أبو بويسم
08-07-2003, 05:26 AM
<div align="center">قسما بالله أنواع الزهق ذا الديرة .. ياناس العالم
يستانسون فيذا العطلة وحنا انواع الاحباط ..
مدري وين اروح .. لي سبوعين وانا ابوبز عند
عتبة الباب واقعد افكر واقول وين اروح .. ؟؟
ماناقصني و أنا قاعد عند عتبة الباب إلا لطيفة
المجرن تبوبز جنبي و تقعد تبربر علي عشان
تصير العطلة 100 % ..
من جد مدري وش السوات .. كل شي حاولت
امارسه فيذا العطلة بس ما فلحت .. طوابع و ..
قعدت أجمعهن يقالي اوسع صدري أخر شي
جت شغالتنا و هاشت علي بعذرها نص الطوابع
اللي انا مجمعهن اشلحها من رسالتها و احط
بدالها صور سنتوب يقالي تمويه ..
قلت مالك يالـ؟؟؟ إلا المراسلة .. شف ذا العالم
وش عندهم راسلهم و خلهم يراسلونك ..
فشريت مجلة ماجد و كل من شفت صورته ااا
راسلته و اذا ارسل لي و قال وش انت من لحية
اعلمه من انا بكل براءه و صدق و اعطيه صورتي
لكنه يرسل لي برقية جوابية يقولي طلعني من
راسك و لا عاد ترسل لي و خذ هذا عنوان مجلة
الحياة الفطرية راسلهم .. إلا واحد ارسل لي ..
و قال ابي اتعرف عليك اكثر .. يوم واعدته عند
قيصرية اوشيقر و كنت كاشخ بثوب .. و كنادر
لماعي لاني اسمع ان الانطباع الاول هو الاقوى
لقيته جاي بسيارة مختبر ..
يوم سلمت عليه قالي الله لا يهينك ارفع كمومك
قلت له ليش قال نبي ناخذ عينة منك نلقحها
في خلية المها العربي .. يمكن يولد التلاقح
جاسم عثمان جديد ..
يعني وش أسوي فيذا الديرة عشان استانس !!
الدخان و دخنت و لا استانست .. الحشيش
و حششت و دخلوني الاحداث ثمن طلعوني
لا أخرب المساجين ..
الاسواق رحت لها .. على اساس ان الاسواق
مكان يروحون له العالم عشان يستانسون ..
و ياكلون و يتسوقون و يضيعون وقت .. مهوب
يروحون يتمشون و كأنهم براصي لو يرفع مطوع
يده يحك راسه ما ردهم الا المواقف .
ما ناقصهم إلا يقولون جو جو جو وهم ينحاشون
عشان يصيرون براصي من جد ..
بس و الله فلة شغل الهيئة .. ممكن اني
اتطوع في الصيف على اساس أضيع وقتي
و اكسب اجر .. راس مالها شماغ بدون عقال
و بشت و البس تحته جنز و بلوزة و اذا صرت
عند ربعك اقعد انصح و اذا تغيفلتهم اجدع
الشماغ و العصا و البشت و اقعد راكض
في السوق ..
هوايته يومه صغير المراكض في =====>
مجلس الرجال اذا طلعوا المعازيم ..
فكرت انا و بعض الزملاء نقضي وقت فراغنا
في الاجازة الصيفية باستئجار استراحة و لعب
الكورة .. قلنا فكرة سديدة منها نجتمع و منها
نوسع صدورنا و منها نتعرف على شباب جداد
قلنا كل واحد يقط على 200 ريال و هذي
والله الحمد تجيب لنا استراحة محترمة لأن
200 ضرب ثمانين اللي هو عددنا ياللي يبي
يقطون=16000ريال ولا احلى ستطعشر الف
يمدينا نستأجر بيت الملك فهد و نجتمع فيه ..
