للبنات وبس(برعاية شهد)

[شهد الحزن]

للبناااااااااااااات...وبس!!
خطه جهنميه لكل بنت معنسه!!

الى كل سحليه ناشبة(ن) في حلق أهلها وماتصرفت مع انهم حاطين معها أختها مجانا (لترويج البضاعة المتحرجمة في البيت )
اليك عصارة راسي وبنات أفكاري أضعها بين يديك
كيف تصطادين تمساح دون اللجوء للأساليب المعهودة والسقيمة (المغازل ،الترقيم،التميلح اللي ماله سنع،الترزز بالاسواق .الخ )
للاجابة على هذا السؤال اليك مايلي :
أهم نقطة :نشني على العجوز اللي حاطة(ن) عينك على ولدها ثمن نفذي مايلي :
1-خليك مع أمك لاتروحين مع البنات وتهيبلين ماورى ماتهيبلتي اصبري عنهن كم شهر لين تتم العملية


2-امشي وانتي حاطة(ن) راسك بين كتوفك لاترفعينه أبدا حتى لو يصير كله صعارير (خلي الفكس دائما في متناول اليد ) علشان يقولون مؤدبة ومب متكبرة


3-كلمة خالة خليها على لسانك وخاصة(ن) لأم التمساح علشان تحس بنوع من التميز عن بقية العجز .لامانع تنادين وحدة ثانية بخالة علشان إذا مانجحت الخطة مع العجوز نمبر ون تنجح مع الثانية اتبعيها كخطة احتياطية (يعني ستبنة )


4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري إن المثل ماله داعي بس مالقيت غيره


5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك (جعلهم عقبك)


6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )


7-اذا جيتي بتمدين ايدك جعلها الكسر< (خربتها) اعبطي خشتك وتويجعي (مب قوة علشان مايقولون جوارة) وخلي أمك تقول :قايلة (ن) لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )


8-دايم ارتزي كأنك بالعة(ن) قصبة علشان ماينقص من طولك ولا سنتيمتر (للقصيرات)


9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق


10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة

11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن


12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم


13-في العروس لاترقصين اربضي واقضبي ارضك واعتبري الرقص عيب وشق جيب 14

-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع )
احتمال وارد الحدوث
ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها < (أمزح لاتصدقين )
الحين بتكون العجوز وقعت باالفخ
نرووووووووح للتمساح الحين :
اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا والا مايا هالي مطيراتن عقول عيالنا
وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) ادهري من مشغل لمشغل (صبغه ،فرد،تنظيف بشره،الخ) لاتخلين على روحك قاصر
ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق(ن) لنظرية اللمحة ذبحة
بعدها عاد كيف بيشوفك هذي عليك مب كل شيء بعلمك اياه دبري عمرك
بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا (البنت حوسة (مع انك طاقة (ن) كل زينك بس يعني اني في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم (اللهم ارحمه فقد كان ولدا بار (ن) بوالديه )
عاد الله يوفقك ولاتنسينا من حلاو لأني أعتقد انه بيسوى مصيبه وأخاف يحط حرته فيني العرس والكليجا واياني واياك تعلمين الولد من اللي معلمك هالعلوم تحذير :
ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى
نصيحه
رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله (فاصل دعايه للطقاقه فطومه )
تدرين ليه؟؟خوفا من سرقة الفكرة الادبية
عاد ادعي لي لأني من العطلة الصيفية اللي راحت وأنا حاطة(ن) عيني على عجيز وببدا أنسج خيوطي العنكبوتية حولها
والله يفوفقكن يابنات

اناعارف ان الشباب مللققققققققفففففف بيقرون هذا الموضوع @@عيييييب!!
منقووووووووووووووووول

[صدى الأمواج]

ها ها ها ها ها ها ها ها ها ها ها ها ها مره حلوه ............................................يازين القافة انت الي حاط الموضع في منتدى البنات اصلاُ وش مدخلك ( معك محرم ) ها ها ها

[شهد الحزن]

هاهاهاهاهاهاهاهاهاهاها معليش دخلت بس معاي اذن بالدخول من الصديقة أزهار انت معك رخصة وإلا ناس وناس

[الشقاوي]

السلام عليكم <<<<<<<<<<<<<<<<,اكبر ملقوف في منتدى امواج

معليش بس احس انها نصائح للتماسيح
مكشكورن على الموضوع وننتظر منك كل جديد

اخـــــ.الشقاوي.ـــــوك

[AZEEEZ]

يحضك شهد معطينك تصريح للكتابه بمنتدى البنات .
على فكره التمساح ذكرني بواحد .

