اخبار الحمقى في كلية الطب

[وحيـــــد الجزيرة]

بسم الله الرحمن الرحيم
رغم ان كلية الطب منبرا ومكان للطلاب المتميزين والذين قد يعتبرون النخبة ولا يقتصر ذلك في الطب الا انا بعضهم يعكس القاعدة.
فنندهش لكون البعض قد انهوا الثانوية وفي حصيلتهم معدلات عالية الا انهم يفتقدون لابسط الاساسيات التي لا يدخل شخص الى هذه الكلية الا وتكون هذه المبادئ في حصيلته او بالاحرى كي يتخرج.
فمما ادهشني كون احد الطلاب لا يعرف كلمة (blood)وهي الدم بالعربية والأخر لايعرف القواعد الاساسية للغة الانجليزية التي قد يعرفها طالب في المتوسطة او حتى طفلفي بداية دراسته .
فعندما تقول له (is) مثلا مع ماذا تستخدم قد يجهل ذلك؟؟!!
فاذا هولاء الطلاب وليسوا كلهم يجهلون ذلك فما ذنب شاب قد تخرج وحلمه دخول الكلية ومعدله عالي وتعتذر الجامعة عن قبولة لوجود هولاء الاشخاص (العدد محدود)؟فما الحل في ظل هذا التخبط ؟؟؟
وسؤالي كيف اذا تخرج هولاء الطلاب واحتلوا اماكن ليست لهم؟؟؟؟؟؟؟؟؟

[دمعة]

أحيك اخوي وحيد الجزيرة على هالموضوع والتخبط الكبير في الواقع ... أجل ابشر تعال لمنا في جامعة الملك فهد للبترول والمعادن اللي الطالب مستعد ينزل لك كتاب في تخصصه باللغة الانجليزية ويطلع مالقى وظيفة؟؟؟؟ او وظيفة في مجال لغير تخصصه!!!! التخبط كبير كبير ماهو بس في is .... دكتور عندنا ينصح طلابه يقووول بعد التخرج توظف في اي مجال (دكتور في هندسة الكمبيوتر) ان شا الله هندسة مدنية لتخطيط الشوراع جمع لك فلوس وبعدين ابدا مشروع يتعلق بالكمبيوتر ..... يبي يرفع نظرة الاحباط اللي عيوننا كطلاب في هندسة الكمبيوتر ... اخوي وحيد الفرق كبير بين الواقع والدراسة.. تدرس شي وتطبق شي ثاني ....

وان كان على الانجليزي ترى تدريسنا في الثانوية لمادة الانجليزي غلط في غلط... بصراحة اقووولها في السنة الاولى للجامعة ادركت هذا الغلط ... كانوا مدرسينا في الانجليزي يعلمونا على الحفظ لا على فهم القواعد... يعني اذكر من ثالث متوسط لما طالبونا بالتعبير في الاختبار كانوا يحددون لنا الفقرات واحنا حفظ .... يعني لما تتكلم لغتين في محاضرة الانجليزي وش الفايدة.... اكثر كلام المدرس بالعربي .. قل لي كم كلمة انجليزية راح ترسخ في عقلك ؟؟؟

هذه كانت نقاط للطرح وبداية نقاش ... حيهم

[الولهــــــــان]

مرحبا اخوي وحيــد الجزيرة
عندي فقط تعليق على العنوان الموضوع (الحمقى في كليت الطب)
انت كذا تلوم الطالب الي مايعرف كلمتBLOOD انت لوم المنهج الي انت تدرسه والي انا درسته
من اول متوسط الى ثالث ثنوي لوم من كاتب المنهج الانجليزي
ست اسنين دراسه ماتكفي
والله فشله طالب اول ابتدائي بلكويت كائنا طالب اول متوسط بسعوديه يعني
فرق ست اسنين فلاتلومهم

وشاكرلك على كتابت الموضوع

[دمعة]

