شوفوا ... النساااااااااااااااء !!!

[نزف الحرف]

http://images.clipartof.com/small/14455-Upset-Blond-Cowgirl-Holding-Her-Arm-Over-Her-Forehead-And-Crying-Tears-Of-Sadness-Clipart-Illustration.jpg


ثأر امرأه
دخلت امرأة إلى الدكان لتشتري الأغراض وعند المحاسبة فتحت الحقيبة ولاحظ البائع ريموت التلفزيون في حقيبتها واستغرب وسألها لماذا تضعين الريموت في حقيبتك قالت زوجي من المفروض أن يأتي معي لشراء الأغراض ولكنه رفض ليتابع عده مباريات موجودة على عده قنوات معا فلكي أثأر لنفسي أخذت الريموت معي للتسوق بدلا من زوجي فلن يستطيع متابعه المباريات جميعها براحه كما خطط


http://images.clipartof.com/small/13911-Pretty-Redhead-Businesswoman-Sitting-In-Front-Of-A-Laptop-Computer-Clipart-Illustration.jpg


زوجه ذكية
الزوج يقرأ لزوجته معلومة ويقول لها هل تعرفين أن المرأة تنطق 30000كلمه في اليوم بينما ينطق الرجل حوالي15000 فقط أجابته قائله هذا صحيح لأننا النساء نضطر دائما لاعاده الكلام مرتين وثلاثة للرجال حتى يستوعبو
.والأدهى من هيك انو زوجها رد عليها بقوله شووووو ؟؟؟؟
يعني لازم تعيد اللي قالته


http://images.clipartof.com/small/209557-Royalty-Free-RF-Clipart-Illustration-Of-A-Beautiful-Pisces-Womans-Face-With-Fish-In-Her-Hair.jpg


زوجه جميلة
سأل الزوج زوجته :لا اعرف كيف تكونين بهذا الجمال وهذا الغباء في نفس الوقت
أجابت : لقد جعلني الله بهذا الجمال حتى تجتذب لي
وجعلني أيضا بهذا الغباء حتى أعرفك واجتذب بك


http://images.clipartof.com/small/12087-Clay-Sculpture-Of-Woman-Yawning-Clipart-Picture.jpg


علاج الصمت
تشاجر رجل مع زوجته ,, وقبل أن ينام كتب لها ورقه بأن توقظه الساعة الخامسة من اجل موعد رحلته ...وفي اليوم التالي استيقظ في الساعة التاسعة صباحا مثل المجنون ,,
ووجد ورقه بجانب مخدته كتب عليها هيا استيقظ الساعة الخامسة الآن

[ذيبان]

نزززززف
من طول الغيبات جاب الغنايم
واشوفك جيتي بغنيمه

انا ما راح اتكلم الا بعد ام غيث وميسون
حتى لا يقولون اني متحامل على اللون الوردي

انا قريت الموضوع وشفت نوع المكر والدهاء
ولكن التعليق اخليه في وقت اخر

من رأيي لا تغيبين
حتى نسلم من مواضيع تصرعنا

سلمتي وسلم قلمك

[نزف الحرف]

ما سمعت بالمثل اللي يقول

( ما ابطى السيل الا من كبره )<<<<<<< فيضان مو سيل

تصدق عااااد

اموت في حركااات الاكشن

اثاريك يا ام غيث جبت العيد فيهم

والا ميسون تعجبيني <<<<<< احلى يا قوية

انتظر ردك انت وباقي الحزب

وابشرك بعد مسافره اخر الاسبوع <<<< نذله :icon2:

فتك بعافيه

[ميسون]

نزووف يا حلوة المنتدى

ما عليك من ذيبان

يقول في انتظار تعليقاتكم

هو مش قادر يرد هو والحزب الحاكم

بعد موضوع قصة حب قصيرة أعلنوا استسلام سريع

وموضوع لحياة زوجية سعيدة لكبار السن ما قاموا يردون

أقولك هم ترى ظواهر صوتية مش أكثر

ولا تخافين ولا على بالك
كل القوات الناعمة وراك
وفي صفك

وبعدين هالموضوع ما في شي

عندنا مثل يقول " اللي يدق الباب يتلقى الجواب "

