علموه وش يسوي مع أخته!!

[المتفائل]

تحية ملؤها الفل والياسمين .. على الشباب والشابات الحلوين وإلا اقولكم الطيبين عشان ما يقولون تتغزل بالبنات ..

تكفون يا جماعة الربع عندي قضية حيرتني ودي لو تشاركوني في حلها تكسبون ثواب في أخوكم الضعيف ..

الحكاية من البداية ... في واحد يشتكي من أخته حالته معها حالة والسبب أن أخته طبايعها عجيبة غريبة وفيها شيء من العواجة (ما تقرب للعواجي مجرد تشابه أرقام) .. على سبيل المثال تبغى تتمشى دائما وما تبي تجلس في البيت ما لها خلق للدراسة والشغل ... طبعا أثقل شيء عليها تقولها قومي صلي أو أقرئي قران مثلا ... لا وزيادة على كذا تموت في شيء اسمه رابغ درجة والثاني معيض كفرات أو كفوري لا وطاحية هذي الأيام بنيسان عجره ... وعشر طعش ساعة جالسة عند الدش وخذلك يا قنوات مشفره ..!..! طبعا السودان واليمن (لا يروح فكركم بعيد على الفايف فاكشن أو الفايف فيوا) ... كم وكم طاح عليها أخوها وهي تغازل أو تطالع صور بطاله ... وإذا ناقشها في الموضوع تقول (((أنا حره))) (((أنت ما تبيني استانس))) (((أنت متزمت))) هذي بعض كلماتها .

حاول خوينا مع أخته أكثر من مره وكان يقول لها (((أنا ابي لك الخير))) (((أنا أخاف عليك))) (((أنا أبغى أحميك))) وأخته اذن من طين وإذن ماأدري من إيش ... (نستنا الله يصرقع راسها) المهم حاول حاول ما في فايدة البنت تبي الطلعة تبي الفرفشة تبي الأغاني هذا غير التتن والشيشة وخلافه من لوازم الدشرة هذي الأيام ...

طيب تقولون وين المشكلة تراك سندرت روسنا أقولكم الحين ..

وش تنصحون هذا الأخ مع أخته هل يخليها على قولة خوالي البرازيليين تمشي على حل قذلتها (مسويه كاريه) أو يغصبها عشان تسمع كلامه وتطيع أوامره ... وش يسوي معها خاصة هذي الأيام طايحتلك سوالف في الشات وتبادل صور (أكيد مش صور قديمة للكعبة سنة السيل) ... تكفون يا الأجاويد الفزعة..!..!..!

ملاحظة ... آخر موعد لأستلام الإجابات والمشاركات يوم السبت بعد المسلسل السيريلانكي إلي يجي في قناة تَسَتَّري .

[ضد التيار]

والله يا خوليو :)(تقول خوالك برازيلين) هذا الموضوع يبي له جلسة بس مو جلسة طرب;) لا يبي له يختار وقت مناسب تكون فيه أخته مروٌقه ويدخل لها باسلوب حلو (بعض الناس يهاوش) ويكون أسلوبه فيه نوع من الليونه(مش المياعه) يعني ينصحها بالطيب ويحاول يقنعها بأن اللي قاعده تسوي حرام وغلط وأنه ممكن يجيب لها المشاكل و ما في مانع يجيبلها بعض القصص والسواليف اللي ان شاء الله تهديها الى طريق الصواب واذا ما أقتنعت يحاول مرة واثنين اهم حاجه انه ما ييأس واذا ما شاف نتيجه يشوف له أنسان يكون ثقه وفاهم وياليت يكون من العائلة علشان ما يطلع الموضوع بره ويحاول معها وان شاء الله يهدينا الله ويهديها لما يحب ويرضى.
ولا تنسى انك تطمٌنا عليها ونحن بالخدمة.
تحياتي

[صدى الأمواج]

اشوف انا ما انكر اني مريت بالمرحلة هذي مع ... بس أخوي تبي الشغل الصح .. عليك بالأشرطة الدينية .. مواشرطة محضارات .. تضيع النفس واتقول وش يبي هذا وش جايبلي حسبتة شريط سامري لا اشتر لها قصص من الواقع عن بنات كانو صايعات وش صار فيهم وهتدو ..مثل شريط قصص لن انساها .. مرة حلو عرفت قصدي واذا تبي اشرطة حلوه ترى امواج حاضرة ارسلة لك على بالصاروخ الي في كراج بيتنا .. :D


تحياتي::> حيو

[ابو عبد الله]

<span style='color:blue'><div align="center">عفوا :D
هل الموضوع جاد ؟</div></span>

[المتفائل]

<span style='font-size:13pt;line-height:100%'>وأخيرا خلصت الحلقة 861.5 من المسلسل السيرلانكي ((حب في عشة الحمام))

والآن لن نستقبل أي إجابة أو مشاركة في هذا الموضوع ...

أيها السادة الكرام ... اسمعوا وعوا ولا تسرحوا ... لم تكن القضية تتعلق بأخ مع أخته بل القضية أقرب من هذه العلاقة ... إنها يا سادة يا كرام ويا سيدات يا فاضلات (حلوه فاضلات) مشكلة كل شاب وشابة في هذا الوقت مع نفسه نعم ...... مع نفسه


الجميع يعرف أن النفس أمارة بالسوء إلا ما رحم الله وهي حريصة كل الحرص على الكسل والخمول والترف والملذات والشهوات ...

