المساعد الشخصي الرقمي

مشاهدة النسخة كاملة : أش اسم أمك

دلوعة المنتدى
10-14-2003, 08:21 AM
بصراحه انا من زمان ومن يوم اني بزره (يعني صغيره) واناماادري ليه كثيرين يتضايقون من ذكر أسم امهاتهم..
وعيب وياويله ويلاه من يتجرأ ويقول

أسم امه
في احد الصيفيات رحت للجوازات ابي اطلع جواز سفر..واروح بالسياره

في عز هالقوايل لمبنى الجوازات..واعبي كل البيانات..واجلس امسك

سرا وانتظر دروي..احتري رقمي يطلع..

اخيرا وبعد فترة جا رقمي وافز اقول..دوري..دوري واجيك نافخ صدري

واطالع بالضابط ويقولي:

الضابط: عطني الملف والصور

انا: سم طال عمرك..الله يخليكم لنا انشاء الله

الضابط:وين الصور
انا:خذ هذي هي

الضابط: وليش مو كامله اذانك طالع نصها بس

انا: وش اسوي عندي صور4 × 6 وبصراحه عجزت اعفط فيهم مع المصور ولاجت معنا ماطلع الانصها

بس هذي صوره ثانيه كاتب عليها (يتبع) الاذان..

الضابط: تستخف دمك الحين

انا: لا اقص قصتي مع الصوره (امممممعععق ابلع ريقي )

الضابط: طيب وش اسم امك؟؟

انا: لاياشيخ ..علمني انت اول وش اسم امك وبعدين اقولك

الضابط: (طالعني بعين قوويه وانا ابولع ريقي..اقول وش اسم امك

لاارمي هالملف بوجهك

انا: يؤ..ليش طيب هي اللي بتسافر والا انا..وش دخلكم بامي..والله

قلة ادب

الضابط: بتقولي والا ضف وجهك يالله

انا: لاخلاص اسمها..(واتلفت يمين ويسار..واسكت)

الضابط: وش فيك سكت

انا: اصبر خل الهندي اللي معه شاهي يمر..لايسمع بعد هو اسم امي

والله قهر عاد!! اسمها نوره

الضابط: اخيراااا الله ياباسكال هالحين

انا: وش تقول..... لالالاولاشي

عطاني الملف وانا اضحك تدرون ليه لاني لعبت عليه ماقلت له اسم امي الصدقي خخخخخخخخخخخخخ

وطلعت وقالي رح للحاسب الالي دقق المعلومات..واروح وامسك سرا

والله زحمه..يوم جا دوري جلس يدقق على الجهاز..وانامغطي اسم امي

باصبعي الكبير..قال لي الموظف..وين اسم امك

قلت: اوووووه بعد انت والله فضحتونا

قال: ياخوي المعلومات ماهي متطابقه مع بطاقة العائله..اسم الوالده

متغير..ارجع للضابط وعدلوا اسم امك

انا: اووووه والله حاله كل هالتعب وارجع مره ثانيه..والله الفشيله

وش بيقول الضابط هاللحين

وصلت للضابط بعد مامسكت سرا ثاني..ويوم جا دوري قال الضابط:هاه

وش جابك بعد؟

انا: ابد..عدل اسم الوالده

الضابط: ليه موصحيح انا: بصراحه لعبت عليك هي اسمها مزنه

الضابط: طيب وش حادك على الكذب..من زين امك عاد

انا: لاياشيخ احسن من امك

وعطاني الملف وجلست اقراه ادقق..وجا بعدي واحد وقال له الضابط

وش اسم امك..وقال له الرجال..مزنه

والتفت عليه وقلت له تتطنز انت ووجهك (احسبه يتكلم عن اسم امي )

وامسكه مع رقبته ومع ياقة ثوبه وارفعه شبرين عن الارض وقلت

يوم انك تعرف اسم امي وراك تتطنز قدام الله وخلقة..واشوته بوز مع بطنه <---يمديكم خخخخ

وأقوم الضابط ويصكني كف طير كل الاوراق اللي معي وهو يقول انهبلت

ياخوي اسم امه مزنه زي اسم امك وش دخلك بالسالفه!!..وانا جالس

ادور اوراقي ماابي احد يشووف اسم امي..ويصكون الشعبه ويجون

الشرطه وياخذوني للتوقيف ..وجلسوا يحققون معي ووين اوراقك

وانا ازاعق واصارخ للي تحت واقول : بذمتكم اذا احد شاف اسم امي

ويجي الهندي وهو شايل الاوراق..قلت والله قهر حتى هالهندي

شاف اسم امي...

