جولة في مستشفى جامعي

[الأسعدي]

قدر الله علي دون تخطيط ولا ترتيب ولا تنسيق أن ازور مستشفى جامعي ولفت نظري مجموعة من الصور سأذكرها لكن ..

لا للتعميم

العبارة لا تحتاج إلى شرح

نجي للصور أو للمواقف أو سموها زي ما أنتم عاوزين

********

يا كثر النقاشات الجانبية ودائما تكون من الجنس الآخر
(أكيد مناقشات علمية طبية تخصصيه)

********

كلهم مشغولين وجميع المرضى ينتظرون
(مشغولين بأيه مش عارف .. وما أظن أني راح اعرف)

********

الشباب كلهم قدرا وسيمين أو هكذا يريدون أن يكونون
(إن الله جميل يحب الجمال)

********

كلهم عرب وكلهم يتكلمون انجليزي
(الدكتور عاوز كده)

********

أظن فيما أظن أن من متطلبات التخصص العبوس مع المراجعين وقليل من التكشيره وبعض النشفان
(التخصص عاوز كده)

********

كلهم يذهبون بخطوات مسرعة ويعودون بنفس سرعة الخطوات
(أين ذهبوا ومن أين أتوا أظن لا أحد يعلم حتى هم)

********

هذه هي الوظيفة الوحيدة التي تسمى إنسانية والعجيب أنك ترى كل شيء إلا الإنسانية
(يمكن مقاسها لا يناسبهم أو لا تتناسب مع برستيج الدكتوراه)

********

في آخر تلك الزيارة قابلت أحدهم كان قمة في الأخلاق والتعامل الرائع والإنسانية

وأيضا تيسر لي أن أقابل أحدهن كانت نموذج للتواضع والتعاون والإنسانية

وقبل أن يهاجمني أحدكم

أقول كم هي النماذج الرائعة في زحام الصور التي ذكرت

في الختام هذي مشاهد يمكن ما تكون دقيقة بسبب النظارة مقاساتها غلط أو لأي سبب أخرى المهم أنها وجهة نظر خاصة والكلام قابل لوجهات النظر

بالمختصر من غير زعل


دمتم بخير

[حنين الروح]

.



.



http://www.m-waaj.com/ib/attachment.php?attachmentid=1316&stc=1&d=1239560928


.




.

[ مثبت ولي عـــودهـــ ]


.



.

[حسن99]

صراحة شي يقهــر ويحزن .. النقاط إلي ذكرتها حسستني آن موضوعك عنوانه
( جولة في مجمع الراشد ) :sly:

المشكلة الكل راضي بلي يصير في المجمعات أقصد المستشفيات ولا اتوقع احد يتكلم ويعارض .. :icon_scratch:


ما أقول إلا

لا حول ولا قوة إلا بالله

والله يستر من القادم

وانا احس ان المشاهد والمواقف آكثــــرت وآكثـــرت بعـد لما المرأه دخلت في مجال العمل في المستشفيات .. وخبرك لازم تكون حلوه وكاشخــه ومتعطرهـ يليق لاستقبال المرضى :sly:


وآنتظر أراء البقيـه

سلمت الآسعدي:icNew32:

::

حسن99

[virus88]

للاسف كلام صحيح
وهذا يحدث فى كثير من المستشفيات
وذلكـ كلة بسبب غياب الرقابة
والاهمال وعدم اللامبالاة بالاخرين التى وصلنا اليها
والاهم هو ابتعادنا عن الدين
لأننا
اذا التزمنا بتعاليمة
هنكون افضل الناس على الارض......

[الليث]

بداية أحييك على عبارتك

لا للتعميم


بعد كذا نجي للموضوع

للأسف هذا الامر نلاحظة في جميع المستشفيات لان فيها اختلاط إما في قسم الاستقبال

تلقى أبو الشباب منشكح غاية الانشكاح وخذ يا سوالف ويا تميلح وابتسامات

ومن تجي عنده تقدم اوراق كأنك تشحذه شحاذه

قلب 180 درجة مأويه فهرنهاتيه

عبس بوجهك

واول شي يسويه انه يصرفك بسرعه

إما يقول ان الشغله هذي مش عنده

أو يقول ان اوراقك ناقصه

أو يقول رح للقسم الفلاني

وإذا ما قدر يصرفك خلص شخلك من غير نفس

طبعا هذا وضع الشباب

والبنات قصة ثانية

من تجي عندها على طول معبسه ونرفزيه

وأول شي يجي في بالها إنك جاي تغازلها

تقول ما في الديره إلا هذي البنت

وقمة الاستفزاز

بالموت تآخذ منك الأوراق طبعا ما تمد ايدها لازم انت الي توصل الورقه إلى يد حضرتها

طبعا قبل ما انسى

شغله تسلم أو ما تسلم طناش

لا الشاب اللطيف ولا البنت الأمورة

معليش شكلي طولت بالموضوع

وإن كان الموضوع على أخوانا الطلاب والطالبات الجامعيات في الطب

لكن هذي اضافة للموضوع

سلمت لنا دوما

[الأسعدي]

بيض الله وجيهكم

اشكر لكم مشاركتكم ومروركم الكريم

دلوعة بس معذورة

بانتظار عودتك

حسن 99

انا اشهد انك جبتها بالصميم الوضع صار كأننا في مجمعات تسويقيه

viruss88

احسنت تحديد المشكلة الرقابة وضعف الدين

الليث

اضافتك في محلها وهذا وضع عام

ولو ان الكلام كان خاص بالمستشفيات الجامعية بالذات

وما نقول الا الله يهدي الجميع ويصلح الناس كلهم

[الأسعدي]

اختنا دلوعة بس معذورة وعدتينا بالمشاركة

وقلتي لك عوده ويظهر انك نسيتينا

ننتظرك بنفس الموضوع

[حنين الروح]

.

