عندما يدخل الرجل المطبخ !!

[ميسون]

http://www.fox-sy.com/up/pic/a4b2c62c03.jpg

[نزف الحرف]

وربي صحيح وبقووووووووووووووه

اصلا الرجال لو يصلح كاسة شاي طلع اغراض المطبخ كلها

ميسون

صايره تضربين في الصميم ههههههههههه

تسلمين يااارب

[ميسون]

نزووفة .. ترى افتقدناك الفترة اللي غبتيها

حمد الله على السلامة

ترى والله اني حسنة النية في وضع الموضوع

لا توهقينا مع الأزرق :eh_s(6):

يعطيك العافية

[نزف الحرف]

ميسوووووووو

ما تفقدين غالي حبيبتي

الله يسلمك من كل شر ياررب

كنت في رحلة لنفض الغبار وتجديد الحياة

بعدين ولا توهيقه ولاشيء <<<< تحب المحارش

اشتقت لكم وللمناوشات اللي بالي بالك

الفتره اللي طافت كانت استراحة محارب <<< ناوية شر

ع العموم

يا حبني للزرق <<< ترى تقصد الهلال

تشكرات

[الليث]

الاستاذه الفاضله ميسون

ولو ان الرسم يعتبر مبالغ فيه جدا

لكن ايضا مقبول

ومش غلط لانه مش هذا مكانه وليس ميدانه (حلوه العباره هذي)

لكن خلونا نشوف لو أن المرأة كانت في غير ميدانها تجيب الهوايل والجدار المايل ونروح مشي إلى حايل (هذي العبارة أحلا من الي قبل)

يعني من لعب في غير ميدانه يحرج حاله

ومع هذا اقول انا متأكد أن بعض (وليس كل) الرجاجيل لو دخل المطبخ يكون أحسن ترتيبا واسرع انجازا واطيب إنتاجا من كثير (وليس كل) من النساء

واكبر دليل الامبراطور

سلمتي لنا دوما

[الليث]

نزف الحرف الحمد لله على السلامة

ونتمنى أن تكون الرحله ممتعه وسعيده

وبعدين مش نفض غبار بل تجديد نشاط

سلمتم لنا دوما

[نزف الحرف]

الله يسلمك يالليث من كل شر

كانت رحلة جدا ممتعه و قضيت وقت سعيد

يلا سمها كيف ما تحب .... وفعلا كانت لتجديد النشاط

شاكره لك عزيزي

[ذيبان]

أقول يا ميسو ويا نزوووف
امسكوا ارضكم وصلوا على النبي
وما بعد الغبار الا عجاج
ترجم يالليث
اصلا لو حطيتوا كل غرض في محله ما صار المطبخ كنه ساحة سكراب
بعدين اي مطبخ تدخلوه وانتم مستعمرين الزرق من مطعم لمقهى


بالمفهوم العربي

مطابخكم ديكورات
وانتوا على الله ثم على الشيف رمزي واسامه السيد

قالوا طباخات!!!!

العب بالازرق

[ميسون]

الاستاذ الفاضل الليث ..

صدقني الرسم مش مبالغ فيه أبدا
هذا حال الكثيرين .
.وهذا طبيعي لأنك مثل ما قلت مش ميدانه ..
الأزرق ميدانه قدام التلفزيون جالس وبيده الريموت ويقلب في القنوات ...


http://www.farfesh.com/article-images/b0618162447.jpg


ففعلا ما في عتب عليه ..

وبالنسبة لأنه يوجد رجال منظمين ومرتبين في المطبخ مثل الامبراطور ..
ترى ما أقدر أقول شي ..
كلامك صحيح ..

أشكر لك مرورك وتعليقك
- اللي يحمل معاني مبطنه بس معلهش بكبر دماغي وماني رادة -

[ميسون]

أخي ذيبان ..

