[ يــا عــالـم الحــب الكـــذوب !! ]

[S T Y L O]

هذه القصة ليست من نسج الخيال
وأي تشابه بينها وبين الواقع هو تشابه مقصود
أبطالها يعيشون بيننا .. في عالمنا الصغير .. لا زالوا يعانون .. من آثار الحب !
هذه القصة طبعا منقولة من شخص كاتب أخر وحبيت اني انقلها لكم

عندما يكون الحب .. فلا تسأل عن الاسباب ..
لا يسعك سوى أن تمجدّه، أو ربما تشتمه! .. المهم أن تعترف بجنونه ..

الحب ؟؟
أما آن لنا بأن نصدق أن الحب أعمى ؟
لا يعترف بـ حدود، أعراف، خطوط حمراء ..
من يرتكبه / يعتنقه فعلاً ،، لن يستمع لنظريات بلهاء تمنعه
لن يستمع إلا لما يمليه عليه قلبه .. وإن كان العالم بأسره ضده
قد يفعل اللا متوقع ،، هو مخطيء لكن .. وهل بيده أمام العشق من شيء؟

يا للحب .. يذل من كانت تحلق نسور عزته فوق قمم الثقة ..
فـ ليس به مكان لكبرياء .. وعزة ..

هو الحب .. أنّى شاء أن يلتهي بنا ** فسوف يكون العقل في طاعة القلب ِ
هو الحب .. لا تسأل إلام ََ يقودنا ** فـ كل محاني القلب ملأى من الحبِّ

~~~

وصلتني هدية صديقي خالد ومعها CD كنت قد طلبته منه

قمت بتشغيل الجهاز ،، وأدخلت الـ CD وبدأت في التطفل ورؤية محتوياته .. آه كلها ملفات أغاني وما إلى ذلك .. لقطات فيديو مثيرة ،، وبرامج جديدة ..

تنقلت في الجهاز حتى وقعت يدي على مجلد خاص بالمحادثات التي تتم في المسنجر ،، يا له من كنز .. سامحني يا صديقي فلا أستطيع أن أقاوم فضولي ..

~~~

خالد: يا هلا والله أم ريان
الهنوف: اهلين خالد كيفك ؟ أنت مدري وين تروح
خالد: إنتي لو تطالعين حولك بتلقيني عندك
الهنوف: بسم الله علي الرحمن الرحيم .. مو قلنا احنا كبار ؟؟
خالد: إيه وكلامنا موزون ومفهوم ماهو كلام مراهقين
الهنوف: وانت بلا زغرة وين تشتغل
خالد: أشتغل في وزارة ...... ومسؤول عن قسم ......
الهنوف: ماشاء الله .. وكم لك ؟
خالد: 8 سنوات ...
خالد: صدقيني هنوووفي يوم لقاك هذا يوم خيرة
الهنوف: أم ريان لو سمحت أو هنوف بدون ووو
خالد: أنا متزوج وانتي متزوجة بس صدقيني الصداقة غيرررر
الهنوف: الله يخليك لعيالك ولام نواف
خالد: دم ام نواف وعظمها ولحمها فدوة لأصغر جزء من جسمك
الهنوف: امممم .. what did we say ؟
خالد: we said to say everything in our minds

~~~

أحب أعرفكم بأبطال القصة
الهنوف (أم ريان)... عمرها 29 سنة.. متزوجة وعندها ولدين
خالد (أبو نواف)... عمره 33 سنة.. متزوج وعنده 3 أولاد
تعرفوا ببعض عبر الماسنجر وصارت بينهم صداقة كبيرة واحترام متبادل وكل واحد لقى في الثاني مكان يلقي عليه أعباء الحياة وهمومها..
بعيداً عن الواقع المؤلم .. هناك .. حيث العالم الافتراضي .. وراء أقنعة ويوزرات ..
صاروا يلتقون ببعض في الصباح بالمسنجر وقت دوام خالد..
نرجع للمحادثة ..

~~~

خالد: ودي اقول لك شي بس اخاف تفهميني غلط
خالد: ودي ترسلين لي مسج الوقت اللي تتواجدين بالنت عشان اجي على طول
خالد: اذا وافقتي بعطيك الرقم واذا ما تبين انسي الموضوع
الهنوف: تسلم أبو نواف لكن اعذرني
خالد: اوعدك ما اراسلك ابد، واتمنى تكون محك حقيقي لمقدار الثقة فيني
الهنوف: انا اعتز بصداقتك اللي اتمنى تكون خالية من أي اطماع
خالد: لا يمكن اسمح لنفسي ولا لغيري باي مضرة لك لو ينجر السيف على رقبتي
خالد: اسجل رقمي يا الغالية ؟؟ غمضي وفكري بعدين قرري واكتبي ايه او لا هههههههههههههه
الهنوف: انت كفو انشالله، ولكن اكرر اسفى
خالد: عموما هذا رقمي ********* واتمنى القى رسالة منك
الهنوف: وش الارقام الخطيرة هذي
خالد: فداك الرقم وصاحبه
الهنوف: لا تكرر هالموضوع مرة ثانية ، رجاءً أبو نواف احنا كذا أصحاب
خالد: خلاص اسف
الهنوف: خلينى اكون مرتاحة بعلاقتى معك ما ابى تكون بالنسبة لى موضع خوف وحيرة
الهنوف: خلك الانسان اللى الجا له عند حاجتى له من دون خوف او ضغوط
خالد: خلاص انا اسف ، بس كنت ابي نتواصل اكثر ، اعذريني

~~~

كان التواصل بين خالد والهنوف كبيرا جدا ..
وصلوا لدرجة كبيرة من التفاهم ـ الثقة ـ المعزة ..
الهنوف ربما كانت تحتاج لمشاعر تعوضها عن تعامل زوجها أبو ريان والذي كان يكبرها بكثير ..
تفتقد لعامل مهم فرضه فارق السن .. التواصل ..
ربما رأت في خالد صديقاً حنوناً ..
تلجأ إليه عندما تضيق بها السبل ..