.


عودهـــــــــــــ http://www.m-waaj.com/ib/images/icons/8.gif ,,



.

.


. . الســــــــــــــلام عليكم ورحمة الله وبركاته ~

.


.


همسه // .........................

يشهد الله ما نسيت . . بس أنشغلت شويهــ . .

.

.


أخوي التسيب الوظيفي في جميع المستشفيات سواء الجامعيه أم غيرها

والسبب يرجع لـ عدة أمور ...................................

أن بين يديهم مسئوليه عظيمه ومافيه رقابــــــــــــــــــــــه قويه عليهم ,, بعض الناس صار عندهم الطب مهنه لـكسب المال لا لتقديم المساعدهـــــــ والخدمه للناس

حصرت أكبر المراكز الطبيه في المستشفيات التخصصيه لـ الأجانب وأعطوهم جميع الصلاحيات والرواتب التي لايحلم بها أبناء البلد


بينما القيت أكثر المهام على أبن البلد ,, فـ الاجنبي يلعب كيفما يشاء ويخدم أبنا جلدته { أبناء بلدهـــــ } ,, والسعودي مطلوب منه خمة الاجنبي وعمل كل شيء وأيض هو يريد أن يلعب كما يشاء ويريد الراحه التي ينعم بها الاجنبي


تقفيل المكاتب // ......................................

يقفلون المكتب بـ أسم أنهم مشغولين وبـ الاخير يطلع الشغل أكل كاكاو وشرب قهوهـــ وسوالف ,, نسو أساسيات المهنه وأهملوا فيها


وتناسو أنهم محاسبين أمام الله ,, فهناك في الخارج أرواح تنتظرهم قد يسبب هذا أنشغالهم وتاخيرهم هذا في فقد روح منها



بـ النسبه لـ التحدث بـ اللغة الأنجليزيه // ..............................

أرى أنه الأنسب بيت الأطباء أذا كان تحدث عن حاله مريض أو أمر طبي { لأن دراسة الطب كلها أنجليزيه ,, وفيها بعض المصطلحات الأتينيه } فطبيعي يكون حديث الطبيب أنجليزي في الأمور الطبيبه بينه وبين زملائه الاأطباء فقط لا بينه وبين المرضى . .




بـ النسبه للأنسانيه // ..............................

بدت تنعدم في الطب والسبب مثل ماقلت تسليم الأمور لمن هم ليس أهلها ,, وتسليمها لغير أبناء الوطن




أخوي // ...................................

في كل مكان فيه تسيب وضيفي وأهمال

فيه كل مكان راح تلاقي موظفين يهملون شغلهم وينشغلون بـ المحادثات الجانبيه أو تصفح الأنترنت

ولكنها تبقى نماذج منتشرهـــــــــ وليست الأغلبيه

ومثل يقولون الشياب // ...........................

.......... لو خليت خربت . .

يعني في كل مكان فيه الزين والشين ,, فيه المحترم واللي جاي يستعرض وسامته

فيه اللي يشتغل بـ أمانه وذمه وظمير وفيه اللي يشتغل لتحصيل الراتب فقط


.

.

الأسعدي

يعطيك الف الف عافيه ع الطرح الرائع

وأعــــــــذرني على تــــــاخري في الرد

بـ أنتاظر كل أبداعاتك

دمت بحفظ الرحمن

[ام غيث]

الأسعدي

سلمت على هذا الطرح الهام ..وهذه ظاهره ليست بالغريبة الجديدة
وان كانت صادرة من اصحاب ارقى التخصصات واقواها ..واهمها ...
فلما نتعجب ذلك ..فكل مكان تجد فيه الصالح ، والطالح ، وهذا لايدخل فيه تخصص او مسار معين ..بل هي طبيعة هذه النفس البشرية ومدى التربية التي تلقتها ، وماهي عليه من خلق وحسن تعامل ، ولو ان التخصص كذلك سيفرض جزء بسيط من خلال اجبارية تواجد التعامل الجيد ، والأحترام ، وغيره ..لكن يبدو لي ان الهدف الاسمى انحرف عن مساره قليلاً ..!! واتجه الى وجه اخرى

اخي الأسعدي ..مستشفى ..الجامعي سواء كان خالد (اعتقد ) او غيره ..هذه ظاهره متواجده في كل مستشفى او بالأصح اي مجتمع مختلط ...

وتقبل فائق التقدير والاحترام

[الأسعدي]

هنوف بيض الله وجهك وعدتي ووفيتي

مشاركه رائعه وتعليق في محله

اختلف معك في مسألة ان السلطه في يد الاجانب

بالعكس الكلام الي اقوله كله للاسف عن شبابنا وشاباتنا

امر ثاني بالنسبه للغة في امور عاديه ما لها علاقه بالتخصص

اشكر لك لك مشاركتك وتعليقك

[الأسعدي]

صدقتي اختي ام غيث

في كل مكان الصالح والطالح

لكن الي يحز بالخاطر انه مثل هذي السلوكيات تكون في المستشفيات ومن الاطباء والطبيبات او حتى الممرضين والممرضات

الي فترض فيهم اللين والحنان والبساطه لانهم يتعاملون مع المرضى الي يكفيهم ألم المرض يعني مش ناقصين غثاثه فلان وفلانه وعنجهيتهم وتعاليهم

وما ودي اخصص مكان معين اخاف يزعلون عشان كذا خليته عام

وانا متأكد انها ظاهره في كل المستشفيات الجامعية

اشكرك على مشاركتك وبيض الله وجهك وادام سعدك