجعوا ناموا وانا واختي جلسنا مع امي
وكان فيه درس لاحدى المشايخ درس رآآئع بمعنى الكلمه
واختتم الدرس بدعاء رآآئع
في هذا الدرس كثير من الشباب اتفقوا مع الشيخ انهم يتركون الدخان
وكان من ظمنهم الرجال العجوز اللي يستهبل عليه عمي
بعد الدرس جلست وطول الصبح وكل شوويه يدق على أحد
كان اول المتصلين ولد اخوي الكبير اللي بثاني متوسط عمرهــ 13 سنه
وجلست سوالف معوووهــ وهو يقول فلانه ترى العيد مو حلو بدونكم قلت له ادري <<شفتوا الثقه :em3300:
قال ما اقدر على الثقه قلت له اكيد ماتقدر انا .... :em0200:
وتستمر المكالمه على الضحك والسوالف وهو يستهبل ويكلمني مصري (مع احترامي لكل اخوانا المصريين) ويقول عمتي الحجه ....
وانا اقول خلني بس ارجع بوريك شغلك وبتوطى ببطنك << (يعني اطووقه)
وهو يقول تصدقين خفت يمممممه :em0400: وجلسنا نسولف ونضحك
واسكر منه ويكلم اخوي ابو نواف قلت له وين نوافي افتح السبيك ابي اسمع صووته اشتقت له قال وانتي بس نوافي ترى انا اغار منه قلت شنو شنو فيه احد يغار من ولدهــ قال ايه انا اغار من ولدي انتي حتى العيد ماعيدتي علي بس وين نوافي (ويقلد صوتي) :10900: قلت صوووح كل عام وانت بخير <<بدري هع =p