~~~

خالد: وينك ماجيتي من 3 ايام ؟ فيه شي في حياتك
الهنوف: لا ابد بس انا ممكن ادخل 24 ساعة عالشبكة وممكن اقعد اسبوع ماافتح الكومبيوتر
الهنوف: الو
خالد: يا أم ريان يعلق معي معليش
الهنوف: اجل لا نشغلك
خالد: افا ياذا العلم ، اشغي واشغلي واشغلي
خالد: ترا ازعل منك ثاني مرة ، وين راحت الميانة
الهنوف: لا لا لا لا الا زعل أبو نواف
خالد: ياعمري عليك، لها الدرجة يهمك زعلي
الهنوف: مهما كان حنا لنا شهرين نعرف بعض والعشرة ماتهون علي
خالد: الهنووووووووووووووووووووووووووووف
الهنوف: وياااااااااك
خالد: ياترى اقدر اعرف اوصافك
الهنوف: لا
خالد: افا ليش بس
الهنوف: ليش تبى تعرفها
خالد: لانك مهمة في حياتي، زي ما قلت لك حسب الميانة
خالد: ودي اعرف حتى عدد انفاسك
الهنوف: ماله داعى حتى لو تمون
خالد: ليش تحطين حواجز بيني وبينك
الهنوف: لانه المفروض يكون كذا، وش خلينا للمراهقين
خالد: حنا مالنا شغل بغيرنا، اهم شي اننا نكون متفاهمين ومقتننعين
الهنوف: ومقتنعين حط تحتها خطين
خالد: مقتنعين
......ـــــــــــ
......ـــــــــــ
الهنوف: تمام عليك، اقتنعت ؟؟؟؟؟؟؟؟؟؟؟
خالد: اقتنعت بشي واحد
الهنوف: وشو طال عمرك
خالد: اني مستحيل انساك
الهنوف: انت كذا مع كل الاخوات المضافات لماسنجرك
خالد: لا ،، ماكل زول يعوض بزوله ... ولا كل الازوال مملوحة
الهنوف: الظاهر بنسويلك حذف وحظر
خالد: حذف وحظر والله لو اني العراق
الهنوف: لا تتكلم على العراق لو سمحت، ترى اللى تحتشى وياك عراقية
خالد: والله ؟؟؟؟؟؟؟؟؟؟؟؟؟
الهنوف: اي عينى لعاد شنو تفكر، بس انتم على وجه البسيطة؟ لا عينى لا
الهنوف: انت كلش غلطان
خالد: آني فدوة لعيونش، انا ايش قد غلطت عليش
خالد: ههههههههه لا بس ما قلتي لي قبل كذا انك عراقية
الهنوف: وهسا عرفت شتريد تسوى
خالد: هسا بتمسك فيك اكثر واكثر واكثر
الهنوف: ههههههههههههههه
خالد: ههههههههههههههههههههههههههههههه
خالد: لا والله من جد انتي عراقية ؟
الهنوف: امممممم زييييين، شفيهم بالله العراقيات بالله شفيهم
خالد: حلووووووووووووين وطيبين والنعم فيهن
خالد: عبرت الشط على مودك وخليتك على راسي
الهنوف: ماغيرت رايك يعنى
خالد: مستحيل، انا رايي ثابت في الهنوف
الهنوف: حتى بعد اللى عرفت؟
خالد: بغض النظر عن اي اعتبارات ثانية
خالد: ترى والله من جد افتخر فيك واتمسك بصداقتك
خالد: لا قصدي اتسلى ولا اضيع وقتي ووقتك
خالد: ابي صداقة صادقة حقيقية نحس بقيمتها ومعناها فعلا
الهنوف: لعاد شنو معنى حتشيك وياى
خالد: انا قصدي المزاح وتلطيف الجو والترفيه، يعني ماهو معقول كل كلامنا يصير رسمي
خالد: اتمنى تكوني فهمتي وجهة نظري
الهنوف: بس مزاح عن مزاح يفرق
خالد: قلت لك لا تاخذينها ماخذ الجد، اتمنى يكون تقييمك لذاتي عن قناعة داخل نفسك
خالد: يعني اذا ما استاهل صداقتك خبريني وننهيها بكل هدوء
خالد: واذا انتي مرتاحة لي وحابة صداقتنا تستمر فهذا الشي يشرفني وافتخر فيه
خالد: بس اهم شي التفاهم والثقة والميانة حسب الاصول
الهنوف: ايه بس من غير غزل،،،،، قبلت الشرط ؟
خالد: ايه قبلته
الهنوف: زين حياك
الهنوف: على كل انا بطلع هسا واشوفك مرة ثانية

~~~

الساعة تشير إلى الثانية فجراً ... صمت رهيب ... الكل نائمون ...
أغلقت المحادثة لأنام فقد أرهقت نفسي هذه الليلة ...

اليوم التالي ... فتحت المحادثة التالية ،،

