(( يقولون بألسنتهم ماليس في قلوبهم ))

[عذبة الإحساس]

ام دانه : بصراحه لازم نصادق عيالنا عشان نكون قراب منهم ويشكون لنا همومهم ومايطلعون اسرارهم عننا
لازم مانخوفهم ونتعامل معهم بهدوء ورقي وننزل نفسنا لعمرهم ونلعب معهم ومانعاقبهم لكن نشرح لهم الخطأ ونناقشهم فيه

ابو محمد : واللــــــــه ياأخيتي شوفي اسألي مجرب
انا وحمودي ربع من يوم انولد والحمد لله مبسوطين ومرتاحين ولا فيه اي مشاكل

العصر :
دانه : ماما تدرين وش قالت لي ساره اليوم بالمدرسه
ام دانه : لا ماادري وتراك وجعتي راسي روحي العبي مع اخوانك وسكري الباب ابي اغفي شوي قبل لايجي ابوك


محمد : بابا خلاص ماابي اروح النادي
ابو محمد : حنا دافعين فلوس عشان تروح لك يومين وتالي تهون رح البس بدلتك بسرعه وراي دوام موب فاضي لك انت وملاحتك


بعد شهر
دخلت ام دانه غرفة بنتها لقت كيس حلويات : دانه من وين لك هالكيس
دانه : شريته من البقاله
الأم : وشو ؟؟؟
دانه : البقاله اللي جنب مدرستنا رحنا انا وساره وشرينا
كف ماشي مليون :wacko2: تدخلين البقاله المره الثانيه بحالك احش رجولك فاهمه :eh_s(5):
؛ ؛


ملابس محمد مقطعه والبركه بعيال الثانوي
الأبو: لسب محمد بالعقال ومنعه من النادي ومن اي طلعه بعد المدرسه


ــــــــــــــــــــــــــــــــــــــــــــــــــ ـــــــــــــــــــــــــــــــــــــ



احمد (مدير عام ) : التطوير الوظيفي و فهم نفسية الموظف والتعامل معه كمدير والأخذ بآرائة البنائه ودراستها امر يدفع بالمؤسسات نحو القمة وهو من اهداف ادارتنا ونسعى دائما لتحقيقه

عبدالعزيز (صحفي) : في الحقيقة ان المؤسسه محظوظه برئيس متفتح الذهن مثلك وانني اهنئهم بوجودك معهم , سوف اكتب عن رؤيتكم أ - احمد حتى تكون قدوة للآخرين

في اجتماع مجلس الاداره

خالد (25سنه) : سندخل هذا العام نظام هو الأحدث من نوعه في عملية انهاء المعاملات
ابو ناصر (66 سنه ) : انهيناها بنفس الطريقه اربعون عاما ولا نريد اي تغيير
خالد : ولكن الزمن تغير ونحن نسعى للتطور
ابو ناصر : ( اقول استريح .. توك طالع من البيضه تب تعلمنا شغلنا ؟؟ )
احمد : ......
بالنهايه كلمة بو ناصر تمشي

ــــــــــــــــــــــــــــــــــــــــــــــــــ ـــــــــــــــــــــــــــــــــــــ


ام ابراهيم : هالخدم بالذمه يا اوخيتي الواحد شما يسوي لهم ويعطيهم ويعطف عليهم يحس انه مقصر
ام سند : اي والله عسى الله بس يسخرنا لهم ويسخرهم لنا

ميري : ماما انا ابقى كلم بيبي مال انا
ام ابراهيم : هاااووو توك مكلمتهم من اسبوعين وشوله بعد هالدقدقه كل شوي بس للمخاسير

ام سند الساعه 1 بالليل : سيتي تعالي اكنسي الصاله بعدين سوي شاهي وعشى لبابا سند
سيتي : ماما انا تبي نوم انا شوقول من اي سائه كمسه صوبوه
ام سند : عن القرق الزايد والعياره , 24 ساعه نايمه انتي!! وشو ماتشبعين نوم !!
يالله بس خلصي شغلك وتالي نامي عسى ماتقومين


ــــــــــــــــــــــــــــــــــــــــــــــــــ ـــــــــــــــــــــــــــــــــــــ



