قصتي لما دخلت مقهى ولقيت مسنجر مفتوح إيش سويت!!

[أبو بويسم]

<marquee>ملاحظه: هذه القصة واقعية وليست من نسج الخيال</marquee>

<div align="center">المسنجر المفتوح</div>

في يوم من أيام رمضان الكريم وبالأخص في يوم من أيام الاختبارات ===> وجع لا تذكرنا

كان يوم جمعة وكان علي فيزياء وفقه يوم السبت===> يوريكم إنه دافور

كنت مخلص دراستي من مجاميعه وزهقان أم الزهق

وكان الكمبيوتر الانترنت فيه خربان ===> له شهر وأنا صافطه يلعن أم الكسل

قلت يا عمي ليش ما تروح مقهى تفتح إيميلك وتفتح المنتدى وتشوفلك واحد تقرقر وياه عالمسنجر

وبعد ما فكرت قلت لنفسي قدااااااااام ما تعزم يا شيخ

ورحت المقهى وأدخله ودفعت للفلبيني خمسه ريال حق ساعة

وأقعد على الكمبيوتر بسم الله الرحمن الرحيم ولالالالالالالالالالالالالالالالالالالالا ألقىىىىىىىىىىىىىىى

مسنجر قدامي مفتوح على مصرااااااااااااااااااعيه بدون لا إحم ولا دستور

قعدت أتلفت يمين يسار يمكن إني قعدت مكان واحد بالغلط ما لقيت أحد

الزبدة وضعت نفسي أمام الأمر الواقع ===> حلوة هذي الجملة دائما أسمعها

انت الحين أمام مسنجر مفتوح على مصراعيه ماذا تفعل

في البداية كحيت وقلت(( يا أهل البيت)) محد رد

جربت بالانجليزي ((أني بودي هير)) برضو محد رد

ما لقيت أحد أون لاين

أصلا كل المضافين في المسنجر اثنين بسسسس

قلت خلني أفتح إيميله لأنه مليان دعايات موصله فوق الخمسين إيميل

المهم فضيتله إيميله

وبعدها زهقت وقعدت أتصفح مواقع ليمن زهقت ويئست من المسنجر المفتوح إنه أحد يدخل

وتوني جاي أبي أسكر الانترنت إلا يدخل واحد على المسنجر

قلت في نفسي جا الفرج خلني أهبل فيه شوي مع إنه مو من عادتي التهبيل أو الأشياء

هذي لكني كنت زهقااااان وموصله عندي

دار بيننا هذا الحوار أدناه مع العلم أنه في البداية رح يكون النيك حقي زي حقه ورح يكون كلامي بالأخضر وكلامه بالأزرق والكلام باللون الأحمر هذا تعليق من عندي:

.


قلتيلي أنساك ومن يومها وأنا كل ليله قدامي البرواز says:

السلام عليكم (دخول محترم)

قلتيلي أنساك ومن يومها وأنا كل ليلة قدامي البرواز says:

وعليكم (رد محترم)

قلتيلي أنساك ومن يومها وأنا كل ليلة قدامي البرواز says:

وينك يالز** (لا تعليق)

قلتيلي أنساك ومن يومها وأنا كل ليله قدامي البرواز says:

موجود (أكيييييييييييد)

قلتيلي أنساك ومن يومها وأنا كل ليله قدامي البرواز says:

معليش بس قطع علي (حلووووووووه)

قلتيلي أنساك ومن يومها وأنا كل ليلة قدامي البرواز says:

وينك الحين (تنقعت مدري وش أقول)

قلتيلي أنساك ومن يومها وأنا كل ليله قدامي البرواز says:

dukd ,dk jj,ru? (من النقعه قعدت أكتب انجليزي :blink: )

قلتيلي أنساك ومن يومها وأنا كل ليله قدامي البرواز says:

يعني وين تتوقع (أحاول أصرفه)

قلتيلي أنساك ومن يومها وأنا كل ليله قدامي البرواز says:

??