المووهيم جاء وقت صلاة الظهر

صلينا الظهر وجلسنا نسولف مع امي انا واختي وبنت عمي وجات عمتي وزوجة ولد عمي معنا
وكانوا اكثر اللي معنا بالخيمه رايحين الخيمه الثانيه عندهم مسابقه ومدري شنو عاد انا قلت لبنت عمي > جاك يمهنا ما تمنا <
<<مثل يستخدم اذا كنت تتمنى شيء وصار لك
طبعن تتسائلون وش اللي كنت اتمنى بيجيكم العلم هذا انا طال عمري وعمركم سمعت من واحد من اخواني ان بمنى مايبيعون كاكاو قلت لاااااااااااااااااااااع اجلس بدون كاكاو ما اقدر وكنت موديه معي كاكاوات وحاطتهم في شنطتي ودايم اطلع منهم واكل بدون ما احد ينتبه لان الكاكاو اللي معي مو كثير وصعبه اكل قدام الناس وما اعطيهم واللي عندي مايكفي للجميع فكنت اكل بس قطعة صغيره وهذا شيء لم اعتد عليه احوووب اكل الكاكاو على راحتي واكل شيء يشبع موقطعه صغيرهــ:em3600: فلما راحوا كلهم للخيمه الثانيه وبيقيت انا واختي وبنت عمي وعمتي وزوجة ولد عمي جلسنا مع امي لان امي تعباانه وما تقدر تروح
رحت انا وفتحت شنطتي وطلعت مجموعة كاكاوات وبنت عمي نفس الشيء وجبنا ببسي من المطبخ وجلسنا ناكل كاكاو :em2200:
وبعدها رحنا للرجم كان ذاك اليوم رمي الجمرات الثلاث
رجعنا من الرجم وصلينا العصر وبعد العصر طلعت بس انا مع أبوي نتمشى شوويه ونشوووف الناس لان كنا نبي تكلم في شغله وصعب نتكلمها بالتلفون ومرينا بيت الدونت اوصف لكم موقعه هو مقابل الجمرات من جهت بوابة مخيمات فئة أ اللي حنا فيها
وشرينا لنا دونت وببسي أول مرهــ ابوي يرضى اشتري ببسي :em3600: لان ابوي الله يطول بعمرهــ صحي كثير ومانع المشروبات الغازيه في بيتنا ومستحيل يشتريها لنا واذا شافها عند احد منا يعاقبه العقوبه هي خصم من المصروف مع محاظرهــ طويله عن اظرار الببسي
انا اذا اشتهيت الببسي او البايسن اقول لاخوي يجيبها بدون مايدري ابوي :em2300:
وكملنا تمشيتنا وسالفتنا ورجعنا
وصار لي موقف :em2700: اسكت افضل صووووووح؟
وكملنا جلستنا مع امي الى صلاة المغرب صلنا المغرب وجلسنا في درس لواحد من الشيوخ اللي معنا بالحمله
الى وقت العشاء صلينا العشاء وجابوا العشاء
بس حنا ما اكلنا لان امي ماتبي وانا وبنت عمي واختي شبعانين لانا اكلنا كاكاو ولاني جبت لهم دونت معي
حاولت اقنع امي تاكل علشان الدواء بس مارضت رحت جبت لها عصير مانجو وعطيته لها وعطيتها دواها وجلست معها
وناموا الجميع الا انا وامي حاولت فيها ترتاح حتى لو مافيها النوم بس مارضت ويوم شفتها تعبانه عطيتها المنوم لانها اذا نامت ترتاح وتخف شووي
وبعد مانامت امي رحت انام وبكذا انتهى يومنا
اليوم اللي بعدووهــ كان يوم الجمعه ولاننا متعجلين فهذا اخر يوم لنا في منى ولازم نطلع منها قبل الغروب
صلينا الفجر وجلست مع امي وحظرنا محاظرهــ رآآئعه
استمرة الى الساعه 8 خلصت ورحت جبت فطور وجلست احن على امي تاكل الى ان اقتنعت وكلت شوويه
وبعدها صحيت اختي وبنت عمي وجلسنا شويه مع بعض وبعدين تفرقنا كل وحدهــ راحت لمكانها وجلسنا نقراء سورة الكهف
ومضى الوقت الى الظهر صلينا الظهر وبعدها رحنا للرجم أنا اخر وحدهــ راحت لاني خليتهم يروحون وجلست مع امي ولما رجعوا رحت انا مع اخوي رجمنا ورجعنا سلمت على اخوي وودعته ودخلت لمخيمنا وهو راح لمخيمهم لانه ما راح يرجع معنا
رجع بعدنا بكم يوم علشان وراه اشغال لازم يخلصها هناك
جمعنا شنطنا وجهزناها وطلعنها علشان يحطونها بالباص
صلينا العصر وركبنا الباص ومشينا للحرم
تدرون ان الباص مشى بعد العصر على طول وما وصلنا للحرم الا الساعه 12 الا ربع بالليل
وصلنا وانقسمنا لمجموعات