~~~

الهنوف: بس شلون تمثيلية البارح
خالد: صار تمثيل اجل ؟؟؟؟؟؟؟؟
الهنوف: ههههههههههههههههههههه
الهنوف: بالله شلون مو مبين علي يا أبو نواف
خالد: والله شوفي عراقية مصرية هندية صومالية تظلين أم ريان
الهنوف: بس انت تغيرت على طووووووول كنك خفت
خالد: بالعكس اللي يسولف معك ما يخاف، يحس بالامان
الهنوف: يسلمو أبو نواف، بس شلون اللهجة
خالد: اللهجة مسكتة صراحة، صدقت مررررررررة
الهنوف: بالله صدقت؟
خالد: وربي صدقت
الهنوف: هههههههههههههههههههههههههههههههههههههههههههههههههه هههه
خالد: ايه اضحكي وش عليك
الهنوف: ماحب النكد
خالد: فعلا احس انك مرحة، بس شكلك لسا ما وثقتي فيني مرة
الهنوف: وش الدليل على الثقة عندك
خالد: الدليل اننا نصير كتاب مفتوح، احسسك فعلا اني ما ابخل عليك بأي شي عني
خالد: اسراري، اللي مضايقني
الهنوف: اسرار؟
الهنوف: اصلا هالدنيا ماصار به اسرار كل شى واضح ومكشوف
خالد: ترا الصداقة غير المحبة والزمالة
خالد: الصديق اكثر من الحبيب والعاشق والزوج والقريب
خالد: يكفي من كلمة الصديق الصدق
خالد: انتي تؤمنين بالصدق
الهنوف: شلون؟
خالد: لا ولا شي
الهنوف: إلا كم عمر نواف ؟ وكم عندك ولد ؟
خالد: 3 أولاد، نواف 6 سنوات، أمل 3 سنوات، ريان سنة
الهنوف: يا قلللللبي عليهم، الله يخليهم لك، وانت كم عمرك؟
خالد: انا قلت لك 33 سنة
خالد: اتمنى ان بذرة صداقتنا اللي بذرناها برغبتنا تكبر وتطلع وتثمر وتزيد قوة وشموخ مع الايام
خالد: وعلشان تستمر وتعيش لازم نسقيها محبة وتضحية وتماسك، وثقة وتفاهم والفة ومودة
الهنوف: ههههههههههه الله الله
خالد: اقدر اعرف اسمك الكامل بعد اذنك
الهنوف: الهنوف الـ..........، تراه سر يا ويلك لو يطلع لاحد
خالد: وربي لو ينحط السيف على رقبتي ما يطلع
الهنوف: تسلم أبو نواف
خالد: عمري فيه حاجة طلبتها من زمان ودي اقولها
خالد: نفسي اكلمك بس بدون زعل
الهنوف: عن ايش
خالد: بدون زعل - لان مهما يصير بيننا تراك رفيعة شان وقدرك غالي ولولا ميانتي ما قلت لك
الهنوف: خير فيه شى
خالد: ودي اسمع صوتك بعد اذنك
الهنوف: أبو نواف اعتقد تكلمنا بهالموضوع قبل
الهنوف: وماابى افتحه مرة ثانية ممكن؟
خالد: ادري بس وربي من الميانة قلت كذا
خالد: فكري وانتي كريمة وانا استاهل
الهنوف: الا بهذى
خالد: طيب بس رسايل
الهنوف: ولا رسايل
خالد: ههههههههههههههههههه راسك ناشف
الهنوف: انا استاذن هالحين زييييين؟
خالد: لا اصبري قولي راضية عليك ياخلووووودي
الهنوف: لا اكون بدخلك الجنة ولا شى
خالد: تبين الصراحة انتي جنتي ولو زعلتي
الهنوف: روح لأم نواف انت جنتها وانت نارها
خالد: لا تجبين طاري أم نواف وأبو ريان لاصرنا سوا

~~~

ازداد التواصل شيئاً فشيئاً..
بدأ الحب يطرق الباب..
الحب؟؟؟ معقول؟؟؟
وهل خالد والهنوف العاقلان مؤهلان للجنون؟؟؟

~~~

يـ تـ بـ ع ولكن .. في الحلقة القادمة

[دارين]

معظم الحب شهوة ونزوة والحب الحقيقي الذي يصاحبه رضى من الله والحلال
حتى عواطفنا نحن مسؤولين عنها
ولي عودة
كل الشكر

[S T Y L O]