ترى كل الحريم اللي ذكرتيهم غلابة

مين البادي في الحالات السابقة

الرجاجيل

بيستاهلوا بصراحة

وبعدين باعترافك انت يا ذيبان قلت مرة انه في رجال ما يمشون الا بالعين الحمرا


http://1.bp.blogspot.com/_ZQqX6vanNls/Sj8D0sVF0lI/AAAAAAAAABc/G-SiFZEl2h0/s1600-R/Red%2520Eye%2520Macro.JPG

كبرت الصورة علشان نخوفهم يا نزووووووفة


وهالحريم فهموا هالكلام وطبقوه

ليش نزعل منهم بالله

انا مبسوطة منك يا نزووووووووووفة ولا عليك من حد

[نزف الحرف]

:smii52:هلا ورحب ومليون مسهلا

ميسوووووووووون معي وفي صفي

لا لا من قدي ؟؟؟

شوفي ميسووووو ترى هالمودمي <<<<< اللي هو آنا ماعليه من حدى

<<<<< اووووووووووم الثقة :smii52::smii52:



تصدقين ميسون اني خفت من عينك الحمرا ... بسم الله على دمي ودسميmwaaj1998

شوفي ترى هالموضوع لصاااااااالحنا مو ضدنا بنوب <<<< قلبت سوريه:lllolll:

هذي بعض الطرق للتعامل مع الزوج

وبصراحه عجبني ( علاج الصمت )

ياللا مازلت انتظر قلب الملوك بالذات والليث

تسملين ميسون على هالوقفه وخليك معي دائما

صدقيني بتكوني رابحه دووووووووووم

فتكو بعافيه

[الليث]

الكتاب باين من عنوانه

شوفواااااا النساء

هذي فعايلكم وهذي سواياكم

الأولى تحمل كل أنواع الحقد في الدنيا وأخذت الريموت كنترول

والثانية لا تحمل معنى الأنوثه وترد الكلمة بعشر مع زوجها

والثالثه ناكره للجميع ومتعاليه على زوجها ومغرورة

والأخيرة مستحيل تكون أحسن من زوجها

نعم شفنا النساء هذي سواياهم وهذي تصرفاتهم

بينما الأزواج

الأول .. يبيها تآخذ راحتها بالسوق وتتمشى على راحتها وتآخذ الي تبي وتشوف الي تبي ولو راح معها السوق قالت أذاني غربلني (حلوه غربلني) ما خلاني اشوف شي

وإذا خلالها تروح لحالها تحلطمت

لا يعجبها العجب ولا الصيام برجب

الثاني .. يبي يسولف معاها وهذي المعلومه قراها وبحسن نيه قالها لكن الي بطنه ريح ما يستريح والي على راسه بطحه يحسس عليها

الثالث .. حب يختبر زوجته بسؤال صعب ويعرف أدبها في الرد الدوبلماسي لكن اكتشب إنها مدب ولسانها سليط وصدق من قال الملافظ سعد

الأخير .. مع أنها غاثته ومعكره مزاجه لكن حب يحسسها إنه ما يستغني عنها لكن أكدت له إنها ما تستحق يعني ما حك ظهرك مثل ظفرك فتوال أنت جميع أمرك

وابشرك يا نزف الحرف أنتي والشلة الي معاك شفنا سوايا النساء وما خفي من ظلمهم ومصايبهم وتسلطهم كان أعظم

وايضا ابشرك خوذي راحتك في هذي الحرب لأني طالع إجازة

وقلب الملوك مشغول جدا الفترة الجاية

يعني كان الله في عونك يا ذيبان .. وما اقدر اقول إلا شي واحد

فطريقك يا أبتي مسدود مسدود

سلمتم لنا دوما

[قلب الملوك]

احم احم احم

انا وصلت بس بدون اسلحه ولا جنجره (هههههههه)