مجموعتي تتكون من أنا وأبوي وأمي وولد أخوي صعدنا الدور الثالث صلينا المغرب والعشاء لانا كنا في الباص وقالوا لنا لازم تجمعون جمع تاخير ورحنا علشان ناخذ لامي عربيه وماقدرنا ننزل ونتركها فووق لانها مرهــ تعبانه فطفنا في الدور الثالث ( فيه ناس تسميه السطح )
آآآخ كان طووويل الطواف وكل شويه نوقف مع امي نعطيها مويه ونحاول نهديها شوويه وفي نص الشووط الرابع بداء يتعب ولد اخوي لانه صغير مايتحمل كملنا الرابع وفي بداية الشوط الخامس جلس يبكي :10800: ويقوول رجولي ما اقدر امشي حمله ابوي وخلاه فووقه يعني فووق ابوي رجلينه تكون على كتوف ابوي وحده يمين ووحده يسار وكملنا الطواف بس كان متعب واللي عندهم عربيات بس يمشووون ويصدمون بالناس كل شوي يصدمني احد بعربيته وواحد صدمني بقوووووووووووه من وراي وطحت طيحة قوويه وكملت الشوط السادس وانا طول الوقت ادعي على اللي صدمني :em0400: ورجلي تالمني من الصدمه
وكملنا طوافنا وخلصنا الطواف في وقت وقدره ساعه الا خمس دقايق
وكان الجو بارد شووي فيه تيار هواء قوي
جلسنا في الحرم شويه الى ان قرب الوقت اللي بيمشي فيه باصنا
ونزلنا ورحنا موقف الباص
ركبنا الباص ورحنا لجده كانوا الحمله حاجزين لنا في فندق خمص نقوم
دخلت الفندق وانا هلكانه مو قاده افتح عنوني من التعب بس ابي اناامـــــ لان انا ما احب الباص ما يجيني النوم داخل الباص ابد وكنت في الباص اضحك على عمي مع العجوز سوالف هل عجووز خطيره يقول لعمي هلحين انا عاهدة الشيخ ذاك اليوم اني اترك الدخان لو نفسي لعبت علي شنو الكفاره ويجيك عمي الصغير (ترى مو صغير عمرهــ22 سنه بس لانه اصغر عمامي نقول له الصغير) الله يهديه ويفتي الرجال قال له ترى الكفاره كبيره ماتقدر عليها قال هذاك شنو الكفاره قال عمي صدقني ماتقدر عليها قال طيب علمنيها قال عمي عتق رقبه قال ذااك وييييييييييي ومنين له الواحد يعتق رقبه
قال عمي اصلن الان مافيه عتق رقبه كلهم تحرروا
قال طيب مافيه غيرها قال عمي الا فيه كفاره ثانيه وبعد صعبه ماتقدر عليها قال هذا شنهي قال له عمي تصوم شهرين متتابعين لو تفطر يوم واحد حتى لوبعذر لوتكون مريض تعبان هلكان ماتفطر والا ترى ترجع تعيدهم من الاول
قال هذا أنا شهر بالموت اصوومه تبيني اصووم شهرين
قال له عمي اجل امسك نفسك بعدين تراك كبير مو طفل تلعب عليك نفسك وتخليك ترجع للدخان انت جد وقدوهــ لعيال اعيالك لازم تتركه و-و-و-و الخ
الموووهيمات
اني لما وصلنا االفندق صليت الفجر
وكان جناحنا ثلاث غرف واللي فيه بس انا وابوي وولد اخوي وامي واختي
وبنت عمي dalo3ah حاطينها هي واخوها في جناح ناس مانعرفهم
قلت لها تعالي جناحنا الغرف كثير وخذتها معي لجناحنا واخوها راح مع عمامي اثنينهم في غرفتهم لان غرفت عمامي 4 اسرهــ
الموهيم قلت لاهلي بدخل انام ولا احد يكلمني الا وقت صلاة الظهر
تعباانه موووت واطفي الجوال علشان ما احد يزعجني واناامـــ ويجلسون يقووموني لصلاة الظهر وما احس فيهم
أبوي يقول لي انا اسحبك من الفراش واوقفك وتطيحين نايمه
والله مدري عنهم انا اقول لهم تمزحون انا اقوم بسرعه نومي خفيف قالوا والله تعبنا نبيك تقوومين وانتي بس تفتحين وترجعين تنامين
صحيت مع اذان العصر صليت الظهر و العصر وخذت لي شاور سريع ورحنا مع الباص للمطار كان المطار قريب منا
موعد طيارتنا الساعه 5 ونص العصر
خلوها 11ونص بجد تعبنا في قاعت الانتظار في المطار
وانا كنت جوعانه وما اكلت شيء وركبت الطياره وجلست انا وامي وبنت عمي بجمب بعض
جابوا لنا وجبة العشاء وما اكت منها الا بس الخيار اللي مع السلطه
واكلت الكيكه الصغيره اللي مع الوجبه
وصلنا للرياض وكان الجو بارد انصدمنا لما نزلنا من الطيارهــ
كانت درجة الحراهــ بالرياض 7 مووووووووت برد