:: الجزء الثاني ::



~~~



خالد: وحشتيني مرة
خالد: شكلي حبيتك يا أم ريان
الهنوف: ايوه وش بعد
خالد: احظريني احذفيني، الله يسامحني بس
خالد: غلطت عليك كثير
الهنوف: ايه كمل
خالد: الله يخليك لي.. تدرين وش عيبي
الهنوف: سم
خالد: الطيبة والصراحة ، واللي في قلبي على لساني
خالد: تحمليني بعيوبي ؟؟
الهنوف: الللللللللللللللللللللللله ياعييينى ههههههههههههه
خالد: بس ولو كل ما احس اني ضيقت صدرك الوم نفسي
خالد: لا تفكرين اني اقول كلام وبس
خالد: تراني اهتم بردة الفعل واتضايق اذا شفت ان كلامي ضايقك او سبب لك حرج
خالد: مرة ثانية اسف على الصراحة والوضوح لكن وربي يعلم وش كثر فرحتي بك
الهنوف: احد ياسف على الصراحة والوضوح ؟؟؟؟؟؟؟؟؟؟؟؟؟؟؟؟؟؟؟
خالد: وقسم بالله لو حذفتيني وحظرتيني وكان الشي هذا برغبتك والله والله والله راح اقبله على مضض
خالد: دامها رغبتك فانا احترمها
الهنوف: بس انت مندفع زيادة عن اللزوم
خالد: ادري اني مندفع بس سامحيني
خالد: مادري ليش احس معك بارتياح غريب
الهنوف: اللى بيننا مجرد صداقة عالماسنجر وما بيتخطاها والاحترام بيننا انشالله
خالد: وليش ما نكون جسد واحد قلب واحد على المودة والاحترام والتقدير
الهنوف: لا
خالد: ليش لا
خالد: كثير علي ؟ ولا ما استاهل؟
الهنوف: لان هذا من سابع المستحيلات
خالد: وربي انتي قمر وتنحبين عاد لا تلوميني
الهنوف: لان لو تخطى الماسنجر فى اى حال من الاحوال بيكون X
خالد: افا هذا ظنك فيني
الهنوف: ياليت نبقى صح أبو نواف لان لو تخطى الماسنجر بنندم صدقنى
خالد: احنا صح دامنا فاهمين وعاقلين
الهنوف: خلي لكل واحد منا احترامه عند الثانى
الهنوف: مو هذا بلا ابوك ياعقاب انا فاهمين وعاقلين ونسوى كذا
خالد: اذا كنا مقتنعين وواثقين ماعلينا من احد
الهنوف: لا مو الهنوف اللى تغلط
خالد: حشاك يالهنوف تغلطين
خالد: شوفي بالنسبة لي انتي لك مكانة في قلبي ولك علي حق كبيرر ولا يمكن احد يشاركك مكانتك
الهنوف: ولو تطورت العلاقة الى اكثر من ماسنجر بيكون الغلط بعينه
الهنوف: وبعدين ودى افهم شلون الواحد يقول للثانى انى حبيتك وهو ماشاف منه الا حروف بس
الهنوف: لا تقول لى الحروف تدل على الشخص ابد
الهنوف: كل شى له دوره بكلمة احبك، الشكل المعرفة كل شى كل شى ماادرى
خالد: تصدقين عاد حبيتك بروحي اللي استشفت روحك لا تقولين ابالغ
الهنوف: ياشييييييييييخ
خالد: ههههههههههههههههههههههههههههه
الهنوف: وش هالرومانسية، استشفت؟؟ لا حلوة بو نواف
خالد: انا اعجبك بس انتي صادّتني
الهنوف: اى هاف تو قو ناو
خالد: بدري يا قمري
الهنوف: ابى اروح البس زين؟
خالد: الله معك يا قلبي، ياليت تشرفيني بطلتك بعد ما ترجعي
الهنوف: اذا حصلت فرصة زين
خالد: الله يجزاك خير يا وردة نجد الفواحة
الهنوف: على فكرة، يمكن ابو ريان يدخل بهالايميل
الهنوف: اذا اى احد دخل وما قالك هلا بو نواف لا ترد
الهنوف: لان عادى يجيله رسايل من اصدقائه على ايميلى ويفتحه عادى
خالد: زين اوكي انتي اللي تبادرين بالكلام فاهمك ياقمر
الهنوف: وبعديييييييييين ترى بازعل
خالد: ههههههههههههه مو انتي قلتي اني مجنون
الهنوف: جد والله خلينا حلوين وطيبين
خالد: لا كله الا زعلك
الهنوف: شكلى بموتك
خالد: اااااااااااااي كسرتي عظامي
الهنوف: يالله بااااااى



~~~



الهنوف مشتتة ... لا تعلم كيف تخاطب خالد ... هل هو صديق ؟ حبيب ؟ متطفل ؟
هل هو صادق ؟ كاذب ؟ لماذا أحبها ... ؟
هل هي تحبه ؟ أم تعتبره أخ ... صديق ..؟
تلتفت حولها فلا تجد سوى الخطيئة ... تحاصرها وتدمرها ..
هي متزوجة ولديها أطفال ... لديها أبو ريان ..! وخالد متزوج مثلها
لكن الحب يفتت أقسى القلوب .. ليجعل صاحبه يتصرف كالمجنون ..
يغلف الأعين بغشاوة قاتمة ، تجعله لا يرى الواقع ، بل يعيش في حلم جميل