اول شي اللهم صل على محمد وآله وصحبه أجمعين

ثاني شي : جملة "وما بعد الغبار الا عجاج"
ما تحتاج ترجمة أعرف معناها

ثالث شي :الحين احنا مطابخنا ديكورات ..
بالله عليك اللي يسمعكم يقول دايما متلتهين بين المطاعم .. غلابه ..
اكيد احنا طباخات ودرجة أولى كمان
الحين مين يسوي لكم هالطبخات

http://www.rofof.com/img2/2rtyga13.jpg

http://t1.gstatic.com/images?q=tbn:ANd9GcTQrtcV1jt_yPclpccmiGzKunFmbAR8n OzbvmQ-PgsO4vliZrT7&t=1


http://www.sonara.net/imgs/full/corres2/70/0laz.jpg

مش احنا الورديات الغلابة
الصراحة يا الأزرق انتم آكالين نكارين

بس المعاملة مع الله شو بدنا نعمل ؟؟

[نزف الحرف]

اللهم صلي وسلم عليه

اقول ذيبان ودي يوم واحد يخلونك بالبيت بروحك

خل نشوف وايش تسوي بالمطبخ

اظن بتحط بدل السكر ملح والعكس

والله الصور مو مبالغه ولاشيء هذا صحيح

الا ما ندر

صحيح بعض الرجال يطبخ وبنفس حلووو بس تعال شوف المطبخ بعده وهنا الكلام

ندري ان فيكم طباخين ومحترفين بعد

بس ما توصلون للشيف رمزي والا اسامه

ميسووووون

وسعي صدرك يا وخيتي ترى من الغمصه اللي فيهم <<< تعرفين معنى الغمصه ... هين

ياللا اخليكم في امان الله

[ذيبان]

يا نزف طولي بالك ودي ارحب بك بعد غيبة ثلاثة شهور
لكن للاسف
كني اشوفك وانتي مع ميسو توجهون الصواريخ الورديه علينا

اقول طبخكم يطلع علينا اكثر من بيع السوق
يا ملح زايد او ناقص
يا فلفل زايد او ناقص
وفي مرات كثيره
ماصخ ماله حلاة

العيون في المطبخ
والعقل والبال مع الجوال او التلفزيون ورا التركي

بس بيني وبينك
ميسو

ظللي تحت

7
7
من اي مطعم جايبه الصور
ان كان هذي اطباقك أوطبخك
عزمت أوقف هجومي عليك
بس الكلام بيني وبينك

نزووف اطلعي منها

أشوفك

8
8

[ام غيث]

نظرة الموضوع من زاويـة آخرى /


بغض النظر عن كل الحوسـه والدوسـه اللي سواها في المطبـخ ،

كـون الرجل( فكـر) يدخل المطبـخ ويتـكرم يطبـخ هذا شي ( جميل ) .ولازم اننـا تشـجع

عليـه ..! وأكيد ومافيها شـك انه ماسوى كذا الا( انها تسـوى عيونـه )..! وحب يجدد

ويـغير شـوي في روتين الحيـاة . ويـأخذ الدور ( ويشـوف ، ويـجرب ، ويـتجرع ) ،

كيف المـرأة المسـكينـة تتعب عشـان تسـوي له الأكلـه اللي يفضلها والمشـروب اللي

يـروق له ، وكيف تتألم من جرحة سكينـة ولا حرارة نـار ..! وهذا كلـه فداء وسبـيل

لراحتـه وصحتـه .!!

فعشـان كذا ايتها المـرأة لاتنزعجي من دخول الرجل إلى المطبـخ

( ولاتنسـي الأعمال بالنيـات ) .!

ولكن


إذا شفتي عمايله مثل الشـخص أعلاه ( وباصم اصابع يده الخمسـة كعلامـة جودة )

مايمنع نهائياً انك تقفلي باب المطبخ عليه وتخليه يتحمل كل تضحيته من أجلك وعلشـان

يشوف التعب على أصـوله .