المهم اننا استاجرنا استراحة و صرنا نجتمع
بالثمانين وصار كل واحد من ذا الثمانين
يجيب بعض اخوياه الين وصل تعدادنا في
أحد المرات ثنعشر الف .. طبعا اللي قام
بعملية الاحصاء هي وزارة العمل جزاهم
الله خير .. جابو مندوبينهم مع مساندة
جوية و قعدوا يعدونا و اي واحد يعدونه
يحطونه في الشبك إلين يخلصون التعداد
عشان ما يلخبطون ..
المهم قلنا يا ناس ثنعش الف في بقعة
جغرافية لاتتجاوز الثلاث مية متر ماتنفع ..
ما باقي بعد إلا بعض الشباب يجيبون
أهلهم و يدفدفونهم في كراسي عشان
نصير كأننا في الحرم أجل بالله ذيك المرة
رحت المطبخ ازين شاهي يوم فتحت
الدولاب عشان اخذ السكر لقيت اثنين
من الشباب يسولفون .. و اللي قاهرني
انهم متقمصين دور صراصير أول ما شافوني
توزو تحت البيالات عاد انا قلت ابجاريهم
فشلت البيالات وهم اللي يهجون و انا
الحقهم و ابخ عليهم فليت اخر شي
انقلب واحد منهم و بدو ياكلونه النمل ..
قلت في نفسي بلاش الاستراحات ..
و الاهانات اللي تلقيتها من الزحمة اجل
بالله قد شفتوا استراحه طاقين فيها
رفوف على الجدران عشان نلقى مكان
نقعد فيه ..
فطلعنا حنا والزملاء السبعين .. من
الاستراحه ( فيه عشرة ضيعناهم مع
الزحمة ) و تشاورنا وين نقضي الاجازة
الصيفيه قالوا بعض الشباب فيه راي
وهو اننا نسافر و مثل ماقال الشاعر
في السفر سبع فوائد .. قلنا و الله
مهيب شينة بس ما معنا دراهم نسافر
قال واحد من الشباب نسافر بالسيارة
ونطق لنا خيمة ولا تكاليف ولا شي ..
فاستاجرنا باص سعة 12 راكب وسافرنا
لسوريا والباقين ركبوا فوق تندة الباص
وقعدوا يقولون لبيك اللهم لبيك عشان
يموهون على الجمارك لايشرهون عليهم
يوم دخلنا حدود سوريا وحنا اللي ننصى
الزبداني ونطق بها خيامنا و راح واحد من
الشباب وقال انا ابدخل دمشق تبون
شي ؟؟ .. اللي قال جب لنا شاهي
واللي قال قز .. واللي قال بطاطين ..
الا واحد من الشباب فاهم السفر برا
غلط فقال جب لنا معك بنات ..
المهم اننا نمنا ذيك الليلة وجت وزارة
السياحة حقتهم وقضوا خيامنا وحنا
نايمين وخذوا اشغالنا .. وقزنا ..
وعزبنا واباريقنا .. يوم قمنا لقينا ورقة
ملصقة على قزازة باصنا كاتبين فيها
والله بغينا ناخذ باصكم بس خفنا
ماتلقون شي ترجعون به لديرتكم
ونبلش بكم ..
قلنا ياولد ما تلزمنا الاهانات مشينا
بس لديرتنا فركبنا باصنا و رجعنا
للديرة و قعدنا نفكر وين نقضي
الاجازة الصيفية قال واحد من الشباب
خلونا نجرب قضاء الاجازة في المكتبات
فرحنا لمكتبة الملك عبدالعزيز و قلنا
لهم نبي ندخل عشان نقرا ونستفيد
ونفيد البلد قالوا يلعن ابوالفايدة اللي
تبي تجي من وراكم انقلعو بس ..
كنت قاعد اتذكر ذا الاحداث وانا
مبوبز على عتبة البيت وفجأة كب
علي احد موية فشهقت والتفت
عشان اشوف من ذا اللي كب
علي الموية ..
والى لطيفة المجرن ..
مبوبزة جنبي و تبتسم .. </div>
:mngool: :mngool:
يستانسون فيذا العطلة وحنا انواع الاحباط ..
مدري وين اروح .. لي سبوعين وانا ابوبز عند
عتبة الباب واقعد افكر واقول وين اروح .. ؟؟
ماناقصني و أنا قاعد عند عتبة الباب إلا لطيفة
المجرن تبوبز جنبي و تقعد تبربر علي عشان
تصير العطلة 100 % ..
من جد مدري وش السوات .. كل شي حاولت
امارسه فيذا العطلة بس ما فلحت .. طوابع و ..
قعدت أجمعهن يقالي اوسع صدري أخر شي
جت شغالتنا و هاشت علي بعذرها نص الطوابع
اللي انا مجمعهن اشلحها من رسالتها و احط
بدالها صور سنتوب يقالي تمويه ..
قلت مالك يالـ؟؟؟ إلا المراسلة .. شف ذا العالم
وش عندهم راسلهم و خلهم يراسلونك ..
فشريت مجلة ماجد و كل من شفت صورته ااا
راسلته و اذا ارسل لي و قال وش انت من لحية
اعلمه من انا بكل براءه و صدق و اعطيه صورتي
لكنه يرسل لي برقية جوابية يقولي طلعني من
راسك و لا عاد ترسل لي و خذ هذا عنوان مجلة
الحياة الفطرية راسلهم .. إلا واحد ارسل لي ..
و قال ابي اتعرف عليك اكثر .. يوم واعدته عند
قيصرية اوشيقر و كنت كاشخ بثوب .. و كنادر
لماعي لاني اسمع ان الانطباع الاول هو الاقوى
لقيته جاي بسيارة مختبر ..
يوم سلمت عليه قالي الله لا يهينك ارفع كمومك
قلت له ليش قال نبي ناخذ عينة منك نلقحها
في خلية المها العربي .. يمكن يولد التلاقح
جاسم عثمان جديد ..
يعني وش أسوي فيذا الديرة عشان استانس !!
الدخان و دخنت و لا استانست .. الحشيش
و حششت و دخلوني الاحداث ثمن طلعوني
لا أخرب المساجين ..
الاسواق رحت لها .. على اساس ان الاسواق
مكان يروحون له العالم عشان يستانسون ..
و ياكلون و يتسوقون و يضيعون وقت .. مهوب
يروحون يتمشون و كأنهم براصي لو يرفع مطوع
يده يحك راسه ما ردهم الا المواقف .
ما ناقصهم إلا يقولون جو جو جو وهم ينحاشون
عشان يصيرون براصي من جد ..
بس و الله فلة شغل الهيئة .. ممكن اني
اتطوع في الصيف على اساس أضيع وقتي
و اكسب اجر .. راس مالها شماغ بدون عقال
و بشت و البس تحته جنز و بلوزة و اذا صرت
عند ربعك اقعد انصح و اذا تغيفلتهم اجدع
الشماغ و العصا و البشت و اقعد راكض
في السوق ..
هوايته يومه صغير المراكض في =====>
مجلس الرجال اذا طلعوا المعازيم ..
فكرت انا و بعض الزملاء نقضي وقت فراغنا
في الاجازة الصيفية باستئجار استراحة و لعب
الكورة .. قلنا فكرة سديدة منها نجتمع و منها
نوسع صدورنا و منها نتعرف على شباب جداد
قلنا كل واحد يقط على 200 ريال و هذي
والله الحمد تجيب لنا استراحة محترمة لأن
200 ضرب ثمانين اللي هو عددنا ياللي يبي
يقطون=16000ريال ولا احلى ستطعشر الف
يمدينا نستأجر بيت الملك فهد و نجتمع فيه ..