حلم .. لا تريد الهنوف أبداً أن تصحو منه ..



~~~



خالد: وحشتك ؟؟
الهنوف: حنا وش قلنا أبو نواف
خالد: قلنا اننا لبعض ومع بعض
خالد: غصبن عن أبو ريان و أم نواف
خالد: وريان واخوانه ونواف واخوانه
الهنوف: مهما كان الا ذولى !!!!!
خالد: انا متمسك فيك بقووووووووووووووووووووووووووة
خالد: ههههههههههههههههههههههههههه
خالد: يازين اللي يتغلون ويتدلعووووووون
الهنوف: http://www.eqla3.com/vb/images/smilies/060.gif
خالد: ويازين هالخدود الحمر يجننوووووووووووووون
الهنوف: مانت صاحى
خالد: ههههههه على خبرك ما تغيرت
خالد: يحق لي ولا لا ياهنووووووفي اكون مجنوووووووونك
الهنوف: وش شفت من الهنوف علشان تكون مجنونها
خالد: شفت منها الرقة والانسانية والشفافية والمعاملة التي خلتني انجن فيها
خالد: انتي ضماي وانتي ماي انتي عطشي وانتي طفا عطشي
الهنوف: أبو نواااااااااااااااااف r u ok?
الهنوف: رجاء أبو نواف عن هالحكى ؟؟؟؟؟؟؟؟؟؟؟
خالد: افا زعلتي ما يهون علي زعلك
الهنوف: خلصت الحكى اللى عندك
خالد: انتي عندك حكي في قلبك ؟
الهنوف: انت ليش مصر على هالحكى، انا حتى لو بداخلى شى لايمكن يطلع..
الهنوف: رجاء لا تتعبنى خالد
خالد: ماعاش من يتعبك
الهنوف: احنا حتى لو صار لكل واحد منا بداخل الثانى اى شعور المفروض انه مايطلع
الهنوف: حنا لنا ظروفنا اللى صارحنا بعضنا فيها من اول لقاء
خالد: احترم وجهة نظرك بس بصراحة انتي غيرتي دنيتي
الهنوف: حتى لو http://www.eqla3.com/vb/images/smilies/tongue.gif
خالد: هنووفي لا تحرميني من عطفك وحنانك
الهنوف: حيرتنى معك ، مادرى شلون افهمك
خالد: شوفي بالنسبة لي مو دردشة وتضييع وقت لا
خالد: احس ان لك علي حق من وقتي اعطيك فيه كل حقوقك علي
خالد: من الاهتمام ومن معرفة اخباري ومن الكلام اللي يسعد ويفرح، وش الدنيا بلا كذا؟
خالد: صحيح انا متزوج وانتي متزوج لكن احتفظ بخصوصية علاقتي ومعرفتي معك
الهنوف: شكلى بموتك والله خليتنى اتصرف مثل المراهقات
خالد: شلوووووووووووووون هههههههههههههههههه
الهنوف: انا احط صورة واحد مطلع لسانه
الهنوف: والله شكلى انهبلت
خالد: لا وش دعوى سلامتك من الانهبال
خالد: دامك مبسوطة معي لايهمك شي ههههههههههههههههههه
خالد: بصراحة انتي تنتظرين هالوقت هذا اللي نتقابل فيه على المسنجر ؟؟
الهنوف: كيف انتظر اذا انا بادخل بارادتى مافهمتك
خالد: أقصد مثلا لو دخلتي وما لقيتي اسمي يضيق صدرك ولا كله واحد
الهنوف: لا كله واحد ههههههههههههههه
خالد: هههههههههههههههه اعترفي
الهنوف: زين ليش هالسؤال ؟
خالد: ودي اعرف اجابته هذا السبب
الهنوف: زين ممكن احتفظ بالجواب لنفسى؟
الهنوف: ماادرى وش اقولك أبو نواف
خالد: خليك طبيعية وقولي اللي بخاطرك من دون حرج
الهنوف: المشكلة انى مااقدر اقول اللى فى داخلى اصعب شى يمر على فى دنياى
الهنوف: انا مشكلتى انى مااقدر اقول اللى فى داخلى بسهولة
الهنوف: مرات ممكن يطلع بس تلقائى
خالد: يبي لي اتصيدك
الهنوف: ياويلك
خالد: هنوووف ترا ارسلت لك صورتي انا وعيالي على ايميلك
الهنوف: ليه ؟
خالد: أبد بس عشان تعرفيني اكثر



~~~



لا أدري ماذا أسميك أيها الحب؟
هل تستحق منا ما نقدمه لأجلك .. هل تستحق دموعنا
بكائنا وآهاتنا .. كبريائنا الممزق تحت أشرعتك ..
لا أدري ...!
ما أعلمه أنك لا تستأذن قلوبنا قبل أن تقتحمها ..
تدخلها عنوة .. وتغادرها عنوة ..
أيها الكائن المجنون .. لا أعلم .. هل أحبك أم أكرهك ..!