//


شـاكرة لك ِ ميسـون

[الليث]

قد يكون العقلاء في الأوساط النسائيه قليل

لكن ولله الحمد أنه مش معدوم

ويبقى هناك شعله تؤكد وجود الأمل

احييك أختنا أم غيث على عقلك

وكلامك عين العقل

ويجب أن نقدر جهود الرجل مهما كانت مزعجه ومتعبه للطرف الآخر

لان الرجل في المقابل جالس يتحمل المرأة وهي اشق واثقل من الجبل

الرجل قد يكون بدخوله للمطبخ غير معالمه ولكنه يبقى تغيير محدود في مكان محدد

لكن المرأة إذا دخلت حياة الرجل لخبطت كيانه كله راسا على عقب

ومع هذا يكون سعيد ومبسوط بهذه اللخبطه والكركبه الي سوتها في حياته

يعني الرجل كان يصحى كل يوم الصباح يلقى امه بكل سهوله ومن غير حنه ورنه مجهزه الفطور وبكل فرح وحنان تقوله يا وليدي افطر قبل ما تطلع

بينما بعد دخول الزوجه تكون صباحيته مختلفه جدا

الزوجة " قوم بسك نوم خلص افطر واطلع للدوام

مع ان الفطور مجرد كعكه يابسه وكاس حليب

ومع هذا قائمه وركزوا اللخبطه الي مستحيل صور العالم تنقلها

الزوجة : لا تنسى تجيب معاك مقاضي البيت

الزوجة : وترى بروح للمستشفى اليوم حاسه بمغص في ساق رجلي

الزوجة : ترى الغاز خلص

الزوجة : نسيت لا اقولك ترى مغسله حمام المجلس تهرب (وين مكافحه المخدرات عنها)

الزوجه : وتراني قلتلك واذكرك للمره الثانيه بنت خالي نوره والده من يومين ولازم اجيب هديه لها

الزوجة : حاسه اني ازعجتك (قمة الذوق)

خلص المشهد

كل هذي اللخبطه فقط في فترة الصباح

هذا وانا ما ذكرت لكم فترة الظهيرة وما بعد الظهيرة

والعصر والمغرب (يا زين المغرب .. الله يجيب الملك بالسلامة) والليل

كلها لخبطه وكركبه تسببه الزوجه في حياة الزوج لأنها دخلت فيها

ومع هذا ما زال كثير من الرجال متشفقين على الزواج وبكل كفاح وتضحيه وصبر وصمود

يعني وش فيها لما الزوج المسكين يحب يقدم خدمة لزوجته ويدخل المطبخ (مثل ما قلت ام غيث) ويعمل شوي لخبطه

مجرد وجهة نظر اعجبتني ورجعتني للموضوع

سلمتم لنا دوما

[ميسون]

ذيبان .. الله يسامحك
وش فيها يعني ..
ملح زايد او ناقص
فلفل زايد او ناقص
وش فيها ..
هذه مجرد حركات نسويها متعمدين ترى علشان نحسسكم بقيمة الأشياء الثانية
ويا ليت توقف الهجوم سواء كانت هذي أطباقي اولا
ترى ما فيني شدة حق الحروب ..
احنا في اجازة الربيع مفروض نهدا شوي ..

[ميسون]

أم غيث .. الله يرضى عليك ..

ترى عارفة والله الزاوية اللي ذكرتيها .. بس ما نصرح فيها قدام الأزرق

هذا بيني وبينك فقط ..

نحترم من يساعد زوجته ويقدر تعبها ولو سوا الهاويل في المطبخ .. بعد فداه

كلامك كله حكم ام غيث ..

فعلا أعجبني تعليقك - بس بيني وبينك -

شاكرة لك عزيزتي ..

[ميسون]

الليث .. الله يسامحك ..

الحين تقول الرجال" يتحمل المرأة وهي أشق وأثقل من الجبال "
قوية شوي منك ..

بس بيني وبينك .. اللي قلته عن الزوجة اللي تقول كل هالأشياء الصبح ترى صعب شوي من صباح الله خير ..

لكن بعد نفكر فيها من زاوية ثانية - مثل زاوية أم غيث -

هي قالت في الآخر :

الزوجة : حاسه اني ازعجتك

بالله عليك مش قمة الشعور معك .. تذكرك بواجباتك - صحيح في وقت مش مناسب-
لكن حاسة وقلبها معاك

بصراحة بتستحق التشجيع ..
يعني أحسن ممن تقول كل هالأشياء بدون ما تقول آخر جملة

شوف الجانب الايجابي للموضوع :eh_s(6)::eh_s(6)::eh_s(6)::eh_s(6):

لا تخلوا تركيزكم على الجانب الفارغ من الكوب

أشكر لك مرورك وتعليقك