واول مادخلنا للمطار شفت اخووي ابو نواف ومعاه نوافي الصغنن
وعل طووول اخذت نوافي من يد اخوي وجلسة اكلم نوافي
قال اخوي نحن هنا
:em3900:
قلت هلا هلا بونواف وسلمت عليه
وطلعنا كل ناس راحوا لبيتهم
يوم ركبنا السيارات ... السياره اللي انا فيها كان معي بالسياره عمي الصغير وبنت عمي واختي واللي يسوق واحد من عمامي أول ماركبنا قال عمي الصغير هلحين خلص الحج يعني عادي احش ويمسك حش وتعليقات ويقول لنا عن المقالب اللي سواها هناك بالعجوز ويقول تدرون اني على كثر ماجننته لما رحت اعتذر منه في المطار قال لاتقول كذا يــ ولدي تراني حبيتك من كل قلبي انت نور الرحله

(على فكرهــ ترى عمي صيح يستهبل ويعلق لكن مايسب احد ولاينقص من حق احد.... لاحد يخاذ في باله انه يستهبل مع العجوز انه قليل ادب لا والله هو ادب واخلاق بس خفيف دم بزيادهــ ومزوحي )
اهلي راحوا لبيتنا اللي بالرياض
بس انا نهي اروح بيتنا اللي هناك لان فيه ذكريات مولمه لي وكل ما ادخله تتجدد ذكرياتي واتذكر اخوي خالد الله يرحمه وقلت مالي ومال تجديد الاحزان
ولي فترة طويله مادخلت لهذاك البيت وما ابي افتح على نفسي ذكريات الماضي فرحت لبيت جدي اللي يصير جمب بيتنا يعني حنا وجدي جيران وفيه باب بالجدار الفاصل بين البيتين
وبعدين انا مشتاقه لجدي وجدتي
جلست شوويه مع جدتي ياحووبي لها سهرنه تنتظرنا
وبعدها رحت للغرفه اللي انا فيها هناك ريحت شوويه وطلعت لاب توبي لاني قبل اسافر للحج كنت بالرياض ومخليه اغراضي ببيت جدي
وفتحت المنتدى وانصدمت انه فاااضي مافيه ولا احد بس انا لوحدي قلت يوووهـــ وين الاعضاء:11200:


وبـــــــــــــــــــــــث

توته توته خلصت الحتوته

الاثنين
28/12/1428هـــــ
7/1/2008مــــــ


دلــوعــــه

[حنين الروح]

حسن99

:10900:

لاااااااااااااااااااع ماشفت حسن99
يمكن تكوون العجوز ليش لا <<كل شيء جايز ,,=P
اكيد ذكريات ماتنسى ... وايام راح تظل بذاكرتي ماحييت
أن شاء الله تروح تحج ...ولاتنسى تصور لنا الحج وتكتب لنا موضوع ذكريات الحج 99
يعافيك ربي
بالنسبه للصور
انا بصراحه ما صورة بجوالي الا صورة وجبة الخطوط وصورة لولد اخوي اللي معنا
بس أختي وبنت عمي صوروا كم صوره في منى وعرفه بحاول اجمعها واجيبها لكم
أممممـــ :11200: بالحرم مافيه ولاصورهــ زحمة من يقدر يصوور

مشكووور على الخمس نجوووم

أشكر لك مرورك دمت بحفظ الرحمن

[dalo3ah]

وصار لي موقف :em2700: اسكت افضل صووووووح؟



أقوووووووووووووووو:em3400: ووووووووووووووووول


واناامـــ ويجلسون يقووموني لصلاة الظهر وما احس فيهم
أبوي يقول لي انا اسحبك من الفراش واوقفك وتطيحين نايمه
والله مدري عنهم انا اقول لهم تمزحون انا اقوم بسرعه نومي خفيف قالوا والله تعبنا نبيك تقوومين وانتي بس تفتحين وترجعين تنامين



خخخخخخخخخخ

والله انتس توووحفه وحنا نقووومتس ولما ماقدرنا عليتس نادينا عمي (ابوتس) :10900:
بس ماتنلامين لانتس تواصلين كثير


بس أختي وبنت عمي صوروا كم صوره في منى وعرفه بحاول اجمعها واجيبها لكم



الصور موجودهــ في جوالي بس كلها صور عاديه اهمها صورة الكاكاو اللي اكلنااهــ في جدهــ يوووم انتي ناايمه :em3400:
ان شاء الله اول مانلتقي ارسلهم لتس بلوتوث


على خير من الان بنتبه في الرحله الجايه


انتبهي وخذي حذرتس من كل شيء اصلن مستحيل تمر رحله بدون مواقف :em0200:


حسن99


يمكن انا العجوز



خخخخخخخ
يمكن ليه لا لان العجوز من اهل الشرقيه بس ساكن بالرياض
عمي يقول لنا في السيارهــ ان ابو فـــلان شرقاوي بس ساكن بالرياض
اجل مسكين يــ حسن استهبل عليك عمو



قلب الملوك

بس شكل الحجه هذي الدلوعه صارت ((مسكينات)) <<نفس كلام دلوعه

الحمدلله انا ماتعبت كثير ... الله يسر لنا




دلوووووووووعه


مشكووورهــ
على ذكر قصتنا
جزاك الله خير وربي يعطيك العافيه كفيتي ووفيتي يالغلا


دمتم بووود

[حنين الروح]

dalo3ah

أقوووووووووووووووو:em3400: ووووووووووووووووول




لااااااااااااااااااااااااااااااع لاتقولين:10300:

اهمها صورة الكاكاو اللي اكلنااهــ في جدهــ يوووم انتي ناايمه :em3400:

هاذي هي صورته

http://www.i22i.net/uploads/bcca0f3db7.gif

شوفوا الظلم ياكلون الكاكاو وانا نايمه وما يخلون لي الا واحد بس
الصوره مو واضحه كثير لان الاضائه خفيفه
محتوايتها : ببسي وميرندا برتقال وكاكاو ملتسيرز الحجم الكبير و2بونتي وبيوقلز الحجم الكبير واللي من جهة اليسار تحت علبة تويكس فيها 6 حبات وفيه علبة اللي يمين بجمب الميرندا هذا بست (فول سوداني ) شاريه ولد اخوي لانه يحووبه وفيه بعد سنيكرس ومدري شنو
ومن هذولا كلهم بس خلو لي 1 توكيس :10800: مردووودهـــ لهم :em3600:
العفو دلوعه english
وانتي كذلك جزاك الله خير
يعافيك ربي



حسن 99

بس عندي طلب صغنن ..==> ياريت تزودينا بالصور اذا صورتي داخل الحرم والحجاج ومنى وعرفة والجمرات ..! اذا صورتي واذا لا نو بروبلم :10900:


هاذي صورة لجمرة العقبه التقطنها يوم العيد

http://www.i22i.net/uploads/6fb25c57a0.gif



وبــــــــــــــــــث
دمتم بحفظ الرحمن

[dalo3ah]

شوفوا الظلم ياكلون الكاكاو وانا نايمه وما يخلون لي الا واحد بس



تستاهلين منو قال لك تنامين :em3400: <<امزح
لا والله ماتهونين علي بس ذاك الوقت كنت جوعانه <<تصرف :in_love:
من عنوني اجيب لك كاكاو....آمريني بس اذا تبين هلحين هلحين
اروح واجيب لك كاكاو :bigsmile:

[حسن99]

أستريحــوا عجوز وعمرهـ 20 سنة .. !؟

لا مو أنــا خخخخ

الصور شفتها قبل كذا ما رديت عليك بنفس الوقت ياريت تنزلين الصور من جديد عشان إلي ماشاف الحلويات + جمره العقبه

يعطيك العافية

وإن شاء الله ربي يكتب لنا حجة السنة القادمه بإذن لله ونحنا طيبين @ ..

مجهــود رائع منــك ..

/////

Hassan 99

[dalo3ah]

أستريحــوا عجوز وعمرهـ 20 سنة .. !؟


لا مو أنــا خخخخ




خخخخخخخ

لاتصرف انت اللي اعترفت بنفسك انك العجوز

7


طيب بسألك دلوعه ماشفتي حسن 99 معكم في الحمله يمكن انا العجوز :10900:

[حسن99]

:busted_re أقووووووووووووووووووووووووول

أنــا قلت ( يمكــن ) ..

هاهاهاها والله صآآآآآآآدوهـ ..!

::

حسوون

[حنين الروح]

طيب بسألك دلوعه ماشفتي حسن 99 معكم في الحمله يمكن انا العجوز :10900:
أنــا قلت ( يمكــن ) ..

هاهاهاها والله صآآآآآآآدوهـ ..!





صااااادوهــ وصادوووهـــ

روح حط أسمك في قائمة المرشحين للفوز بلقب عجوز المنتدى
يمكن بعد تفوز باالقب وتصير العجوز :)