المهم اننا استاجرنا استراحة و صرنا نجتمع
بالثمانين وصار كل واحد من ذا الثمانين
يجيب بعض اخوياه الين وصل تعدادنا في
أحد المرات ثنعشر الف .. طبعا اللي قام
بعملية الاحصاء هي وزارة العمل جزاهم
الله خير .. جابو مندوبينهم مع مساندة
جوية و قعدوا يعدونا و اي واحد يعدونه
يحطونه في الشبك إلين يخلصون التعداد
عشان ما يلخبطون ..
المهم قلنا يا ناس ثنعش الف في بقعة
جغرافية لاتتجاوز الثلاث مية متر ماتنفع ..
ما باقي بعد إلا بعض الشباب يجيبون
أهلهم و يدفدفونهم في كراسي عشان
نصير كأننا في الحرم أجل بالله ذيك المرة
رحت المطبخ ازين شاهي يوم فتحت
الدولاب عشان اخذ السكر لقيت اثنين
من الشباب يسولفون .. و اللي قاهرني
انهم متقمصين دور صراصير أول ما شافوني
توزو تحت البيالات عاد انا قلت ابجاريهم
فشلت البيالات وهم اللي يهجون و انا
الحقهم و ابخ عليهم فليت اخر شي
انقلب واحد منهم و بدو ياكلونه النمل ..
قلت في نفسي بلاش الاستراحات ..
و الاهانات اللي تلقيتها من الزحمة اجل
بالله قد شفتوا استراحه طاقين فيها
رفوف على الجدران عشان نلقى مكان
نقعد فيه ..
فطلعنا حنا والزملاء السبعين .. من
الاستراحه ( فيه عشرة ضيعناهم مع
الزحمة ) و تشاورنا وين نقضي الاجازة
الصيفيه قالوا بعض الشباب فيه راي
وهو اننا نسافر و مثل ماقال الشاعر
في السفر سبع فوائد .. قلنا و الله
مهيب شينة بس ما معنا دراهم نسافر
قال واحد من الشباب نسافر بالسيارة
ونطق لنا خيمة ولا تكاليف ولا شي ..
فاستاجرنا باص سعة 12 راكب وسافرنا
لسوريا والباقين ركبوا فوق تندة الباص
وقعدوا يقولون لبيك اللهم لبيك عشان
يموهون على الجمارك لايشرهون عليهم
يوم دخلنا حدود سوريا وحنا اللي ننصى
الزبداني ونطق بها خيامنا و راح واحد من
الشباب وقال انا ابدخل دمشق تبون
شي ؟؟ .. اللي قال جب لنا شاهي
واللي قال قز .. واللي قال بطاطين ..
الا واحد من الشباب فاهم السفر برا
غلط فقال جب لنا معك بنات ..
المهم اننا نمنا ذيك الليلة وجت وزارة
السياحة حقتهم وقضوا خيامنا وحنا
نايمين وخذوا اشغالنا .. وقزنا ..
وعزبنا واباريقنا .. يوم قمنا لقينا ورقة
ملصقة على قزازة باصنا كاتبين فيها
والله بغينا ناخذ باصكم بس خفنا
ماتلقون شي ترجعون به لديرتكم
ونبلش بكم ..
قلنا ياولد ما تلزمنا الاهانات مشينا
بس لديرتنا فركبنا باصنا و رجعنا
للديرة و قعدنا نفكر وين نقضي
الاجازة الصيفية قال واحد من الشباب
خلونا نجرب قضاء الاجازة في المكتبات
فرحنا لمكتبة الملك عبدالعزيز و قلنا
لهم نبي ندخل عشان نقرا ونستفيد
ونفيد البلد قالوا يلعن ابوالفايدة اللي
تبي تجي من وراكم انقلعو بس ..
كنت قاعد اتذكر ذا الاحداث وانا
مبوبز على عتبة البيت وفجأة كب
علي احد موية فشهقت والتفت
عشان اشوف من ذا اللي كب
علي الموية ..
والى لطيفة المجرن ..
مبوبزة جنبي و تبتسم .. </div>
:mngool: :mngool: