سواليفي معي

[الأسعدي]

في ليلة من ليالي وحدتي
كنت اسولف معي
ويني من زمان ما شفتني؟
من زمان عن فرحتي؟
رديت وحالي مهتري
يعني .. ما تدري عن حالي؟
وما تدري وش علتي؟
قلبي بالمحبه مبتلي
يعشق ويفكر ويهتوي
والتفت القلبي ولقيته يحتري
يحتري أسأل سؤال ملتوي
يعرف اني أكيد منه مستحي
قلت يا قلب وش بلانا ما نهتني؟
سواد الليل من طوله ما ينتهي؟
رد قلبي وصوته بمسمعي
انا بالحب كني رضيع يشتكي
يبغى حليب أمه .. وأمه ما تبي
اصيح من همي وأعوي عوي
واكتب قصيد وكني الأصمعي
كلام مكتوب بهمي ما ينقري
من كثر همي انبرى حالي بري
تكفى تشوف لحالي طبيب حاذقي
ولا جمعوني مع حبيبي الأوحدي
اجلس معاه ساعه وعلتي تنتهي
*****
هذي كتبها أخوكم الأسعدي

[ذيبان]

مناجاة رائعه من قلم رائع

أخي الاسعدي

ابيح لك باني سأكون احد قراءك هنا
بدايه جميله

لا هنت ولا هان بوحك

[الأسعدي]

يا ذيبان حضورك وكلماتك شهادة اعتز فيها ويسعدني ان كلماتي المتواضعة نالت إعجابك

اشكرك على مشاركتك وتشجيعك لي

[قلب الملوك]

الاسعدي

ايش هذا الابداع
دام ذيبان متابع لك يابختك
نغبطك

[الأسعدي]

الغالي قلب الملوك الإبداع بحضورك وصدقت متابعة ذيبان شرف لي

لكم مني كل الشكر والتقدير لمشاركتكم وقراءة كلماتي

[ميسون]

أخي الأسعدي

فعلا فعلا مناجاة جميلة جدا ..
راقت لي ..

كلمات تعكس خفايا روح تحمل أحاسيس جميلة ..

استوقفتني الجمل الأخيرة

تكفى تشوف لحالي طبيب حاذقي
ولا جمعوني مع حبيبي الأوحدي
اجلس معاه ساعه وعلتي تنتهي



جدا جميلة ...
أشكرك أخي الأصمعي .. وأكيد سنكون من متابعينك

[الأسعدي]

الجميل هو حضورك وردك ميسون ويسعدني ان كتابتي راقت لك
اشكرك على التعليق