يا حب .. يا نبض القلوب ..
يا سارق احلام ودروب ..
يا سارق ايام البشر ..
كل البشر ..
يا اغلى الذنوب ..
يا اول فرح عاشه حبيب ..
وآخر فرح ..
العمر قبلك مضيعة ..
ومن بعدك احلام ٍ تذوب ..
تذوب فيك ..
وتذوب منك .. وما تتوب ..
يا عالم الحب الكذوب ..



~~~



الهنوف: وينك لك كم يوم ماشوفك عالماسنجر
خالد: كنت باشوف لي وحشة ولا لا
الهنوف: تشب! وانشالله لقيتلك وحشة
خالد: القلوب شواهد
الهنوف: افحمتمونا http://www.eqla3.com/vb/images/smilies/060.gif
خالد: سألتك بالله انتي اذا طلعتي من المسنجر ما تتمنين اني اطلع قبلك جاوبي بكل مصداقية وشجاعة
الهنوف: لا يمكن ام ريان تتصل ولا تبى شى ههههههههههههههههههه
الهنوف: شفت شلون الشجاعة .. عندك مثلها
الهنوف: وينك الوووووو
الهنوف: شفت مانت معى الله يعينك على مابلاك وشوله تشتت روحك
الهنوف: خلك باللى انت مشغول فيه ، انسحب انا
خالد: هالسرع تعصبين
الهنوف: ماتعودت اكون شئ ثانوى
خالد: من قال انك شي ثانوي
خالد: وربي انتي رائعة بس صدقيني انا انشغل انشغال خفيف
خالد: مو لذيك الدرجة، مقدر وشاكر لك مشاعرك النبيلة



~~~



استطاع خالد الحصول على رقم جوال الهنوف بعد وعود وعهود بعدم الاتصال مطلقاً والاكتفاء بالمسجات
وفعلاًًً لم يقم بالاتصال أبداً ..
وحتى الرسائل لم تكن تتم إلا في الحالات الضرورية فقط ..
استمرت الأمور كما هي لفترة إلى أن ...



~~~



الهنوف: خلينا كذا اصحاب ولا وش رايك
خالد: بادق عليك اوكي بس باقول هلا صباح الخير كيفك واقفل الخط
الهنوف: لالالالالالالالالالالالالا
خالد: لها الدرجة ما تحبين تسمعين صوتي
الهنوف: أبو نواف وش اتفقنا حنا
خالد: وربي مشتاق اكلمك ماعاد فيني اصبر
الهنوف: ارجوك أبو نواف والله بازعل منك
خالد: لا تخلي الزعل وسيلة ضغط علي
الهنوف: انت شتبى بالظبط
الهنوف: حنا عرفنا بعض عن طريق الماسنجر خلينا مثل ماحنا ولا وش رايك
خالد: انتي يهمك رايي
الهنوف: اكيد عزيز ويهمنى رايك
خالد: انا بصراحة احبك وما استغني عنك ولك حيز كبير في قلبي وحياتي
خالد: اذا الشي هذا يضايقك امسحيني من كيانك والغيني من خارطة حياتك
خالد: اما غير كذا فانا هذا شعوري تجاهك وجاد فيك ومتمسك فيك مرة
الهنوف: بس حنا غير العالم هذا كله
خالد: حبيبتي حنا لنا عالمنا انا اوانتي ما يشاركنا فيه احد
خالد: هذا اذا كان ظني واعتقادي اننا متمسكين في بعض لاخر قطرة واخر نفس
الهنوف: مانقدر ننفصل بعالمنا مهما حاولنا حنا ظروفنا غير
خالد: انا ما تعرفت عليك تسلية ولا تضييع وقت
خالد: حنا نصنع ظروفنا ونسيطر عليها
الهنوف: ابد حنا لنا مسؤليات ولا نقدر تفصلها عن حياتنا الخاصة
خالد: متكيثرة علي اكون جزء من مسئولياتك وانتي اصلا من عرفتك وانتي جزء من مسئولياتي
الهنوف: ابد لا تقول كذا انت صرت معى فى اغلب يومى وماتروح من تفكيرى
الهنوف: انا بحياتى مامريت بشى من اللى امر فيه هالحين http://www.eqla3.com/vb/images/smilies/frown.gif وصدقنى احس انى مشتته بمعنى الكلمة
خالد: ياليت حياتي تفتحين قلبي وتقولين لي وش فيه يعني اعترافك وبوحك بمشاعرك ما يعني ضعف ولا استسلام
الهنوف: مافيه مبرر للى خليت نفسى فيه
خالد: احكي بليز
الهنوف: انا وانت مانقدر نقول ان حنا لنا ظروف وصلتنا للى حنا فيه
الهنوف: بالعكس انت اكيد و100% مبسوط بحياتك
الهنوف: ومافيه شى يحدك على ان تكون لك علاقة اخرى صح؟
خالد: بوجودك مبسوط ، انا اعتبر قدري اني تعرفت عليك وانتي مانتي اخرى انتي ملاك طاهر دخل حياتي
الهنوف: وزوجتك شلون علاقتك معها لا تنكر النعمة
خالد: بصراحة زوجتي الحمد لله ماهي مقصرة بس انتي حبي فاهمة
خالد: احبـــك
الهنوف: اكيد انها قمة لانه خلتك بهالنفسية الرائعة
الهنوف: وشكلك مو ناقصك شى من اى ناحية واللى تكلمك ماتنقص عنك بشى من هذا
الهنوف: انا فى اعلى مكان تتخيله عند ابو ريان واهله واولاده وعند اهلى بعد
الهنوف: ادرى انك وصلت مكان فى قلبى مايعلمه الا الله
الهنوف: لكن هذا حدنا ولازم نوقف،، خلى غلاك عندى فوق ابو نواف
خالد: لالالالالالالالالالالالالالالالالالالالالالالالا
خالد: انتي غالية وحبيبة وكل يوم تكبرين في قلبي ونظري وحياتي
الهنوف: لا تخلينى احس انك ذنب ولازم اخلص منه
خالد: افا انا ذنب ؟؟؟؟ ما هقيتها منك
الهنوف: اذا تمادينا بيكون كل واحد منا ذنب للثانى يبى يخلص منه!! اذا انا غلطانة قوللى
خالد: انا احبك احبك احبك
خالد: هذا ماعندي
خالد: انتي تحبيني ؟؟
الهنوف: وش يقول ابو فراس الحمدانى
خالد: وش يقول ياعمري ؟
الهنوف: نعم انا مشتاق وعندى لوعة ** ولكن مثلى لا يباح له سر
خالد: طيب وش يعني جاوبي بدون تلميحات
خالد: تحبيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الهنوف: رجـــــــــــــــــــــــــاء ابونواف
الهنوف: والله ماعاد فينى.... وش اللى انا فيه
الهنوف: والله مااقدر ابو نواف
الهنوف: اكيد انى مانى بصاحية .. اكيد اللى امر فيه خيال
خالد: ليش حياتي !! شكلك سكرتي في بحور حبي
الهنوف: كل هذا وتسالنى ليش
الهنوف: ممكن نصحى شوى
خالد: ابيك تقوليها ونغير الموضوع
خالد: قووووووووووووووووووووووووولي
الهنوف: ابو نواف حنا اكبر من كذا ارجوك
خالد: احنا بشر حبي، حياتي، قلبي، اغلى ناسي
الهنوف: مو هالكلمة اللى بتقولك انت وشو عندي
الهنوف: يالله ابو نواف لازم اروح هالحين زين
خالد: لااااااااااااااااااااااااااااااااا محتاجك حياتي
الهنوف: مو باكثر منى بس لازم اروح
خالد: شوي حياتي محتاج حنانك محتاج عطفك
الهنوف: ليتى اقدر احكى مثلك واقول اللى فينى
الهنوف: تعبت ابو نواف صدق ماعاد فينى
خالد: وش رايك نحكي بالجوال
الهنوف: وبعدين!! والله بازعل منك من جد
خالد: ليه عمري مشتاق لصوتك
الهنوف: ارجوك ابو نواف ابى استاذن
خالد: لالالالالالالالالالالالالا لا تخليني بحيرتي اذا لي غلا ومعزة قولي
الهنوف: والله حاسة انى باموت
الهنوف: وش اللى مخلينى باللى انا فيه ما ادرى
خالد: احكي وش صاير لك ارجوك
خالد: كذا باتجنن لا تتهربين زي كل مرة
خالد: الى متى وانا في حيرة وانا جاهل امرك
الهنوف: واللى يسعدك بروح
خالد: الى متى وانتي كاتمة عني مشاعرك
الهنوف: اذا تغلى ام ريان
خالد: بليززززززز علشاني اغليك قلت احكي
الهنوف: وش تبى تعرف وانا صرت قدامك كتاب مفتوح
الهنوف: ما اعتقد ما فهمتنى للحين
خالد: لا تحكي رموز انا قاعد احكي لك مباشرة من القلب للقلب
الهنوف: كل ذا ورموز!! الرموز عندى صارت شرح من الالف للياء
الهنوف: انت وش سويت فينى !!
خالد: انا حاطك بعيوني في قلبي في جوارحي مغليك ومعتبرك اغلى ناسي
خالد: اخاف عليك من الهمسة ومن النسمة اخاف عليك وانتي بعيدة وانتي قريبة
خالد: انتي غير الناس عندي انتي عندي شي كبير
الهنوف: ليش خليتنا نوصل للى حنا فيه ليش
خالد: لاني مقتنع ومرتاح فيه انا امام تحدي كبير بس محتاج تحطين يديك في يدي
الهنوف: وش اللى بيصير بعد كذا
خالد: بنكون عشاق لبعض
الهنوف: امام منو
خالد: امام عائلاتنا الصغيرة امام كل الكون انا ما افرط فيك ابد
خالد: انتي في قلبي وفي احاسيسي محتاجك يا روحي
الهنوف: ممكن تعيش بقلبين؟
خالد: قلبي مقسوم نصين وانتي مسيطرة على نصفه العاطفي الغرامي
خالد: عمري جاوبي تحبيني ؟؟؟؟؟؟؟؟؟؟؟؟؟؟؟؟؟؟
الهنوف: وش تفسر اللى انا فيه
خالد: ياعمري ابي كلام
خالد: قوووولي انا محتاج مثلك اسمع هالكلام
الهنوف: تعرف انى مااعترف بهالكلمة اللى تبيها؟
خالد: ليش
الهنوف: احس ان به كلام كثير يغنى عنها واللى قلته اظن ينوب
الهنوف: تعبت خالد والله تعبت
خالد: طيب وش اللي يريحك من التعب
الهنوف: مو قادرة صدقنى مو قادرة
الهنوف: اعذرنى خالد ابى اروح واللى يسعدك
خالد: لا الحين لا ترا ازعل ابي منك عشر دقايق بس
الهنوف: وغلا ام ريان عندك والله ماعاد فينى
خالد: وغلاة خالد عنك عطيني قلبك حبك كلك
الهنوف: http://www.eqla3.com/vb/images/smilies/frown.gif
الهنوف: ارجوك خالد ارجووووووووووووووك
خالد: طيب باكلمك خمس دقايق بس 5 دقايق
الهنوف: لالالالالالالالالالالالالالالالالا
خالد: تكفين
الهنوف: انت تكفى
خالد: طلبتك 5 دقايق
الهنوف: ارجووووووووووك
خالد: فديت قلبك اللي يحبني
الهنوف: ارجوك لا .. اشوفك بكرة
الهنوف: لاتزعل من ام ريان
الهنوف: باااااااااااااااااى