الهدوء الذي يسبق العاصفه

نزف كل ما قلتيه عن النساء انا معارض له من الدرجه الاولى
لان في بعض النساء بلسم على الرجال
واعتبر موضوعك تلفيق للعنصر الوردي على قولت الذيب

لكن نزف
موضوعك هذا اعتبره رد اعتباره لموضوعك شوفو الرجاااال
وهنا اصل لمعنى واحد انه عندك(..................)
وهذا اعتقد يكون في صالح الجنس الخشن وفديت الجنس الخشن
يدلع ويدلل واوامرك طلبات وكل هذا والجنس الوردي مب عاجبه العجب
واعتبر هذا كافيه حتى نتفرغ لاجازة المدير

ميسون
نحن نراقب تحركات الاعداء عن كثف هذا للعلم فقط

ذيبان
لاتخاف ان كان الليث مشغول
فانا موجود لا يهمك شي
سر وانا امامك وعن يمينك وعن شمال ومن خلفك
راح تجدني اصد عنك كيد الاعداء
وانا كانو بالون الوردي
وياطر جيبي من الون الوردي:eh_s(6):

[نزف الحرف]

حياك الله قلب الملوك

بس تعال ومن قالك ان هذه الصفات تتعارض مع النساء

بالعكس هذي في صفنا

شوف كيف تثار المراه وكيف تستخدم ذكائها

فوق انها رومنسيه ( ذكية )


بعد فيه شيء ثاني وايش سالفة هالقوس(..................)

ترى فكري ودى وجاب وبعدين اسيء الظن فيك <<<<<< يا خطيره انتي

وميسون انا معها حتى لو ما رديت على مواضيعها

انا بس احتاج شوية تفرغ <<<<<<<<<< مره مهمه

المووهيم

لو تحوط ذيبان من كل جهه منت بناجي منها انتي واياه

وشد حزامك يالدب مو تطره ههههههههه

سي يو

[نزف الحرف]

يوووه نسيت ارد ع الليث

راجعه .. راجعه الله لا يعوقني بشر

برب

[ميسون]

والله الصراحة الشباب يتحلطمون على الحريم اللي في الموضوع

وأنا أشوفهم مظاليم

وحدة زوجها تاركها تقضي حوايج البيت وهو راز الوجه يشاهد المباريات

أصلا انا شايفتها لطيفة انها بس خذت الريموت ما سوت أكثر من كذا

والثانية زوجها يقولها يا غبية ايش بتسوي بالله
لازم بترد عليه

في بني آدم محترم يكلم الجنس الناعم بهالطريقة
وبعدين انتم لو صاحبكم مخاصمكم وكتب لكم رسالة ما يبي يكلمكم ويش بتسووون

يا ما تردون يا بتكتبون انتم بعد رسالة

فترى التصرفات كلها منطقية وسليمة


وبعدين يا قلب .. ايش موضوع الدلع اللي تدلعونه اياه
وايش علاقته بالموضوع
:203::203::203::203:

على كل نزووفة اثبتي على موقفك ولا عليك منهم

[ام غيث]

حياك نزوفه وش ناويه عليـه بعد يابنت الأجواد ..


اكيد هذا الموضوع المقصد الأول والأخير منه ( التأكيد )

بجانب التنبيه ..وإياك ِ اعني واسمـعي ياجارة ..


//


اثاريك يا ام غيث جبت العيد فيهم


بيني وبينك مادريت ان الشعيب يسوي ذا السوايـا .!

فـ بسكت أحسن لي مع قنـاعتي التـامة بأنه لايزال ( البقاء للاقوى ) والوردي الفاقع أثبتها

وبالأدلـة . على رغم ان هناك من قلبها في صالحهم ومن بـاب التمويـة والتستر على

خبث نواياهم وشدة ( انفقاع مرارتهم منـا ) إلا ان ذلك لا يبرر نهائياً ولا يثبت مدى صحة

تأويلـهم وإنكارهم لأؤلئك الجنس الحسن واللطيف في تعامله والذي يأبى في الوقت

نفسـه (أن يداس له على طرف )

يؤدي بانكسـار انوثته وشمـوخه . وينـاضل من اجل بقاءه واثبات حقـه في الوجود

وخوف ً من انقراضه على يد تلك الفئـه الماكرة ، النـاكرة، و الجاحدة .