اخوي الولهان ست سنين كافية ووافية بالغرض اذا تعدل المنهج وطريقة التدريس.... والا كيف لما جينا الجامعة من السنة الاولى وضبطت معنا الشغلة.. كان ترم واحد فترة كافية لاكتساب اللسان هذه اللغة وصدقني ماهيب صعبة واقدر اقوول انها اسهل من السهولة نفسها

[وحيـــــد الجزيرة]

اشكركم دمعة والولهان ولكن الصراحة الخطأ مشترك بين المدرس والطالب اذا المدرس ما يفعل الطالب ويحثه فلا تنتظر من الطالب ان يعمل شي .
ولكن انا اقصد اخذ طلاب غير كفؤيين لاماكن لا يستحقونها وبهذا يظلمون الاخرين الذين قد يتحطم حلم احدهم او بالاحرى سنين دراسته كلها على اناس مثل هولاء .
ولكن انا الوم الجامعة في المقام الاول رغم ما يفعلونة بما يسمى اختبار القدرات الذي اراه لا يقيس المستوى الحقيقي للطالب .


شاكرا لكم جميعا.....

[دمعة]

لا اخوي وحيد الجزيرة .. انا اعترض معاك في شغلة اختبارات القياس .. لانه بصراحة هذا مستوي الانجليزي للطلاب الثانوية .. مااعرف اي احد من الثانوية اللي كنت فيها انه يقدر يطلع ويتكلم كلمتين على بعضهن مع امريكي بعد التخرج من الثانوية ....

يعني لو اخذنا على كلامك وخلنا اسئلة قياس شوي صعبة ومانجحوا الكثير وش راح تستفيد الكلية..... مااحد بيدخلها؟؟ طيب راح تشتغل الواسطات وهذا للي يقطع القلب..

من الاشيا اللي تقطع القلب .. ع وقتنا كان اختبار قبول جامعة البترول مايدخله الا اللي فوق الثمانين !! وكان احد الطلاب صديقي بالموت نجح وهو بنفسه يقول هذا الكلام... في الستينات .. ودخل معنا اختبار القبول وجاب نسبة 44% في اختبار القبول وكان المطلوب 60% وهاهو يدرس معنا في الجامعة ... قانون الجامعة للسنة التحضيرية انك تدرس فيها كحد اقصى سنة ونصف والا الطرد من الجامعة وهو جلس في السنة التحضيرية سنتين كاملتين مع زيادة صيف!!! وانت تعتب على لغة بعض الطلاب المتخرجين من الثانوية!!

وشف ماابي اعطيك امثلة قوية .. فيه بعض الرؤساء في شركات كبيرة لايعرفون كتابة رسالة او تقرير بالانجليزية .. يعرف يتكلم صح لكن كتابة لا؟؟؟؟ كيف هذا يكون مسؤول ومن اهم اوليات المسؤول ان يتقن اللغة الانجليزي تحدثا وكتابة!!!

الشكوى لله ... كانك في دائرة مالها اول ماتعرف من وين الغلط بادي..


شاكر لك اخوي وحيد على طرحك للفكرة

[الولهــــــــان]

اخوي دمعه لا اعترض معاك بسالفت من اول شهر وتضبط
لانجليزي الي درسنا فاشل وعدد الاسنين مو كفايه
اسالك سؤال اذا اذا كان الانجليزي الي ندرسه اكفايه ليش
بجامعت البترول اول سنه يدرسونكم انجليزي
بسالفت اختبار القبول
اكثر الجامعات او يمكن كل الجامعات الي في الخارج
مايعرفون شي اسمه نسبه يعرفون شغله واحده اختبار القبول
وهو الي يحدد مستوى الطالب
وشاكرلكم

[AZEEEZ]

اصلا منهج اللغه الانجليزيه بالسعوديه فااااااااااااااااااااااااااااااااااااااااااااااااا اااااااااااااااااااااااااااااشل .
ومدة الحصه 45 دقيقه 10 دقايق على مايجي المدرس صارت 35 ويطلع قبل ب5دقايق وش بقى من الحصه 30 دقيقه ماتسوي شي وخصوصا اذا المدرس مايتكلم الا عربي تخيلوا قطعه قراءه بالانجليزي نأخذ عليها حصه كامله والمدرس يترجم فيها كلمه كلمه حتى ان اكثر الطلاب يملون من الحصه ولا ينتبهون واخر شي القطعه ما عليها ولا سؤال بالاختبارات .