قلتيلي أنساك ومن يومها وأنا كل ليلة قدامي البرواز says:

وين (ما نفعت مصر الأخ)

قلتيلي أنساك ومن يومها وأنا كل ليله قدامي البرواز says:

مدري (من قوة النقعة ما عرفت وش أقول:lhmme: )

قلتيلي أنساك ومن يومها وأنا كل ليلة قدامي البرواز says:

ليش تقلدني بالجمله (قول لصاحب المسنجر)

قلتيلي أنساك ومن يومها وأنا كل ليله قدامي البرواز says:

من كثر حبي لك (حللللللللللووووووه والله حلووووووه

قلتيلي أنساك ومن يومها وأنا كل ليلة قدامي البرواز says:

حبك برص (بصراحة سكتني <_< )

قلتيلي أنساك ومن يومها وأنا كل ليلة قدامي البرواز says:

غيرها

قلتيلي أنساك ومن يومها وأنا كل ليله قدامي البرواز says:

زين دقيقه (رحت أدور على نيك محترم شوي)

واحد زهقاااان بقووووة says:

إيوه (رجعت وأنا كلي ثقة :D )

قلتيلي أنساك ومن يومها وأنا كل ليلة قدامي البرواز says:

هذي تصلحلك

واحد زهقاااان بقووووة says:

الزبدة إيش عندك سواليف (أبي أدخل معاه جو)

قلتيلي أنساك ومن يومها وأنا كل ليلة قدامي البرواز says:

أفاااا (بصراحة تخرعت من يوم كتبها :blink: )

قلتيلي أنساك ومن يومها وأنا كل ليلة قدامي البرواز says:

تروح عند جدك وتخليني لوحدي (هههههههههههه :00: :P :D )

واحد زهقاااان بقووووة says:

يا عمي فاضيلك أنا (والله أتقنت الدور هنا :twi: :twi: )

قلتيلي أنساك ومن يومها وأنا كل ليلة قدامي البرواز says:

اليوم جانا سيف المصري (بدت تطلع الفضااااااااايح :25: )

واحد زهقاااان بقووووة says:

لا والللله (يزعط كني أعرفه ما قلتلكم أتقنت الدور :twi: )

قلتيلي أنساك ومن يومها وأنا كل ليلة قدامي البرواز says:

أي والله (اندمج هو بعد :P )

قلتيلي أنساك ومن يومها وأنا كل ليلة قدامي البرواز says:

وماقصر معاه سيف (إذا فهمتوا شي قولولي :blink: )

واحد زهقاااان بقووووة says:

صحيح جدي يسلم عليك (بدا النصب والاحتيال :P )

قلتيلي أنساك ومن يومها وأنا كل ليلة قدامي البرواز says:

سلمت وياه (صدق :D هههههههههه)

واحد زهقاااان بقووووة says:

سألني عنك وقلتله هو الي ما رضى يجي وياي (أبي أخرب بينهم يلعن أم النذالة :twi: )

قلتيلي أنساك ومن يومها وأنا كل ليلة قدامي البرواز says:

دبو من امبراطم (هذي الجملة من يوم ما قريتها ليمن الحين وأنا أدور لها معنى :blink: الي يعرف معناها مهما كانت اللغة فليتفضل مشكورا)

واحد زهقاااان بقووووة says:

أقول تجيني بكره (أبي أوهقه)

واحد زهقاااان بقووووة says:

fu] hgt',v (خطأ مطبعي)

واحد زهقاااان بقووووة says:

بعد الفطور (أحلى شييييي لو يجي)

قلتيلي أنساك ومن يومها وأنا كل ليلة قدامي البرواز says:

اي استناني (صدق)

قلتيلي أنساك ومن يومها وأنا كل ليلة قدامي البرواز says:

خليك بره زين (؟؟؟؟؟؟؟؟؟؟؟؟ الظاهر يحسبني أكلمه من الشارع)

واحد زهقاااان بقووووة says:

بره فين (توهقت :blink: )

قلتيلي أنساك ومن يومها وأنا كل ليلة قدامي البرواز says:

عند الباب (وهقه كبييييييييره)

واحد زهقاااان بقووووة says:

متى؟ (محاوله جيده)

قلتيلي أنساك ومن يومها وأنا كل ليلة قدامي البرواز says:

دق علي (من جد تنقعت يوم قاللللللللللللللللها لكن هييين أخوكم خبير تصريف)

قلتيلي أنساك ومن يومها وأنا كل ليلة قدامي البرواز says:

ونتفاهم

واحد زهقاااان بقووووة says:

على جوالك? (محاوله للتخص من النقعه)

قلتيلي أنساك ومن يومها وأنا كل ليلة قدامي البرواز says:

أيوة (تنقعت مظبوووووووووووووط)

واحد زهقاااان بقووووة says:

طيب عطني رقمك لأنه انمسح من عندي بالغلط (والللللله تصريييييييييييييييفه ولا أحلى)

قلتيلي أنساك ومن يومها وأنا كل ليلة قدامي البرواز says:

*********** ( مالها داعي ننشر رقم الرجال علشان يكره نفسه)

قلتيلي أنساك ومن يومها وأنا كل ليلة قدامي البرواز says:

نرقمك (هيييييين)

قلتيلي أنساك ومن يومها وأنا كل ليلة قدامي البرواز says:

كنك ***** (قال كلمه ما لها داعي لكن هيييييين خلني بس أتصل فيك)
------------------------------------
هنا انتهت الجزء الأولى من قصتي
تابعوا الجزء الثاني من القصة وهو الجزء الي رح يكون فيله الاتصال
رح تفرطوووووووووون ضحك عليه

تقبلوا تحياتي
أبو بويسم

[حسن99]

هههههههههههههههههههههههههههههههههههههههههههههههههه هه

[أبو بويسم]

مشكور على الرد أخوي حسن

وترقبوا الجزء الثاني
وفي انتظار ردودكم

[شهد الحزن]

الله يرجك ابو بويسم
ليكون انا بس الي عطيتك الرقم
خخخخخخخخخخخخخخخخخخخخخخخخخخخخخخخخخخخخخ
هاتبي الرقم
برقمك بعد مثل ماقال
لا أمزح

[بـرنس القلوب]

والله لو انا منك اتهاوش ويا الي دخل واتكلم عليه كلام قوي مررررررررررره واخليه اذا تقابل معى صاحب االماسنجر الاصلي يدوس ببطنه خخخخ

[الولهــــــــان]

هههههههههههههههه
حلوه منك ابو بويسم
وننتضر الجزء الثاني والله يستر

[أبو بويسم]

مشكوريييييين على الردود شهد وبرنس والولهان

هذي بقية القصة

خذيت الرقم وأنا قاعد أفرط ضحك :00: وهذا لسه بعد ما اتصلت عليه

دقيت الرقم وأنا متشوق أسمع صوته ووالله لو كان في جوالي تسجيل صوت كان سجلته

وسمعتكم هو لكن للأسف ما عندي الزبده دار بيننا الحوار التالي على الجوال:

أنا: أجل أنا **** (قلت الكلمه الي قالي هي على المسنجر)

هو: (ما أقدر أوصف صوته صوت إنسان مبعووووووووووص بكل معنى الكلمة)

أنا: (احسبوا عشر دقايق من الضحك المتواصل)

هو: (طول فترة ضحكي وهو يقول مين انت)

أنا: يا بو الشباب ما أبي أغثك ترى صاحب المسنجر نسى مسنجره مفتوح في مقهى وأنا خذيتها فرصة.