والله واطلع من الجوازات لا جواز ولايحزنون
يعني خرجنا من المولد بلا حمبص <--- مايعرفه


مقووووووووووووووووووووووووووول..........
al3neda
10-15-2003, 03:54 PM
يسلمووووو دلوعه عالمواضيع الي ولا احلى
ريم المملوحة
10-16-2003, 05:48 PM
هههههههههههههههههههههههههههههههههههههههههههههههههه هه الله يرجك يا دلوعة وش ذي السوالف لا الصراحة محد يقدر عليك وعالعموم مشكورة وما تقصرين
الولهــــــــان
10-17-2003, 01:16 AM
الحمد لله وشكر
العقل نعمه
حسن99
10-17-2003, 02:06 AM
هههههههههههههههههههههههههههههههههههههههههههههههههه هههههههههههههههههههههههه
دمعة
10-17-2003, 02:59 AM
انا معاك السالفه صحيحة ... وفي اوجه كثيرة انك ماتقووول يالرجال اسم امك... اول شي اسم البنت ماينقال بالشارع وقدام العامة ... صح والا لا؟؟

والشي الثاني فيها تنقصه للرجل اذا ذكر باسم امه .. ليه يعني ماهوب احراج لما يجي واحد قدام خلق الله ويناديك ياولد فلانه؟؟؟؟ وش فلانة وابوي وين راح؟؟ راي شخصي وحقيقي ... وبعدين فيه وجيه عديدة .. تناقشت بها السالفة قبل تقريبا سنتين مع اثنين من مناطق مختلفة ... فكان واحد من الشباب اللي طرح الفكرة يقوول بالامس سألت جدتي ليه عيب الواحد يذكر اسم امه.. فكان جواب الجده الله يحفظها لهم ان شا الله انك ماتثق باللي قدامك يووم تزعل عليه يقوووم بالشارع ويناديك باسم امك!!! شفت كيف هذا جواب حرمة .. طلع كلامي صحيح انه الحرمة اول شي تهتم بشي مفقود عند الكثير منهن في هذه الايام وهو الحياء .. المرأة في الاول كانت تستحي!!! وحطوا تحتها 100 الف خط ...ومشكورين ع تقبل رايي
دلوعة المنتدى
10-17-2003, 08:27 AM
مشكوووووووووووووره علي ردودكم يا جماعه
بدون اسم
10-18-2003, 12:12 AM
لااااااااا تعليق بس انا عن نفسي لو احد يسئلني مستعد اقوله

تحيااااتي
الولهــــــــان
10-19-2003, 12:32 AM
شعنده المستعد يقول
دمعة
10-19-2003, 08:46 AM
بدوووون اسم >>> وش اسم امك؟؟؟ ((مستعد وخر عنه))
بدون اسم
10-30-2003, 09:40 PM
هههههههههههههه تبون تعرفون اسم امي منيب قاااايل000000ههههههههههههاي



تحياااتي
شهد الحزن
10-31-2003, 03:16 AM
احم احم وين علوووووووووووم الرياجيل
اسامي امهاتنا وين الغيرررررررررررررررررررررررة
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
الله يرج سموكم ياخواننا
معاند الشوق
10-31-2003, 03:38 AM
هههههههههههههههههههههه


اما وش اسم امك

اصعب سؤال مر علي

ترا هذا من غلا الام ما ودنا احد يعرف عنها اي شي

<======== عاش مصرّف

المهم مشاركة حلوه والله