( الله يسامحك يانزف وش خليتني اقول حسيت اني واقفة على منصة محكمـة ) .!





شـاكرة لكم

[نزف الحرف]

عدنا يالليث

اسلم اسلم يا راعي النوايا الحسنة

اهنيك بصراحه على براعتك في التعبير وصوغ العبارات البراقه

والكلمات الرنانة ذات الوشاح المبطن <<<<< يمديكم ع التعبير

مدري ليه ردودك تضحكني احسك متنرفز حدك

انت روح استمتع الحين باجازتك ويحلها حلال

والكلام السابق ذكره لا يبت للواقع بصله

ابك انتم <<<<<<<< والا ماني قايله

عصبت البنت

وقلب ازهله

وذيبان مقدور عليه <<< قويه

ياللا ننتظرك ترجع سالم وبالغنايم

[نزف الحرف]

ام غيث

مرحبا السااااع

ماني ناويه على شيء بس ( لا يصح الا الصحيح )

حبيت احط النقط ع الحروف

بس هم مو راضيين يعترفون لكن تدرين اني صدت صيده اليوم

واعترااااااااااااااااااف صريح وخطير

اصبري بس خليني انسخ كلمه قالها قلب الملوووك

وربي اني فرطت ضحك

قال رومنسي قال

شوفي موضوع ( الحب الحقيقي ) بالمنتدى العام وهذي العباره

(وانا عن راي عش مثل ما انت بحبك وطيبتك وكن مثل ما انت
لا تبخل بمشاعرك اتجاه الاخر والعكس
حينها لا يحتاج ان تقرأه عن كيف تكون الرمنسيه ولا ان تتعلم
لانها موجوده في داخلنا لكن نحن من يضها في خزانة القلب ونقفل عليها
وما تطلع الا بالعافيه)

<<<<<<<<< بدري عليك قلب الملوووك ترقعها خلاص راحت عليك

تدرين يا ام غيث ان محرابتس يعجبني

ع المححححححححححك هههههه

ياللا وروني يا عصابة النينقا

[قلب الملوك]

ياكثر هرجكم وايد حشى اذاعتكم ماتسكر 24 ساعه
مايلامون منك الرجال كلن حاطه السانها على سير جري
اعوذ بالله من شر قد اقترب
عندكم السان اسبير استخدمه وقت الحاجه
المهم نزف
ردي كان اقوى من رد الليث ونسيتي اتردين عليه
حركات معروفه ومدروسه
بس اقولك شكلك ماعاد اتجمعين
وعندك المخ ضرب يبالك رجال يضبط اسلاك مخك من جديد
واما عن النقط اذا فهمتيها ارجوك قولي ايش اقصد
لان ما اعتقد تفهمينها(( رووووووووووح ياقلب والله شكلي بدمر الون الوردي))
المهم نزف اخذي موقف خليني اشوف ميسون ايش عندها
شكلها في مشكله لازم انحلها لها

ايو ميسون تفضلي للعلاج

الدلع طال عمرك مستخرجه من قلب الرجل
فاذا كان الون الوردي ناقصه دلع طبعا الزوج او الاب
يدلعونهم وبعدها يكتمل عندها الدلع الزائد الغير مرغوب
والله يصبرنا عليكم

ايه راسب على ايش يحافظ
كلي ذكاء ومحد يرسبني الا الي ((طووووووووووووووط) ممنوع من النشر
خوف على مشاعر الون الوردي وهذا بعد اسلوب من الدلع


نرجع لنزف
انا قايل عن النقط عندك(.........................)
جايبه رد علي اونه اعتراف حقيقي لي
عزيزتي افهمي معنى ما اقوله كل الطرفين عندهم رمنسيه
موجوده في خزانة القلب
والله تعبت وانا اشرح لك وافهمكم
قال تيس قالو لي احلبه
قلت ديك قالو لي نبي سندويش بيض
ايش اسوي بمعري معاكم
لكن راح استحملكم اكراما لمنتدى صدى الامواج


ام غيث
انا اعتبرك مثل الابطال فالافلام الهنديه
دوم البطل يطلع اخر الفلم
والي بذبح البطل اخوه الحرامي
وتقول له امه نهي ((نهي بالعربي لا لا لا))
هذا اخوك وبعدها ينتهي الفلم بموت البطل وعاش الحرامي
وتوته توته خلصة الحتوته

الى القاء فالجزء الثاني:icon2::icon2::icon2::icon2:


وان شاءالله محد يزعل بس

[نزف الحرف]

بل .......