[ازهار الصباح]

خوش افكار شهود (بحفظها بالجهاز يمكن احتاجها ) 4

بعدين تعالوا (امواج والشقاوي وبرنس الامراء) انت وش دخلكم الموضوع قالوا (للبنات وبس) يالله يالله برررررررررررررره. 46

[ضد التيار]

والله هذي نصايح تودي بداهيه========> والحمد لله أني خشيت الموضوع بعد الطرد هيهي :) راحت عليكم.

[صدى الأمواج]

اقول ازهار بلــــــــــــــيييييييييييييييييييييييييييييييييي ييييييييييييييييــــــــــــــــــــــز متى استلم تصريح الدخول:D

[حكيم الحب]

<div align="center">سلام بنات
الحقيقه مدري وش الي دخلني عندكم ... بس ممكن تسمحون لي بكلمتين ... شكرا
<span style='font-size:15pt;line-height:100%'><marquee>شهد الحزن</marquee>
الحقيقه لم أتوقعأ ن البنات للدرجه هذي طايحين بكبود أهلهم ولم أتوقع أنهم يبحثون عن التماسيح ... الا أني أجد أنك مهتمه بالعوانس أكثر من أهتمامك بغيرهن ؟؟ وهل تلك العصارة هي من رأسك أم أنه أختلط قليلاً من الزيت والشامبو والحنه المستعمله في رائسك مع العصارة كفكرة ( التماسيح والسحالي )
أعتقد أن أستمرارك في الخطط لن ينفع وهذا ما جعلك حتى تاريخه وأنتي تبحثين .. أنصحك بترك تلك الفكره وسوف تجدين الأصلح لك ... وبدل من نسج خيوطك العنكبوتيه .. يمكن نسج فستان عرسك الأن ..
<font color=#990033><font face='traditional arabic' size=4>﴿</font>حكيم الحب<font face='traditional arabic' size=4>﴾</font></font></span></div>

[حنين]

يؤيؤيؤ وش الخطه هاذي .شكلي بسوي نفس ازهار وبحفظ الموضوع :369:

[شهد الحزن]

احم احم مافي احد يقدر يتكلم علي الحين انا تحت حماية ازهار هاهاهاهاهاهاهاهاهاها




طيب حكيم جربها وشوف
شهد

[المجروح]

مــجـرم والله مــجـرم خل البنات ابروحهم الله يخارجنا باس
شهد .....اصلن انا ادخل على طول ولا احد يكلمني انا ادخل بدون ترخيص ؟؟
باي
باي باي باي .....يامجرم

[عثمان الدعجاني]

يا برنس الامراء بلاش تسرق النك تبعي اللي بالماسنجر بس انا حولته بالانجلش صار prince of princes وبالنسبه للتمساح اللي ذكرك فيه شهد الحزن عرفناه مو اهو اللي كان طاولته قدامي بالصف معنا انا وانت وشهد الحزن

[شهد الحزن]

حياك اخوي عثمان شكلك مضيع

[al3neda]

ههههههههههههههههههههه مشكوووووو عالافكار

[prince of princes]

ماني مضيع بس قلت ان برنس الامراء اكيد بيدخل على مواضيع البنات لان يحبها قلت عساه يقرا ردي فهمتني هللللا
تحياتي شهد الحزن

[AZEEEZ]

طيب يا عثمان لاتفضحنا حسبي الله عليك .

[شهد الحزن]

بس شباب
خلاس (صرنا ناعمين بسبب القسم)

[سليمان]

أقووووووووول يا شباااااااااااب
راااااااااحت علينا ،،
أنا أطالب بحذف الموضوووووووووع خخخخخخخخخخخخخخ
:) :) :) :) :)


مشكوووووووووووور
يعطيك العاااااااااااافية

[شهد الحزن]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

[معجب]

يسلموووووووووو