مطلوب رايك او تعليقك ع هالكاركاتير

[دمعة]

السلام عليكم ورحمة الله وبركاته...

الكل يعرف وين وصلت اهتمامات الحكومة في شبابها واكثر شي هو امر السعودة.. ولكن نلاحظ ان الخريج عندما يتخرج يجد الف والف سد في طريقه.. ومن المطاليب اللي نقدر نسميها بالتعجيز هو جانب الخبرة فاذا كان الخريج توه متخرج من وين يجيب الخبرة اللي تطلبها الشركة؟؟؟

http://www.alyaum.com/imagesIssues/11098_187_1.jpg


http://www.alyaum.com/imagesIssues/11098_240_1.jpg

خلونا ناخذ الموضوع بجدية اكثر .. وخلونا نعرف وجهات نظركم .. يمكن تكون وجهتي نظري محدودة او خاطئة..

ها نسمي؟؟

[الولهــــــــان]

مرحبا
الوضوع رائع ويستحق النقاش
انا عن نفسي اقول اي واحد يقول كلمت مافي وضايف انا اعتقد عنده شهادة ابتدايه
او يكون صحيح عنده شهاده جامعيه ولاكن التخصص الي هو فيه يكون متوفر
وعندهم اكتفاء (مدرس عربي ,احياء , مدرس دين الى اخر.......
ولاكن الي عنده تخصص نادر ماعتقد مايلقا وضيفه
وذا ماحصل على وضيفه بلاد الله واسعه
مافي اي مشكله
وشاكرلكم

[دمعة]

مشكور اخوي الولهان ع ردك ... بس في شغله انت اثرتها ... بلاد الله واسعة!!! يعني كيف؟؟

[الولهــــــــان]

يعني مالقا شغل بديره الي هو فيها
يروح يشوفله اي ديره خليجيه او عربيه او غير عربيه
بس بشرط يكون عنده شهاده جامعيه والتخصص يكون نادر او مطلوب
بس ماعتقد الي عنده هلشهاده مايلقه وضيفه بديره الي هو فيها

وشاكرلكم

[السفاح الصامت]

بس والله الناس قامت تزهق من جد يتخرج وفي الأخير تلافية يجلس 6 شهور ومايلاقي وضيفة واذا لقى يلاقي شي في غير تخصصة يعني يتخر لغة يدخل ميكانيكة يعني يتعب في وادي وينقط في وادي ثاني .... الا عنصر واحد في المجتمع الي هو صاحب الواسطة

[بدون اسم]

بسم الله الرحمن الرحيم
تحياااتي للكل وبالنسبة للموضوع فوق الروعة ياطارق دمعة ومن جد يستاهل النقاش الجاد والصورة في محلهاا عموما

انا رائي المتواضع والشخصي بالنسبة للوظائف موجوده وبتحصل الوظيفة اللي تبيهااا بس زبدة الوظيفة وشو اقصد كم راتبهااا؟؟؟؟ هل راتبهاا يسوى ان تشتغل فيها 8 ساعات او اكثر ؟؟ راتب هالوظيفة يساعد ولو بنسبة 50% من مصاريف هالحياة اللي حقيقة كل يوم عن الثاني قاعدة تزيد اكثر واكثر وهل راتبهاا يساعد على كملياااتك الشخصية ؟؟؟
وبالنسبة للشهادة وتخصصها اذا راح صاحب هالشهادة للدوائر الحكومية معروفة الوظيفة وظيفة كتابية بحته يعني اللي درستة في الجامعة او في الثانوية او في المتوسطة كله راح يكون ورقة وقلم 0 انا وجهة نظري حقيقة الواحد يشوفة عمل حر افضله حتى لو كان بدايتة مبلغ بسيط مو شرط يكون راس المال عالي وصدقني يابركة الرزق الحر انهاا افظل 00 وبالنسبة لشهادة الخبرة صدقني كلهاا امور تعجزية من قبل الشركات 0000000 هذي وجهة نظري

تحياااتي لك ولجميع الاعضاء الكرام واهنيك على موضوع اخوي دمعة

[شهد الحزن]

يعطيك العافية اخوي دمعه
على هالطرح الجميل والجديد
لكن انا من ناحيتي اشوف انك تدرس على حسب احتياجات المكان
مو على حسب ميولك مثلي انا ميولي الكمبيوتر وماراح ادرسه راح ادرس الكهرباء او الميكانيكا مافي غيرهم
بس هذا من ناحيتي ادرس على احتياجات المكان فقط وشوف

[اسير الصمت]

الصبر مفتاح الفرج .....

[المتفائل]

هلا وغلا بالمبدع المتألق دوما دمعة ....

شف يا أخوي أقولها وأنا كلي دموع مش دمعة حنا في بلد المحسوبية والواسطة وعشان ابين هذا اقولك المثال التالي .....

طالب ما يسوى إلي أنت خابر من أول ما يدرس يعني في الروضة وظيفتة حاضره مستشار أو مدير أو رئيس ليش لأن ............. (ألو ألو يظهر إن الإتصال انقطع)


طيب نكمل الموضوع .... هذا غير المراحل التعليمية إلي يمر فيها يعني ما في شي اسمه هذا التخصص مش موجود أو هذا القسم غير متوفر ..... إلى على طاري هذا الكلام وش أخبار قسم الإدارة إلي فتحوه بجامعة فيصل بالدمام ودي أقدم فيه (يا رب أنجح من خامس يا رب)

نرجع لموضوعنا .... بعد هذا كله يطلع لنا المسؤول الملهم والوزير الهمام يقول وش فيها إذا اشتغلتوا سواقين تكاسي أو فراش في مطعم أو عامل في محطة بنزين الشغل ما هو عيب ...

الله يقطع شرك يا دمعة أنا وش دخلني في هذا الموضوع توني ما خلصت خامس ابتيدائي يعني إنشاء الله إنشاء الله إذا شديت حيلي وخلصت الابتدائي والمتوسط والثنوي بعد 18سنة (الدراسة وملحقاتها) بعدين ادرس الجامعة في وحده من جامعات الهند إلا اكثر من جامعاتنا افكر في الوظيفة بس أقل من مشرف فراشين أو مدير عمال ما أقبل .... وسلملي على الجميع

[دمعة]

ههههههههههههه حلوة يالمتفائل...

دقيت ع الوتر الحساس ... وازيدك من الشعر بيت .. تعال وشف كيف الحضور تقريبا 0 <<عدد المحاضرات اللي حضرها اخونا في نهاية الترم>> ويبي <غصبن ع ابو اللي جاب الدكتور> ياخذ في هالمادة +A ......... وبعد كل هذا الوظيفة مضمونة ... وانت يلعن ابو جدك بالدراسة وكتابة البحوث ... وبعدين يجيك دكتور يقوول لك نصيحة ياابنائي الطلاب (طلاب كليتنا - هندسة الكمبيوتر) .. لما تتخرجون ومالقيتوا وظايف اشتغلوا اي شي ان شا الله مهندس مدني .. وهذا اذا حصلت!!

الله المستعان ابسط حقوقنا اذا اعتبرت عندهم حق لنا وهو وظيفة تعيشنا مع العايلة -- مايبون يعني وشو نسرق عشان نعيش!!! و... و ....

لا وفي شغله هالايام .. ماحنا بعاجبينهم موفرين وظايف برتبة سفير ((دااااد دراااااا)) بس ماهوب لكم ... للبنات .. يبون سفيرات؟؟؟

الله المستعان..
مشكور ع هالوقفة يالمتفائل.. وكل لي فخر بها

[دمعة]

>> أسير الصمت: صح لسان اللي قال الصبر مفتاح الفرج .. بس الى متى؟؟ الواحد يزهق من الصبر!! ياخوفي الصبر يزهق مننا!! الله لايجيب اليوم اللي الصبر يطفش مننا!!

شاكر لك المشاركة

[دمعة]

>>شهد الحزن: والله بيني وبينك واسمح لي وجهة نظرك ماهيب دايما صحيحة .. يعني لو انه مالي ميول في الشي كيف راح انجح فيه؟؟ يعني واحد يبي الصناعية وابوه غاصبه الا يدخل الثانوية.. تتوقع بينجح ويكمل؟؟ واحد يبي يدرس بجامعة الملك سعود قسم دراسات المواد الاجتماعية وابوه غاصبه الا يدرس اللغة العربية.. هل راح ينجح فيها؟؟ هذه امثلة مرت وسمعت فيها وكلهم مانجحوا!!

نقدر نقووول ان وجهة نظرك في نسبة من الصح.. لكن ماهيب دايما.. يعني الجامعة تحط الاقسام اللي الدولة محتاجة وظايف فيها... لكن يبقى الميول شي اساسي... يعني اللي يحب الدراسات الاسلامية - مايبيها عشان وظيفة يمكن يبي يستزيد من علم الاسلام - لكن يبقى اللي يحب الدراسات الاسلامية ابد مايهضم انه يحول الى دراسات انجليزية!!

صح والا لا؟؟

[دمعة]

>>بدون اسم: مثل عااادتك وتألقك اخوي .. كلامك سليم لا وبعد اضفت نقطة حساسة وهي الراتب مايفي باحتياجات الموظف.. بس بيني وبينك احسن من القعدة البطالية... لكن يبقى الكلام الصحيح هو التوجه الى التجارة.. وهي كما قالهارسولنا الكريم صلى الله عليه وسلم .. ان تسعة اعشار الرزق (او كما قال صلى الله عليه وسلم) التجارة . يعني لو انت ملك دولة وعدد السكان عندك 10 اشخاص .. 9 منهم يشتغلون بالتجارة!!

يعني اشتغل اي شغله جمع منها راس مال .. وبعدها ابدا بالتجارة وخل الشهادة معلقة بالجدار فخر انك سويت شي في حياتك.. اما هم خلهم ع حالهم يستوردون من برا المهندسين والاطباء...اظاهر الاجانب افضل عندهم من ولد البلد..

[شهد الحزن]

طيب وان كان الميول مزحوم
يعني انا ابي اقسام الكمبيوتر والمكان زحمه عليه
وش اسوي اقعد لما يجني الرزق
اروح اشوفلي شئ اكتشفه احسن من القعده واقعد اقول مثل العجايز
اقعد اكلم روحي واحش بخلق الله
هذا مايدرس وينجح وانا انكرف وادرس وبالموت انجح
وش تسوي مابيدك شئ انت تحمد ربك انك انقبلت بهذا المحل
حاجه غريبة
وبدال هالكلام الي مايخلص من هالحش ادرس وشد حيلك
وبعدين يجي واحد يقول واسطات وواسطات
وتطالع نسبته تلقاها ................تفشل الله المستعان
انت شد حيلك وبس والباقي على الله الله مايضيع جهد عبد ان كان فيه خير
وشكراً

[دمعة]

>> السفاح الصامت: بصراحة كلامك واقعي بقوة مااقدر اقووول شي لانه واقع .. بس واقع فاشل هو الشي اللي لازم نعترف فيه..

مشكور اخوي ع المشاركة

[دمعة]

>>الولهان: انت الوحيد اللي اثرت شغلة الوظيفة الخارجية... لكن بصراحة تراها ماهيب هينة ماهيب بسيطة انك تسافر تشتغل برى.. اشيا كثيرة راح تكووون ضدك

[دمعة]

>>شهد الحزن: حلووو كثير كلامك اذا والله ميولك ع كيفك.. يوم كذا ويووم كذا.. لان شغلة الميول اهم بكثير من الزحمة ووالوظايف.. ومثل ماقلت انت ادرس وتخرج وخل الباقي ع الله -- الله لا يضيع جهد عبد ان كان فيه خير...

وسالفة الزحمة في الاقسام من وجهة نظري هو السباق للوظايف ماهوب للميول.. تشووف الواحد يقعد يدرس ويدرس وتطوووول سنين الدراسة .. كانه مغصوووب عليها كل هذا بس عشان الوظيفة .. ليه هل الميول يقف سد منيع للوظيفة!!