المجروح ( يكتب بالمنتدى) : البنت مخلوق لطيف حساس من اي شي تتأثر لازم نتعامل معها برقي ونحرص اننا مانجرحها
الألماسه الحساسه : ((اخي)) .. كلامك دليل على رقيك وذوقك
اهنيك وياليت كل الرجال مثلك

بعد نص ساعه
الألماسه ( لديك 1 رسائل خاصة )

المرسل : المجروح
النص : (( اختي )) الألماسه
انتي فعلا الماسه وياحظ اهلك فيك
انا من متابعين مواضيعك وردودك وتعجبني ثقافتك واتمنى لو كل البنات بنفس وعيك وفهمك
ماشاء الله عليك احسك اكبر من عمرك بالعقل وان شاء الله بالدين

(( اختي )) لو احتجتي اي شي انا حاضر وبالخدمه
ولو احد اساء لك او حاول يغلط عليك بس عطيني اشاره وشوفي كيف امحي لك اياه

بعد سنه
الألماسه حامل
المجروح شبع منها وراح يدور غيرها


ــــــــــــــــــــــــــــــــــــــــــــــــــ ـــــــــــــــــــــــــــــــــــــ

:strongsad


الى متى راح نعيش بتناقض اللي ينقال شي والواقع شي ثاني
بما انك تقول غير الواقع اذن انت عارف خطأك وتحاول تتجمل قدام الناس بهالكلام
طيب اصلح نفسك , صارح نفسك بعيوبك وصير مثل ماتقول ومثل ماتحب انك تكون ولاتوصل لمرحلة انك تقرف من نفسك لأنها من اخطر المراحل

؛ ؛
؛

التناقض اول طريق لضياع الذات
اتمنى ان كل متناقض يصلح من نفسه
والمساحه مفتوحه للحوار
احترامي

[حنين الروح]

::






ـــــ

http://www.m-waaj.com/ib/attachment.php?attachmentid=1395&stc=1&d=1247828259

ـــــ



.


.


.


وأقـع موئلم لـ الأسف ,,

ولا أزيــــــــد على مـا ذكرتــيه ,,

فعلا التناقض هو أول خطوهــ لـ ضياع الذاتــــ ,,


.


.


عذبة الإحساس

سلمتي ودام نبض قلمك في صدانا

دمتي بـ حفظ الرحمن







::

[عذبة الإحساس]

هنوف

مرورك واهتمامك اسعدني
تسلمين ع التثبيت
نورتي

[الليث]

بداية اعتذر عن التأخير

موضوع جدا مهم

طرح رائع وجميل

التناقض في حياتنا

ودي لو أذكر سبب في نظري من اسباب وجود هذا الأمر في حياتنا

مع بداية نشأة الطفل في الدنيا وهو يشوف التناقض في حياته

الأم تقول شي بل تأمر الأبن بشي وهي ما تتعامل فيه

تأمر البنت أو الولد بالترتيب والأم تعيش في فوضى عارمه

الأب يأمر ابناءه على الصدق

وأذا اتصل احد يقول لولده قله أبوي مش موجود

هذا نمودج وصورة تتكرر بمضمون واحد

من هنا يأتي جيل متناقض

اتوقع أن ثقة الإنسان بنفسه ورضاه عنها يعالج هذا التناقض

ملاحظة هناك قدر مقبول من التناقض في حياتنا ولابد من الرضى به وعدم الانزعاج

سلمتي لنا دوما

[حسن99]

عذبة الآحساس ..

بداية آشكرك على آول مشاركة لك في المنتدى وتفاعلك معنآ بعـد طول الغياب .. وهذا الشي آسعدني وآسعد الجميع بالتأكيد :119: ..

" يعيبون على الناس والعيب فيهم "

عجبني الحوار والمحادثة إلي في الموضوع .. وفعلا بعض الناس تحب النصح وتحب التعليقات والتنبيهات إلي تشوفها امامها بس ماتشوف نفسها بالاول ..

ما اقول إلا الله يهدي الجميع

ويستاهل المووضوع التقييم ..

[عذبة الإحساس]

الليث

صحيح
كلامك وواقعي 100%
النشأه لها دور كبير لازم مانغفل عنه
يعطيك العافيه


شاكرتلك اهتمامك وحرصك ع التواجد مع اي عضو
لاهنت

[عذبة الإحساس]

حسن 99
الشكر موصول لك
اتمنى يكون الموضوع يستاهل الاعجاب
يعطيك الف عافيه