يضحك بلساني ما شاف لسااااااااانه

ويبي اسبير بعد ما يحتااااااج عليك لساااان مدري وايش يبي

(ردي كان اقوى من رد الليث ونسيتي اتردين عليه)

اللي كتب الجمله هو اللي ما يجمع اجل ردك اقوى من الليث

قصدك العكس <<<<<< هذي وحده

تصدق :من كثر بربرتك ما عرفت ارد عليك

لكن الظاهر ان اللون الوردي جاب اجلك

ياللا رااااجعه بالحزء المليون لو حبيت

[ميسون]

نزووووووووف .. كأنك حطيت مشكلة كبيرة قدام قلب الملوك

الحين لو قال ردي أقوى وأكد معناه بيخسر الليث - طبعا بفضل وسوستنا -
واذا قال الليث رده أقوى بيظهر ضعفه في الرد علينا

ياللا نشوف ردك يا قلب ؟؟؟؟

[قلب الملوك]

نزف وميسون

اسمعو زين ما زين

امس انا والليث متعشين مع بعض وشاربين شاي
وسوالف وضحك وعلوم طيبه على الاخر
انا امون على الليث وهو بعد يمون علي
واذا تبون اتدخلون الفتنه العبو ابعيد عن الثلاثي في قلب واحد

وبنااء على المصلحه الانثويه وخوف عليهم من الانقراض
ومما اراه امام ركوك ردودكم ((على فكره عاجبني الحرف الكاف فالجمل))

سوف نرفق بحال الجنس الناعم وخوفا على خشونته
سوف ننهي الحرب ابشكل ودي واخوي
حتى لا يدخل الشيطان ويخرب الاولى على التالي
وكل خوفي نبداها بمزح وضحك وطول السالفه
ومن غير قصد سوا مني ولا من غير يبدا الزعل بينا
والله لايجيب الزعل يارب ودوم انكون اخوه متحابين
انا الا امنع الحركشه بس ابشكل معقول ولا يطول الموضوع
والله حفاظا على الاخوه والاحترام والطيبه الي تربطنا

هذا ما عندي
وان زعلت احد ارجو منه السموحه
واذا مارضى يجيني وانا اعتذر لها امام الجميع

[ذيبان]

؟؟ وش اقول فيك ؟؟

قلبك يا قلب كبير ياكبير
قلب صافي ومعدن رائع

ولكن وش تبيني اقول
للعنصر الوردي


-------------------------------
7
7
7

مدي يدك واشربي

http://images.abunawaf.com/2005/06/NaiF_10.jpg


وينك يا العنابي تنقذها
7
7
7

http://images.abunawaf.com/2005/06/NaiF_15.jpg




فيه وحده تستعمل السير من بنياتنا ؟؟؟؟
7
7
7
http://images.abunawaf.com/2005/06/Mgroodh.gif


يازين الوردي على الحلوين
7
7
7
http://pic.jeddahbikers.com/data/media/5/old-smoking.jpg

اللهم حوالينا ولا علينا
يا ساتر استر

[نزف الحرف]

قلب الملوك يسلم راسك

الدعوه مزوج تجي وتروح

والله مافي خاطري مقدار ذره

والله يديم المحبه بينك وبين اصحابك

مجرد نتسلى ونطلع من جو الروتين

اما ذيبان

عجبتني الصور مررررررررره

خاصه اللي تلعب ع السير

واخر صوره الزززززززززحف على اصوله

ولا تعليق

دمتم بحفظ الله