[الولهــــــــان]

(اسعى ياعبد وانا اسعى معاك)
مرحبا دمعه
هو اكيد صعبه بان الواحد يشتغل بره ديرته لان بيكون بعيد عن الاهل والجران وغيره
بس احنى مواحسن من السورين او المصرين او االعراقين الي يتغربون بره عن ديرتهم
ولا ويمكن هم يكونون احسن مننا بشهايدهم
وشاكرلك

[دمعة]

طيب يالولهان حلو كذا

بس ترى نظام العيشة هنا افضل بكثر من اي الدول الثانية مثل سوريا او مصر ... وهذا لازم تحطه في بالك؟؟

[الولهــــــــان]

اي صحيح وانا حاط بالي هل شغله
بس اذا انا عندي شهاده جامعيه وتخصص ممتاز
ولالقيت شغله بديرتي
ارض الله واسعه اروح اي ديره
اتقدر الشهاده الي انا حاصل عليه
وشاكرلك

[+**+الفدرالي+**+]

<div align="center">بسم الله الرحمن الرحيم</div>
انا اشاركك بوجهة نظرك
الشباب يتخرجون ويقعدون ببيوتهم لا شغله ولا مشغله
والمشكله ان اكثر الدول تاخذ العمال من الدول الاخرى غير الخليج
يا اخي شركه كبيره ثلاث ارباع الشركه مصيررين وهنود وو..الخ.
يا عمي بدال لا توظف هذا المصري او هذا الهندي وظف الشاب الي توه متخرج
ومحتاج الى وظيفه .
هذي وجهه نظري بالنسبه للموضوع

مشكووور على الموضوع

http://alfdraly..com/image-display2.jpg

[دمعة]

يعطيكم الف عافية .. اخوي الولهان + الفدرالي ........


يعني الله يسهلها ان شا الله .. احنا راح نتعلم ونجتهد والباقي ع خالق الكوون سبحانه وتعالى ....


الشي الثاني مثل ماقال اخونا الفدرالي ... بالنسبة لما سموه بالسعودة .... تحس انه نظام دعاية بس خاوي ... حتى وان وظفوا السعودي .. بدوا بتطفيشه .. ويطلع المسؤول بالراديو ويقول الشباب السعودي ((كسول)) ........ ليش؟؟ هل انتوا وفرتوا المقاييس اللازمة لقياس مدى الكسل في الشباب السعودي؟؟؟ هل استلام شاب سعودي وظيفة والتعلق بها براتب 1200 ريال بالشهر ... وهي عبارة عن مراسل للشركة بين افرعها الكائنة بانحاء الرياض .. وجعله يصرف ع سيارته من راتبه الذي لا يكفي حتى مصاريف بنزين للسيارة لشهر واحد!!! ياساتر وبعدين تجي وتقوول كسول!!

انا انصح باعطاء بعض الثقة ولا اطالب بالثقة كلها او الثقة العمياء للشاب السعودي الطامح!!!

[جرووح قلب]

انا اقولك واحد مثلا عندنه دبولوم ميكانيكيه ما يبونه ليه لان الدوله ما تعتمدد علينا مثل مصر لا تبي هنود وبس ولا يعني انا اشوف لبناني متوظفي ارمكوا وصل رتبته يمكن 17 في 5 سنوات وسعودي يبي يوصل 12 على الاقل ماهو كادر الب عد يمكن 13 سنه علشان يصير 13 سنه يتعب ويجتهد على الفاضي يعني لو واحد يتخرج دكتوراه ما بغوها مافي مكان له نبغى اجانب بس ويعني ماتمسي الوظايف الا بالواسطه هذي الايام والي ماعنده واسطه والله والطقعه يعني ماعنده ماعند جدتي

واخير السلا ختام

[دمعة]

يعطيك الف عافية اخوي بو الافكار ... ع هالمشاركة .. وخل الجراح ع ماهي عليه .. ماله داعي تزيدها..

[دمعة]

يعطيكم العافية ع مشاركتكم لها الموضوع .. بصراحة استفدنا من مشاركاتكم واجد


وبكذا راح نلغي التثبيت