هذه النفس تريد أن تنظر إلى كل شيء وخاصة ....... وتمسع كل شيء وخاصة ..... لكنها لا تريد أن تلتزم أو تحافظ على الصلاة والطاعة والعبادة فهي أثقل شيء عليها كحال تلك الفتاة في المثال السابق .... ولكن العقل والفطرة السليمة الموجودة عند كل واحد منا ولله الحمد (وهي الأخ في المثال) ينهاها ويزجرها ولكنها في أحيان كثيره لا تسمع ولا تطيع ...

ولقد جاءت الإجابات سواء هنا أو في منتديات أخرى متفاوته فمن قائل

القسوة والشدة ...

ومن قائل الليل والمسايسة كما ذكر ضد التيار وأمواج ...

ونقول كل واحد أدرى بنفسه فتعامل معها مثل ما تحب بس أنتبه لا تجرك هي وتسحبك للشر وخلك (أنت من يقود نفسه لا من تقوده نفسه) .

ولا يمنع أن تستعمل الأسلوبين مره باللين ومره بالشدة والقسوة ... مع شيء من القصص لمن صبر وفاز ولمن ركض ورى شله خربانه وصحبه فاسدة دحدر هو معهم إما في مخدرات أو دخان أو أفلام وسفرات الله يكفينا الشر ....

ملاحظة .. هذا الكلام لا يخص الشباب فقط بل حتى البنات مع أنفسهن فهل تقبل البنت العاقله المتربية أن تنجر ورى بنت خربانه تركض ورى الغزل والخرابيط ... يلعبون عليها الشباب ويتسلون فيها ويرمونها مثل العلك بعد ما تروح حلاوته ... هل ترضى البنت إلي تحترم نفسها وقبل هذا حترم أبوها وأمها بل قبل هذا وذاك تخاف من ربها وخالقها هل ترضى أن تكون لعبه بين الشباب تكلم هذا وتغازل ذاك .. وهذا ياخذ صورتها وينشرها بين ربعه عشان يقول لهم (شوفا هذي المغفلة رقم 19 تبون اسمعكم صوتها وهي تصيح ....... ويكلمها بالجوال ويقول أنا خلاص باقطع العلاقه معاك عشان اكتشفت إنك تكلمين غيري .... وتجلس تصيح وتبكي وتحلف إنها ما تعرف غيره وبعد ما يضحكون كلهم يقول خلاص أنقلعي ... صدقتك بس بعدين أكلمك ) ... هذا مشهد من آلاف المشاهد إلي تحصل بين الشباب وهم يتكلمون عن البنات ... والبنت المسكينه على بالها إنها تتسلى تسليه بريئة وأنها جالسه تضحك على الشباب وتفتخر إن إلي يلاحقونها 25 شاب .... هل تقبلين أن تكون حياتك مثل كذا أو تكون كالجوهرة التي يمنع لمسها أو النظر إليها إلا لمن يستحقها .


آسف ..... يا كثر هذرتي ما أمسك الكيبورد إلا وأسترسل في الحديث (حلوه استرسل)</span>

[حكيم الحب]

<div align="center"><font style='width=80%; filter:glow(color=أخضر)'><marquee>المتفائل </marquee>....... </font>
من القلب أرسل لك صك محبتك في الله ... وجزاك الله عنا وعن جميع أعضاء المنتدى خيراً .. وجعله في ميزان حسناتك ورفعاً لخطاياك .. جمعنا وياك الباري عزوجل في ضله يوم لا ينفع ضلٌ الا ضله .. وسامعين يقولون ........ أأأأأأأأأأأأأأأأأأأأأمين ..
طيب ... أنا بعد ما بي أكثر هذره وأنسى نفسي على الكيبوررررررررررد علشان تعبان ومالي خلق للمحاضرات والسوالف ... بس والله .......... ولهان عليكم .... تدرون ليه ... لأني أحبكم ....... وبحبكم أنا ميت ... طيب ما بي أطول وراح أدلي بدلوي معكم ... لو بكلمتين أصغار ... ممكن ......... ..........طيب شكراً بنات أولاد أسمعو وعو ترا فيه جنه ونار ... وأنتو يا بنات .......... عسى ربي يحفظكن أتركو السوالف الي مال أمها داعي ... وبلاش تسكع في الأسواق ومطيرن عقول ((اليهال)) أقصد الأولاد شفتوا وشلون خليتوا الناس تترك شغلها وبس جالسه تفهمكم .... عموماً المتفائل حبيبي أنت ... ولا تزعل نفسك أنا واثق ثقة تامه أن أكثر الشباب بدء يتحفظ في تعاملاته وكذالك البنات هداه الله لما يحبه ويرضاه ............ أسمعوا ترى فيه أغلاط أملائيه علموني ..عادي ولا عبارات مو حلوه بعد عادي ...ممكن تحذفونها ولا تنبهوني ...... بس الله يخليكم لا تمنعوني من الكتابه ........ ماشي
هذي سالفه لخوي ... المتفائل ويعطيك الله الف عافيه وهذا حسبنا بك ..
<font color=#990033><font face='traditional arabic' size=4>﴿</font>حكيم الحب <font face='traditional arabic' size=4>﴾</font></font></div>