بس يا دنيا كافيـــــــــــــ

[يتيمة زايد]

بروحي..في الظلاام,,
اصارخ..اشكي..انوح..
محد يسمعني..و محد يحس فيني..
يا دنيا قوليلي..فهميني..
ليش تبين تذبحيني؟؟
ليش تبين تحرقين قلبي؟؟
........................
لا غلطت بحقج و لا بحق اهلج..
وفيت لكم و عطيتكم كل شي بلا حدود..
عطيتكم كل الي عندي..
من محبة و وفا و اخلااص..
و صديتيني بالهم و الغم و الطعوون

جاوبيني....
انتي تحبين تشوفين دمعتي؟؟
تحبين تسمعين صراخ قلبي؟؟

دخييييييييلج قوليلي...
الغلط مني و لا من اهلج؟؟

لجأت لج بعد ما استحيت من الله
استحيت كثر ما شكيت و بكيت..
كثر ما طلبت و قصرت..
كثر ما وعدت و اخلفت..

بشريني يا دنيا اذا بعده فيج خير..
و حذريني اذا الشر طغى عليج..

قوليلي يا دنيا...
شو الي خلا بج سيوف و رماح..
تقتل و تذبح كل انسان بريء..
يا دنيا..
زينتج غشاها دم الجروح..
و خيرج..خيم عليه سواد الشرور..

بشريني يا الدنيا اذا بعده فيج خير..
بشريني لجل اقول للخاينين الدنيا فيها خير

بشرني عشان اقدر اقص على الناس بضحكتين
بشريني عشاااان اقدر اكمل حياتي بهالدنيا العبوووس


و لا اقولج...
كافي مذلة و استسلااام و خضوع..
كافي يا دنيا كافي..
صحيح تعبت ارد لج طعوونج لي بضحكاات,,
بس الي ما تعرفينه,,
انه انا الي فيني خير..
و دام فيني خير..
يعني اهلج فيهم خير..

صحيح كسرتيني مليون مرة
بس بعد انا وقفت مليونين مرة

صحيح فزتي علي و ذليتيني آلااف المرات..
بس ما خليتج تذووقينهم بذيك الضحكاات..

آسفة يا دنيا...اذا ما استسلمت لهمومج و طعوونج
اسمحيلي..
الهموم من صفحاات قاموسي كتبت عليها محذوف..
و ذكريات الماضي الاليم خليت جرحي يثبت انها من كتاب حياتي كتبنا عليها
مشطوووووووووووووب

آسفة يا دنيا اسمحيلي..
بس هم بعد اقولج
بس يا دنيا كافيــــــــــــ
اهلج بيهجرونج قريب
فلا تزعلينهم قبل روحتهم عنج
لا تزعلينهم..ولا تجرحينهم..
تذكري..
بيروحون عنج يا دنيا..!!

بقلم:
اختكم
يتيمة زايد

[لين الورد]

انتي كاتبه راااااااااااااااااااائعه
والله يعطيك العافيه
وتشكرين على تنسيقك للجمل والعبارات الرائعه
تقبلي مروري وتحياتي
اختك :لين الورد

[أم علوي]

عزيزتي يتيمه



استمتعت كثيرا بوجودي في صفحتك

كلمات رائعة من قلم يفوق الروعة نفسها بكتاباته ،،،،

كتبتى فابدعتى

لا تحرمينا من المزيد ،،، كلمات فعلا مؤثرة ،،،،

[قلب الملوك]

يتومه

كلمات تصرخ على حال الدنيا
لكن هل عتابنا على الدنيا
ولا على البشر الذين يمشون على هذي الدنيا

اخوك
قلب الملوك

[يتيمة زايد]

اختيــ لين الورد..
ثانكس على مرورج..و تسلمين..و هذا بعض مما لديكم


اختي ام علوي..
فديتج انا...تسلمين على مرورج يا الغالية

اخوي قلب الملوك..
ايه و الله هاي حال الدنيا...
عتابي للدنيا..لاني اذا عاتبت اهلها ما بخلص
فخليني اعاتب الي جمعني بهالناس..
اعاتب الدنيا لانها هي الي خلتني اصادف هالناااس..

بس ما اقول غير..
هاي الدنيا..و ما تسوى و لا دمعة من العين..


تسلم اخوي على مرورك الكريم

اختكم
يتوووووووووومة