وحصه كامله على القواعد Grammar والله ان المدرس ما يشرحها الا عربي فعل وفاعل وفعل ماضي والخ....

ودرس الكلمات الي هو اهم شي يترجم لنا الكلمات باخر الحصه ويطلع ولا يطلب منا حتى ان نحفظها يعني مو مهتم فيها .

واكبر مشكله اذا كان المدرس ضعيف الشخصيه وهذي المشكله الي عقدت حياتي لانه اول مابديت اتعلم الانجليزي بالاول متوسط وكان المدرس ضعيف شخصيه مافهمنا شي وطبعا كنا فرحانين لان المدرس محد معطيه وجه ولا يهاوشنا لدرجه انه حتى بالاختبارات كان الطلاب يغشون قدام عينه ولا يقول شي .


الزبده المنهج وطريقة التدريس غلظ في غلظ والمفروض يبداء تعليم الانجليزي من الصف الاول ابتدائي ويكون التعليم صح .

[دمعة]

اوكي حلو يالولهان ... ست سنين ماهيب كافية ياخوي الله واكبر يعني شف كيف احنا في الجامعة سنة واحدة بس في الانجليزي وهذانا صرنا اوكي ((شفت كيف)) انا كلامي عن الشهر.. تعال وشف في الجامعة .. كنت اقصد بالشهر انه الطلاب لما تبدا السنة الدراسية يبدون يتاقلمون مع المدرس بعد شهر تشوف الطلاب بدوا يتاقلمون مع اللغة الجديدة اللي استصعبناها في المتوسط والثانوية.. تدري وش السر في المدرسة ماكنا نطبقها كنا ناخذها حفظ .. لكن في الجامعة غصبن ع ابو جدك تطبقها تدري ليش لانك راح تكلم اجنبي مايعرف عربي..

ابي انتهي انه المنهج وطريقة التدريس هو الخاطئ وهو كلام مدرس لغة انجليزيه في احد المدارس المتوسطة تعرفت عليه قبل سنة.. وكان يلمح الى انهم يطالبون الوزارة بتغيير المناهج...

اشكرك اخوي برنس الامراء ع رايك وانا متفق معاك فيه..

الولهان ست سنين توووو متش!!

[الولهــــــــان]

والله مدري كلمن ورايه بس مهما يكون
ست اسنين مو كفايه اشوفها انا

[Dreamer]

الدليل على فشلهم انهم غيروا النظام السنه هذي

وصار معدلك بالسنه التحضيريه هو اللي يحدد دخولك لكلية الطب

والحين يجربونه فينا وان فشل جربوا شي ثاني

بصراحه حالتهم صعبه ما في اي تخطيط
تسلم عالموضوع الرائع

[al3neeeeda.ana]

السلام عليكم


كل شي اخوي صار تجارة مومهم المعنى المهم المردود وهالشي هو اللي ملاحظينه هالأيام تروح للدكتور يشخصك تشخيص غير اللي فيك يعني تضيعة وقت ..

الله يحفظنا انشالله

[دارين]

للاسف نعاينته عندنا في بلادنا ...والمهم الشهادة اما البراعو الاتقان فهنا يظهر الايمان واتقان مهنة التدريس ودراسة المناهج بقوة

ولي عودة
الف شكر موضوع ملفت

[ذيبان]

ما زلنا متخوفين في كيفية البدء باللغه الانجليزيه

هل من الصف الاول الابتدائي او اول متوسط

في حين هي لغة العصر شئنا ام ابينا


شكرا لك على موضوعك اخي الكريم


ذيبان