هو: طي طي طيب ليش ليش تكلمني مدام مو إيميلك (مسكين من قوة البعصه قام يتأتأ)

أنا: يا خوي كنت زهقان بقوووة فقلت يله خلني أحفلها فيك

هو: أصلا أصلا ما حفلتها فيني (مسكين والله حزني)

أنا: إيه واااااضح، طيب يلا قول لخويك هذا لا ينسى مسنجره مفتوح بعد كذا

بعدها سكرت ورجعت للمسنجر ودار هذا الحوار:



واحد زهقاااان بقووووة says:

إيش فيك ساكت؟ (إنسان مبعوص تبيه يتكلم بعد)

قلتيلي أنساك ومن يومها وأنا كل ليلة قدامي البرواز says:

وش تبيني أقلك (قول أنا مبعوص ثلاث مرات ورا بعض)

واحد زهقاااان بقووووة says:

أقول يا بو الشباب تراني باخذ الكلام هذا وبسويه موضوع وبنشره في القروبات

واحد زهقاااان بقووووة says:

,hglkj]dhj

واحد زهقاااان بقووووة says:

والمنتديات

واحد زهقاااان بقووووة says:

يعني اسمحلي (حلوه ذي اسمحلي يعني اسمحلي بفضح في الانترنت)

قلتيلي أنساك ومن يومها وأنا كل ليلة قدامي البرواز says:

سو الي تبي (واثق من نفسسسسسسه)

قلتيلي أنساك ومن يومها وأنا كل ليلة قدامي البرواز says:

مايهمني (متأككككككد؟؟؟)

واحد زهقاااان بقووووة says:

أدري ما يهمك (حلوووووه)

واحد زهقاااان بقووووة says:

لكن يهم الغبي صاحب الإيميل (الله يعينه هو الثاني)

قلتيلي أنساك ومن يومها وأنا كل ليلة قدامي البرواز says:

اجال ضف وجهك (شكله وصلت وياه)

واحد زهقاااان بقووووة says:

إيش فيك معصب يا خي حصل خير (محاوله لتهدئة الوضع وامتصاص البعصه)

قلتيلي أنساك ومن يومها وأنا كل ليلة قدامي البرواز says:

وليش أعصب (ما قلتلكم واثق من نفسه)

قلتيلي أنساك ومن يومها وأنا كل ليلة قدامي البرواز says:

اذا تبي تسوي أي شي سوي (والله احمد ربك ماحطيت رقمك أو إيميلك أو إيميل خويك كان كرهت نفسك)

قلتيلي أنساك ومن يومها وأنا كل ليلة قدامي البرواز says:

مليهمني (هييييين)

واحد زهقاااان بقووووة says:

قول لخويك هذا إني سويتله خدمة وفضيتله إيميله (خووووووش خدمة)

قلتيلي أنساك ومن يومها وأنا كل ليلة قدامي البرواز says:

ازعط قد فتحه (أكيد بدام تارك إيميله مفتوح معناته ما يبغى الإيميل)

قلتيلي أنساك ومن يومها وأنا كل ليلة قدامي البرواز says:

والله من يوم عرفته مافتحه الا مره وحده

واحد زهقاااان بقووووة says:

واضح لأنه كل إيميلاته دعايات

واحد زهقاااان بقووووة says:

هو حفلة صاحب الإيميل؟

قلتيلي أنساك ومن يومها وأنا كل ليلة قدامي البرواز says:

يكون حفله بس مايكون زيك (وصلللللللت وياه من جد غثيته)

واحد زهقاااان بقووووة says:

طبعا ما يكون ذكي زيي صح ( :D )

قلتيلي أنساك ومن يومها وأنا كل ليلة قدامي البرواز says:

اي انشاءالله

واحد زهقاااان بقووووة says:

بس بصراحة صوتك يوم كلمتك يضحححححححححك

واحد زهقاااان بقووووة says:

صوت واحد يضحك بقوة (أو بالأحرى صوت إنسان مبعوص بعصة قوية)

قلتيلي أنساك ومن يومها وأنا كل ليلة قدامي البرواز says:

والله صوتك صوت واحد مصري (يكون مصري بس ما يكون صوت واحد مبعوص :P )

واحد زهقاااان بقووووة says:

شدعوه

واحد زهقاااان بقووووة says:

انت قولي إيش فيك معصب (بعد كل هذا ويسأل بعد والله إني باااااارد)

قلتيلي أنساك ومن يومها وأنا كل ليلة قدامي البرواز says:

وانت وشفيك مقهور من صاحب الايميل (يدافع عنه)

واحد زهقاااان بقووووة says:

أنا مو مقهور لكني مستغرب واحد يترك مسنجره مفتوح وفي مقهى بعد (والله مهزللللله)

قلتيلي أنساك ومن يومها وأنا كل ليلة قدامي البرواز says:

طيب المهم

قلتيلي أنساك ومن يومها وأنا كل ليلة قدامي البرواز says:

وش تبي (أبي ريال)

واحد زهقاااان بقووووة says:

ولا شي زي ما قلتلك زهقاااااااان (والله من بعد ما كلمتك طار الزهق مني)

قلتيلي أنساك ومن يومها وأنا كل ليلة قدامي البرواز says:

زهقان

واحد زهقاااان بقووووة says:

ب


The following message could not be delivered to all recipients:

ب


هنا انتهت قصتي مع المسنجر المفتوح
وحتى لا نخرج من القصة بدون شي هذي فوائد وعبر منها:

1- عدم ترك أو نسيان المسنجر مفتوح أو الإيميل مفتوح.

2- عدم إعطاء رقم الجوال أو أي رقم مثل الباسوور ونحوه لأي شخص على المسنجر.

3- إذا كنت إنسان مبعوص فحاول قدر المستطاع أن تنهي البعصه ولا تكن مثل هذا الشخص المذكور في القصة حيث أنه استرسل في الحديث (فهمتوا شي).

4- إذا وجدت إيميل مفتوح أو مسنجر مفتوح فاستغل الوضع وحاول أن تحفل بضحيتك قدر المستطاع.

5- حاول قدر المستطاع أن تنشر البعصه حتى يكره ضحيتك نفسه ويتعقد وتجيه حالة نفسية.

تحياتي لكل إنسان مبعوص
أبو بويسم

[أبو بويسم]

لمزيد من المعلومات هذا إيميل صاحب المسنجر المفتوح:
alter_alhazen2020@hotmail.com

[شهد الحزن]

الله يرجك رجاً كما يرج البيبسي
والله انك حفلة ضحكت من كل قلبي
من جد حلوة يعطيك العافية

[أبو بويسم]

الله يعافيك أخوي شهد
وإن شاء الله محد يصير له موقف زي الي صار لأخونا المبعوص

[؟ المجهول ؟]

مشكور يا أبو بويسم

فعلاً بعصة قوييييييييييييييييية


تحياتي :::-

؟ المجهول ؟

[أبو بويسم]

مشكور أخوي المجهول على الرد

[الولهــــــــان]

يعطيك العافيه ابو بويسم

بس اصراحه حركات مالها داعي
حركات واحد مايقدر معنى احترام لااخرين ا ومعنى احترام الخصوصيات

بس على فكره في قاعده اتقول
(يوم لك وعشره عليك )

وارجو انك تاخذ كلامي بروح اخويه
وشاكرلك

[حسن99]

مشكور يا أبو بو وسيم على القصة المضحكة بس المفروض تحطها في موج الديوانية لان هذه مضحكة بس موضوع حلو يستحق التثبيت

تحياتي

[أبو احمد]

ههههههههههههههههههههههههههههههه

الله يرجك ابو بويسم بس يعطيك العافيه ما قصرت


مع تحيات/أبو احمد

[قمرمنور]

:D
:D
:D

يسلمووووو على الموضوع الحلووو

ونفس التعليق ان على الواحد ما ينسى

الايميل مفتوح فى اى مكان حتى لو فى البيت

لان يمكن مره تكون كاتب شىء خاص وما تبي احد يقره

فالحسن اغلاق الماسنجر ....

قمرمنور :lnlovee: