المتفائل
08-05-2003, 10:22 AM
مساء الفل والياسمين لكل المشاركين ...
صراحة من زمان ما كتبت عشان كذا بحشركم اليوم كلام ... خبركم مكبوت (آه يا البلوت400صن ما فيها كلام كبوت) ويفضفض ...
المهم حكايتي غير وقصتي أبها وموضوعي أحلى (متأثر بشعارات الصيف) ...
لا لا الصراحة ما عندي موضوع بس حبيت اقولكم قصتي قبل كم يوم ...
قمت الصباح لا ... الفجر (خبركم الشيبان ما يخلون الشباب براحه) وإلا الشباك مفتوح واطل بناظر وإلا الجو جميل ومنظر ما شاء الله يهبل تهبيلا (الحمد لله باقي شوي عقل) رذاذ خفيف والأرض باقي عليها بقايا من ثلج أمس إلي نزل .. واطالع وإلا منارة المسجد يالله تشوفها مغطيه عليها غيمه ... شوي وإلا هذا الوالد يصيح
-يا سليم وجع (الله يقطع بليس الوالد دايم يحب يناديني بأسم الدلع سليم وجع) إلى الحين وانت نايم ....
-لا لا صحيت الله يطول عمرك بس جالس ابدل
-يالله اخلص عشان نلحق الصلاة ترى الإمام عجل الله يصلحه
-ابشر دقايق وانا جايك
والله واغسل واتوضى وابدل واطمر وإلا هذا الوالد يستناني عند الباب واروح أنا وياه للمسجد ... وإلا الشوارع من الثلج ما تبين .. بس الحق ينقال ما فيه ولا نقعة ماء والسبب التصريف الصحي ... وناصل المسجد وإلا الجماعة تارسه المسجد بس أشوا لقيت للوالد مكان في آخر المسجد وأنا صليت بره ... بعد الصلاة رحت أنا والوالد للسوق إلا العالم هذا يبيع وهذا يشتري وتسوقنا بسرعه ما ضيق صدرنا إلا راعي المحل يبي يبيع كرتون التفاح 15 ريال ... وش ذا الطمع إن زاد سعره 13 ريال لا والبناني بعد لإنه حلو (بس من بره وإلا طعمه مر) ... المهم ونمر في طريقنا وناخذ كبدة حاشي على كيف كيفكم (ما هي مثل حقت اليماني إلا بآخر الشارع الله يكرم النعمه) ونروح للبيت وإلا هذي الوالده توها تنزع الملفع وتروح للمطبخ وتجهز الفطور ما ودي إلا أنتم معاي (بس معصي تبون تشوفون الوالده الله يخليها) .
المهم يوم صارت الساعة 7:00 (بتوقيت بيتنا طبعا) وأطلع للعمل وإلا الشوارع نظيفة ما تشوف نقطة بيضة من ثلج أمس ... واشغل الراديوا إلا خبر موضوع أمس بخصوص مدير عام المرور إلي مقدم استقالته بسبب حادث البنت المصدومة ... وخبر وزير التجارة ونتائج الأستجواب إلي صار معه بخصوص المواطن إلي مشتكي على رداءة بعض المنتجات الاستهلاكية .... وإلي يظهرلي أنهم بوافقون على حكم تغريمه 2.000.000ملونين ويفصل من الوزارة لإنه هو المسؤول عن هذه المنتجات ليش يسمح لها بالدخول إلى السوق المحلية ..
المهم ما لنا في هذي المواضيع خاصة أن البلد مقبله على أمر أعظم .. خبركم المدة إلي وافق الملك أنه يعطيها للشعب لأختيار بديل عنه باقي عليها أسبوع وهو رافض رفضا قاطعا (أحلى ياللغة) إنه يبقى أكثر من كذا .. يقول أبد لازم الشعب هو إلي يختار بنفسه ... الله يكون في العون وين راح تلقى البلد أحسن منه خبرة مدري كم سنه (نسينا من طولها) وكفاءة عالية في إدارة الأزمات والملمات خاصة في عهده شفنا ملمات ولا كل الملمات ... المهم الله يعطيه العافية ويطول بعمره كمان وكمان ... :unsure:
قبل لا أوصل للعمل قلت يا ولد يا سليم مدام الساعة 7:10 (بتوقيت السيارة طبعا) ليش ما تعبي بنزين ... واصفط عند المحطة الجديدة إلى تحت الجسر عند بداية النفق وقوله
–السلام عليكم فل يا معلم
-وعليكم السلام فل وإلا ياسمين يا حلو
الصراحة الصراحة يا شباب ويا شابات .. خفت تخبرون المحطة توها جديدة وما في أحد يعبي وأغلى ما عند الواحد شرفه وعرضه وسمعته وأنا شكلي وسيم الله يحفظنا من العين والأشرار ...
-اقصد ملي التانكي بالكامل يا أستاذ
-يا أستاذ وإلا يا معلم ارسيلك على بر يا حبيبنا
من الخوف عطيته ابتسامة بنية أو خضرة لا لا تذكرت صفره وقلتله ;)
-نعم وش تقول ما سمعت (شكلي شديد)
-لا لا آسف يا الطيب ابشر دقايق بس .... حسابك 29 ريال
-إيش 90لتر بـ29ريال نهابة هي وإلا تحسبني ما أشوف العداد
-لا يالطيب اللتر 30هللة يصير حسابك 27ريال وريالين خدمات عامة .
-خذ 29ريال مع إني ما طلبت منك تمسح السيارة وتوزن هوى الكفرات بس مش مشكله الله كريم .
حاسبت وما صدقت أحرك بالسيارة الصراحة فعلا خفت على نفسي وقلت الله يكون في عون البنات لو ساقوا .... المهم وصلت المكتب وإلا هذا المدير توه يبي يسمي على الفول ..
-الله جابك يا سليمان حياك تفضل افطر معي
-الله يسلمك مفطر بالبيت مع الشيبان .. فيه العافية
-شاركني يرجال تراني عزوبي وكل مشروك مبروك
-افا يا بو ناصر وين أم ناصر عنك
-أرسلتهم لم أهلهم في الديره يغيرون جو في الإجازة وأنا الحقهم بعد اسبوع .
-ما أمدى وديتهم ورجعت
-لا ارسلتهم بالقطار
-القطار الله يكون في عونهم
-وش فيه القطار ساعتين إلا هم واصلين وكل عائلة بغرفه مستقله فيها كامل الخدمات تلفزيون وتلفون وسريرين بعد ... لا يكون تحسبه القطار القديم إلي 8ساعات ويوم سنعوه 4ساعات الله يكفينا الشر لا وكانوا يجلسون على الأرض .. والله مهزله .. ما أدري وشلون كنا صابرين ذيك السنين ... يا الله خل عنك السوالف افطر معي
-لا لا شبعان الله يسلمك عندي كم معاملة ودي أخلصها قبل لا يجون المراجعين عشان ما ناخرهم
كملت المعاملات إلي عندي وإلا هذا أول مراجع عنده تقديم على أرض وقرض مقدم عليها يوم الثلاثاء الماضي ومواعدينه الأحد يختار موقع الأرض ويوم الأربعاء يستلم القسط الأول للقرض .. ما أطول عليكم وريته الأراضي وأختار بطن شماليه مساحتها 500متر يقول عشان عياله قليل ولا يحتاج مساحة كبيره والبطن عشانه يحب الجيران ويترك فرصه لغيره على شارعين ... الشاهد أختار الأرض وعطيته موعد يوم الأربعاء الجاي عشان الشيك الأول ..
المراد من مراجع إلى مراجع ما حسيت إلا الساعة 3:45 (بتوقيت العمل طبعا) إلا وابو ناصر يناديني
-ما ودك تروح يا سليمان للبيت
-إلا يا ابو ناصر بس ما حسيت بالوقت من كثر المراجعين هذا يشكر وهذا يدعو وهذا يمدح وهذا يسولف ... الله يسهل
طلعت من المكتب ابروح للبيت وأنا في الطريق راجع وإلا هذي نقطة تفتيش ونقيب واقف أول ما وصلت عنده قال
-السلام عليكم ورحمة الله وبركاته آسفين أخوي على إزعاجك ممكن إذا تسمح الرخصة والإستمارة .
رديت عليه السلام وقبل ما أعطيه المطلوب سألته
-عسى ماشر ما هي العادة تفتيش
-لا أبد بس إجراء روتيني وإذا في أي إزعاج لك حنا آسفين
-لا عادي بس مجرد سؤال تفضل هذي الرخصة مطلعها أيام الغلى 50 ريال ... وهذي الاستمارة ومن حظي اليوم وصلت بالبريد كنت مجددها بس الله يسامحهم أخذوا علي 100 ريال عشان التجديد والبريد لو رايح بنفسي كان استلمتها 80 ريال ... بس الصراحة خل ياخذون 20 ريال أريح من الروحه والجية ..
-الله يعطيك العافية وأكرر اعتذاري عن الإزعاج تفضل في حفظ الله .
مشيت وأنا أقول ما أدري وين شايف الملازم إلي بالمسار الثاني ..
المراد وصلت البيت وعينت من الله خير وتلينت شوي بعد الغدا وإلا هذا الجوال يرن وأرفع السماعة وإلا رجال يقول
-السلام عليكم عادل من الاتصالات آسف على إزعاجك الأخ سليمان
-وعليكم السلام نعم سليمان معاك آمر
-لا يا الطيب بس في خطأ بفاتورة جوالك لإن خطك أنقطع 3 ساعات خلال الشهر الماضي بسبب خلل في الشبكة و30 دقيقة تأخير في إعادة الحرارة بعد السداد .... وعندك خصم من الشركة بسبب ضعف الإرسال للشهر الماضي فيكون لك 20 ريال من إجمالي الفاتورة 80ريال فتحب تستلم المبلغ نقدا أو نودعة في حسابك في البنك أو نرحله على الفاتورة القادمة .
-لا لا لا وش هذي اللخبطة الصراحة تعاملكم ما عجبني شكلي بغير لشركة ثانية هذا ما يصير فاتورة جوال 80 ريال وش هذي الأسعار الغالية تنهبون أنتم ... وبعدين الجوال إلي عطيتوني مع الشريحة ما عجبني فاسمحلي أنا آسف مضطر أغير الشركة ...
-لحظة يا لطيب ليش تزعل حنا آسفين وإذا على الفاتورة تراها مخصومة ورضاك هو غايتنا وإذا تبي الفاتورة تنخصم كلها ما عندنا مانع ... بعدين لازم تعرف إن سعر الدقيقة عندنا 15 هلله فقط والجوال مجاني وباقي الشركات اكثر مننا 2بهللتين الشي الثاني شركتنا أكبر شركة في المنطقة وأقواها ...
-وعشان كذا يصير عندكم اللخبطة هذي كلها ...
-لا بالعكس هذا يحصل في كل الشركات وعلى العموم الحين أخصملك 50% من الفاتورة وتصير فاتورتك 30ريال ولك عندنا 20ريال عشان تعرف إنا نسعى إلى رضى المشترك فقط .
-أنا اشكرك على هذا التعامل بس بصراحة إذا تكرر منكم هذا التصرف .. تأخير في ترجيع الحرارة ... خلل في الشبكة ... ضعف في الإرسال ... ترى أقطع تعاملي معكم واشوفلي شركه ثانية .
-لا ابدا ما يصير خاطرك إلا طيب وحنا آسفين على إزعاجك مع السلامة .
بعد هذا النرفزة والزعل قلت ما يبيلها يا سليم اتصل على شركة المياه وخضهم شوي مدامك متحمس .... ما كذبت خبر وارفع السماعة وادق على شركة الماء وامسح مريسهم ليش الموية ضعيفة وشكلها مالحة شوي .... ويرد علي موظف السنترال
-السلام عليكم مصلحة المياة سعد نعم
-وعليكم السلام لو سمحت بغيت المدير
-المدير انتهى دوامه الآن أي خدمة
-وش تقصد انتها دوامه هو مسؤول وفي خدمة المواطنين في أي وقت وأنا مواطن وعندي مشكلة تبيني استنا إلا بكره عشان حضرته يصير مداوم .
-لا ما قصدت كذا
-اجل وش تقصد علمني
-انا قصدي إذا في خدمة اقدر اقدمها لك أنا حاضر وإذا تبي المدير حولتك على جواله المصلحي .
قلت في نفسي الله يرحم قبل 13سنة .. أيام الجوالات المصلحية إلي كانت تتوزع على المدراء والمسؤولين .. هذا يعطيه حرمته وهذا يعطيه بزرانه وهذا طايحلي هذره وسوالف وعلى قوله المثل اليوناني (شي ببلاش ربحه بين) .
-معليش يا الطيب وانعم فيك بس ودي أكلم المدير
-طيب دقيقة وحده بس
-تفضل
-يا الطيب المدير معاك تفضل
-السلام عليكم الأستاذ مدير مصلحة المياة
-وعليكم السلام نعم معاك عسى ما شر تفضل
-يا أستاذ الموية عندنا ضعيفة وفيها طعم مالح وهذا الكلام ما يرضيك كمسؤول ما وضعت في هذا المنصب إلا لخدمة المواطنين .
-صحيح ما يرضينا بس من متى هذي المشكلة .
-من ساعة تقريبا .
-لا مش معقول حنا آسفين والآن اشوف وش المشكلة خلك معي على الخط .
انا جلس اتسمع وإلا الرجال أختبص يدور المشرف على المحطة إلي عندنا في الحي شوي واسمعه يمسح فيه السراميك (خلاص نسينا السجاد والبلاط) يهدد ويتوعد ما أخذت شوي إلا والرجال يكلمني .
-أنا اكرر اسفي واعتذاري لك ولأسرتك الكريمة على ما تسببنا فيه من إزعاج وما يصير خاطرك إلا طيب ويسعدني لو تشرفني غدا في المكتب عشان اتعرف عليك اكثر فراحة المواطن هي غايتنا وإذا ما استطعت ان احققها فأنا مدير فاشل في عملي وهذا لا ارضاه ابدا .
-لا لا حقيقة ما قصرت ورايتك بيضة وأنا اشكرك على اهتمامك وحرصك .
وتوني باصك السماعة وإلا ذيك الصكة على إذني اليمين فوق الخد شوي حسيت معها إن طيران إذني (كانت طبله) تسقل سقل .... وأبوي يصرخ علي ...... قم جعلك الجلطة يالسمرمدي للحين نايم الإمام اقام صلاة الفجر وحنا ما طلعنا ....
للأسف اثري كنت أحلم . :( .... بس تبون الصدق فعلا حلم ولا في الخيال ....
إلا على فكره (لا على الطاولة) تتوقعون شيء من هذا يصير
مش بعيده لأني المتفائل
صراحة من زمان ما كتبت عشان كذا بحشركم اليوم كلام ... خبركم مكبوت (آه يا البلوت400صن ما فيها كلام كبوت) ويفضفض ...
المهم حكايتي غير وقصتي أبها وموضوعي أحلى (متأثر بشعارات الصيف) ...
لا لا الصراحة ما عندي موضوع بس حبيت اقولكم قصتي قبل كم يوم ...
قمت الصباح لا ... الفجر (خبركم الشيبان ما يخلون الشباب براحه) وإلا الشباك مفتوح واطل بناظر وإلا الجو جميل ومنظر ما شاء الله يهبل تهبيلا (الحمد لله باقي شوي عقل) رذاذ خفيف والأرض باقي عليها بقايا من ثلج أمس إلي نزل .. واطالع وإلا منارة المسجد يالله تشوفها مغطيه عليها غيمه ... شوي وإلا هذا الوالد يصيح
-يا سليم وجع (الله يقطع بليس الوالد دايم يحب يناديني بأسم الدلع سليم وجع) إلى الحين وانت نايم ....
-لا لا صحيت الله يطول عمرك بس جالس ابدل
-يالله اخلص عشان نلحق الصلاة ترى الإمام عجل الله يصلحه
-ابشر دقايق وانا جايك
والله واغسل واتوضى وابدل واطمر وإلا هذا الوالد يستناني عند الباب واروح أنا وياه للمسجد ... وإلا الشوارع من الثلج ما تبين .. بس الحق ينقال ما فيه ولا نقعة ماء والسبب التصريف الصحي ... وناصل المسجد وإلا الجماعة تارسه المسجد بس أشوا لقيت للوالد مكان في آخر المسجد وأنا صليت بره ... بعد الصلاة رحت أنا والوالد للسوق إلا العالم هذا يبيع وهذا يشتري وتسوقنا بسرعه ما ضيق صدرنا إلا راعي المحل يبي يبيع كرتون التفاح 15 ريال ... وش ذا الطمع إن زاد سعره 13 ريال لا والبناني بعد لإنه حلو (بس من بره وإلا طعمه مر) ... المهم ونمر في طريقنا وناخذ كبدة حاشي على كيف كيفكم (ما هي مثل حقت اليماني إلا بآخر الشارع الله يكرم النعمه) ونروح للبيت وإلا هذي الوالده توها تنزع الملفع وتروح للمطبخ وتجهز الفطور ما ودي إلا أنتم معاي (بس معصي تبون تشوفون الوالده الله يخليها) .
المهم يوم صارت الساعة 7:00 (بتوقيت بيتنا طبعا) وأطلع للعمل وإلا الشوارع نظيفة ما تشوف نقطة بيضة من ثلج أمس ... واشغل الراديوا إلا خبر موضوع أمس بخصوص مدير عام المرور إلي مقدم استقالته بسبب حادث البنت المصدومة ... وخبر وزير التجارة ونتائج الأستجواب إلي صار معه بخصوص المواطن إلي مشتكي على رداءة بعض المنتجات الاستهلاكية .... وإلي يظهرلي أنهم بوافقون على حكم تغريمه 2.000.000ملونين ويفصل من الوزارة لإنه هو المسؤول عن هذه المنتجات ليش يسمح لها بالدخول إلى السوق المحلية ..
المهم ما لنا في هذي المواضيع خاصة أن البلد مقبله على أمر أعظم .. خبركم المدة إلي وافق الملك أنه يعطيها للشعب لأختيار بديل عنه باقي عليها أسبوع وهو رافض رفضا قاطعا (أحلى ياللغة) إنه يبقى أكثر من كذا .. يقول أبد لازم الشعب هو إلي يختار بنفسه ... الله يكون في العون وين راح تلقى البلد أحسن منه خبرة مدري كم سنه (نسينا من طولها) وكفاءة عالية في إدارة الأزمات والملمات خاصة في عهده شفنا ملمات ولا كل الملمات ... المهم الله يعطيه العافية ويطول بعمره كمان وكمان ... :unsure:
قبل لا أوصل للعمل قلت يا ولد يا سليم مدام الساعة 7:10 (بتوقيت السيارة طبعا) ليش ما تعبي بنزين ... واصفط عند المحطة الجديدة إلى تحت الجسر عند بداية النفق وقوله
–السلام عليكم فل يا معلم
-وعليكم السلام فل وإلا ياسمين يا حلو
الصراحة الصراحة يا شباب ويا شابات .. خفت تخبرون المحطة توها جديدة وما في أحد يعبي وأغلى ما عند الواحد شرفه وعرضه وسمعته وأنا شكلي وسيم الله يحفظنا من العين والأشرار ...
-اقصد ملي التانكي بالكامل يا أستاذ
-يا أستاذ وإلا يا معلم ارسيلك على بر يا حبيبنا
من الخوف عطيته ابتسامة بنية أو خضرة لا لا تذكرت صفره وقلتله ;)
-نعم وش تقول ما سمعت (شكلي شديد)
-لا لا آسف يا الطيب ابشر دقايق بس .... حسابك 29 ريال
-إيش 90لتر بـ29ريال نهابة هي وإلا تحسبني ما أشوف العداد
-لا يالطيب اللتر 30هللة يصير حسابك 27ريال وريالين خدمات عامة .
-خذ 29ريال مع إني ما طلبت منك تمسح السيارة وتوزن هوى الكفرات بس مش مشكله الله كريم .
حاسبت وما صدقت أحرك بالسيارة الصراحة فعلا خفت على نفسي وقلت الله يكون في عون البنات لو ساقوا .... المهم وصلت المكتب وإلا هذا المدير توه يبي يسمي على الفول ..
-الله جابك يا سليمان حياك تفضل افطر معي
-الله يسلمك مفطر بالبيت مع الشيبان .. فيه العافية
-شاركني يرجال تراني عزوبي وكل مشروك مبروك
-افا يا بو ناصر وين أم ناصر عنك
-أرسلتهم لم أهلهم في الديره يغيرون جو في الإجازة وأنا الحقهم بعد اسبوع .
-ما أمدى وديتهم ورجعت
-لا ارسلتهم بالقطار
-القطار الله يكون في عونهم
-وش فيه القطار ساعتين إلا هم واصلين وكل عائلة بغرفه مستقله فيها كامل الخدمات تلفزيون وتلفون وسريرين بعد ... لا يكون تحسبه القطار القديم إلي 8ساعات ويوم سنعوه 4ساعات الله يكفينا الشر لا وكانوا يجلسون على الأرض .. والله مهزله .. ما أدري وشلون كنا صابرين ذيك السنين ... يا الله خل عنك السوالف افطر معي
-لا لا شبعان الله يسلمك عندي كم معاملة ودي أخلصها قبل لا يجون المراجعين عشان ما ناخرهم
كملت المعاملات إلي عندي وإلا هذا أول مراجع عنده تقديم على أرض وقرض مقدم عليها يوم الثلاثاء الماضي ومواعدينه الأحد يختار موقع الأرض ويوم الأربعاء يستلم القسط الأول للقرض .. ما أطول عليكم وريته الأراضي وأختار بطن شماليه مساحتها 500متر يقول عشان عياله قليل ولا يحتاج مساحة كبيره والبطن عشانه يحب الجيران ويترك فرصه لغيره على شارعين ... الشاهد أختار الأرض وعطيته موعد يوم الأربعاء الجاي عشان الشيك الأول ..
المراد من مراجع إلى مراجع ما حسيت إلا الساعة 3:45 (بتوقيت العمل طبعا) إلا وابو ناصر يناديني
-ما ودك تروح يا سليمان للبيت
-إلا يا ابو ناصر بس ما حسيت بالوقت من كثر المراجعين هذا يشكر وهذا يدعو وهذا يمدح وهذا يسولف ... الله يسهل
طلعت من المكتب ابروح للبيت وأنا في الطريق راجع وإلا هذي نقطة تفتيش ونقيب واقف أول ما وصلت عنده قال
-السلام عليكم ورحمة الله وبركاته آسفين أخوي على إزعاجك ممكن إذا تسمح الرخصة والإستمارة .
رديت عليه السلام وقبل ما أعطيه المطلوب سألته
-عسى ماشر ما هي العادة تفتيش
-لا أبد بس إجراء روتيني وإذا في أي إزعاج لك حنا آسفين
-لا عادي بس مجرد سؤال تفضل هذي الرخصة مطلعها أيام الغلى 50 ريال ... وهذي الاستمارة ومن حظي اليوم وصلت بالبريد كنت مجددها بس الله يسامحهم أخذوا علي 100 ريال عشان التجديد والبريد لو رايح بنفسي كان استلمتها 80 ريال ... بس الصراحة خل ياخذون 20 ريال أريح من الروحه والجية ..
-الله يعطيك العافية وأكرر اعتذاري عن الإزعاج تفضل في حفظ الله .
مشيت وأنا أقول ما أدري وين شايف الملازم إلي بالمسار الثاني ..
المراد وصلت البيت وعينت من الله خير وتلينت شوي بعد الغدا وإلا هذا الجوال يرن وأرفع السماعة وإلا رجال يقول
-السلام عليكم عادل من الاتصالات آسف على إزعاجك الأخ سليمان
-وعليكم السلام نعم سليمان معاك آمر
-لا يا الطيب بس في خطأ بفاتورة جوالك لإن خطك أنقطع 3 ساعات خلال الشهر الماضي بسبب خلل في الشبكة و30 دقيقة تأخير في إعادة الحرارة بعد السداد .... وعندك خصم من الشركة بسبب ضعف الإرسال للشهر الماضي فيكون لك 20 ريال من إجمالي الفاتورة 80ريال فتحب تستلم المبلغ نقدا أو نودعة في حسابك في البنك أو نرحله على الفاتورة القادمة .
-لا لا لا وش هذي اللخبطة الصراحة تعاملكم ما عجبني شكلي بغير لشركة ثانية هذا ما يصير فاتورة جوال 80 ريال وش هذي الأسعار الغالية تنهبون أنتم ... وبعدين الجوال إلي عطيتوني مع الشريحة ما عجبني فاسمحلي أنا آسف مضطر أغير الشركة ...
-لحظة يا لطيب ليش تزعل حنا آسفين وإذا على الفاتورة تراها مخصومة ورضاك هو غايتنا وإذا تبي الفاتورة تنخصم كلها ما عندنا مانع ... بعدين لازم تعرف إن سعر الدقيقة عندنا 15 هلله فقط والجوال مجاني وباقي الشركات اكثر مننا 2بهللتين الشي الثاني شركتنا أكبر شركة في المنطقة وأقواها ...
-وعشان كذا يصير عندكم اللخبطة هذي كلها ...
-لا بالعكس هذا يحصل في كل الشركات وعلى العموم الحين أخصملك 50% من الفاتورة وتصير فاتورتك 30ريال ولك عندنا 20ريال عشان تعرف إنا نسعى إلى رضى المشترك فقط .
-أنا اشكرك على هذا التعامل بس بصراحة إذا تكرر منكم هذا التصرف .. تأخير في ترجيع الحرارة ... خلل في الشبكة ... ضعف في الإرسال ... ترى أقطع تعاملي معكم واشوفلي شركه ثانية .
-لا ابدا ما يصير خاطرك إلا طيب وحنا آسفين على إزعاجك مع السلامة .
بعد هذا النرفزة والزعل قلت ما يبيلها يا سليم اتصل على شركة المياه وخضهم شوي مدامك متحمس .... ما كذبت خبر وارفع السماعة وادق على شركة الماء وامسح مريسهم ليش الموية ضعيفة وشكلها مالحة شوي .... ويرد علي موظف السنترال
-السلام عليكم مصلحة المياة سعد نعم
-وعليكم السلام لو سمحت بغيت المدير
-المدير انتهى دوامه الآن أي خدمة
-وش تقصد انتها دوامه هو مسؤول وفي خدمة المواطنين في أي وقت وأنا مواطن وعندي مشكلة تبيني استنا إلا بكره عشان حضرته يصير مداوم .
-لا ما قصدت كذا
-اجل وش تقصد علمني
-انا قصدي إذا في خدمة اقدر اقدمها لك أنا حاضر وإذا تبي المدير حولتك على جواله المصلحي .
قلت في نفسي الله يرحم قبل 13سنة .. أيام الجوالات المصلحية إلي كانت تتوزع على المدراء والمسؤولين .. هذا يعطيه حرمته وهذا يعطيه بزرانه وهذا طايحلي هذره وسوالف وعلى قوله المثل اليوناني (شي ببلاش ربحه بين) .
-معليش يا الطيب وانعم فيك بس ودي أكلم المدير
-طيب دقيقة وحده بس
-تفضل
-يا الطيب المدير معاك تفضل
-السلام عليكم الأستاذ مدير مصلحة المياة
-وعليكم السلام نعم معاك عسى ما شر تفضل
-يا أستاذ الموية عندنا ضعيفة وفيها طعم مالح وهذا الكلام ما يرضيك كمسؤول ما وضعت في هذا المنصب إلا لخدمة المواطنين .
-صحيح ما يرضينا بس من متى هذي المشكلة .
-من ساعة تقريبا .
-لا مش معقول حنا آسفين والآن اشوف وش المشكلة خلك معي على الخط .
انا جلس اتسمع وإلا الرجال أختبص يدور المشرف على المحطة إلي عندنا في الحي شوي واسمعه يمسح فيه السراميك (خلاص نسينا السجاد والبلاط) يهدد ويتوعد ما أخذت شوي إلا والرجال يكلمني .
-أنا اكرر اسفي واعتذاري لك ولأسرتك الكريمة على ما تسببنا فيه من إزعاج وما يصير خاطرك إلا طيب ويسعدني لو تشرفني غدا في المكتب عشان اتعرف عليك اكثر فراحة المواطن هي غايتنا وإذا ما استطعت ان احققها فأنا مدير فاشل في عملي وهذا لا ارضاه ابدا .
-لا لا حقيقة ما قصرت ورايتك بيضة وأنا اشكرك على اهتمامك وحرصك .
وتوني باصك السماعة وإلا ذيك الصكة على إذني اليمين فوق الخد شوي حسيت معها إن طيران إذني (كانت طبله) تسقل سقل .... وأبوي يصرخ علي ...... قم جعلك الجلطة يالسمرمدي للحين نايم الإمام اقام صلاة الفجر وحنا ما طلعنا ....
للأسف اثري كنت أحلم . :( .... بس تبون الصدق فعلا حلم ولا في الخيال ....
إلا على فكره (لا على الطاولة) تتوقعون شيء من هذا يصير
مش بعيده لأني المتفائل