~~~



...
...
...
وبعد ؟؟
وقعت الهنوف في شباك خالد !
...
...
...



~~~



يـ تـ بـ ع

[* موج البحر*]

لاحول ولا قوة الا بالله
وبعدين تقولون الحريم
ناقصات عقل ودين
من عمايلكم من شنوو بينقصوا

عميد يعني لعب بالاعصاب انت ماخذ الشغله
دخيل ربك حطها مره وحده واخلص وخلصنا
تحمست وتحمست وانا اقرا وبالنهايه لقيت يتبع
شنوو لاء لاتقووولون
وكانت صدمه اني بنتظر اليتبع

عالعموم
هي قصه روووووعه واكثر من روووعه
بس ماتحس انه مبالغ فيها شوووي
قد تكووون واقع .. هذه الدنيا فيها العجب العجاب .. والله يستر علينا من تاليها


وبعدين الجمله هذي فيها غلط <<مرض فيها عادي هههههههههه
we said to say everything in our minds
واعتقد انه قاصد
we should to say everything in our minds

بس يبي يتفلسف عليها الاخ مسوي كلش ههههههههه
مالت عليهم ولا متزوجين بعد
المهم ماعلينا بعلق بس اخلص القصه

عميد اخلص وبسرعه بليززززززززز
ههههههههههه مصره على اخلص
عساك عالقوه يالغلا
لاخلا ولا عدم


روح

[ذيبان]

من القصص الكثيره التي تعودنا سماعها للأسف

ويبقى الحب الصافي النابع من القلب و لكنه غير منتظر

وحبا من هذا النوع حتما لم ولن ينتهي الى زواج مهما قويت رباطه

شكرا لك اخي عميد على مقالك

ذيبان

[إحساس]

قصة واقعية جداً ..

والحب يعمل المستحيل ...

والنفس أمارة بالسوء ...

عشان هيك قلنا بلاش مسنجرات ههههههههههههه


يسلمووووووووووووو عميد متقاعد

ولا تطول علينا بالبقية .

http://www.lakii.com/vb/smile/9_15.gif

[S T Y L O]

دارين
روح الحب
ذيبان
إحساس

أشكر لكم متابعتكم للقصة

واتركم مع الجزء الثالث
~~~


خالد: من جد ما ودك اتعرف على احد غيرك ؟
خالد: الرجاء الاجابة بكل صراحة وشجاعة ووضوح
الهنوف: ولو قلتلك بتسمع
خالد: أكيد باسمع لك
الهنوف: انت ابو نواف غير اللى عرفته مو انت
خالد: طيب تغيرت للاحسن ولا للأسوأ
الهنوف: اول كنا نتكلم كل يوم تقريبا
الهنوف: وهالحين حتى لو لقيتك مانت معى
خالد: من كثر الصدمات من كثر الالالاءات من كثر التحطيم
الهنوف: لا لا لا ابد مو انت ابو نواف اللى اعرفه
خالد: ابد انا هو انا بس اشوفك تكلميني بغموض والغاز
خالد: لدرجة ان مشاعرك ما تحبين تفصحين عنها
خالد: بصراحة احس بشوية جفاء
الهنوف: ان كان به شوية جفا يبيلنا ندور من مين منا صح
خالد: بصراحة انا كنت في البداية اغدق عليك بكلمات نابعة من قلبي لكن وش الرد
خالد: اعقل ، بلاش هالكلام ، مانت صاحي ، وش تتوقعين وقع هالكلام علي
الهنوف: ماكنت اتوقع ان كلامى بيزعلك او يخليك تاخذ موقف منى
خالد: ماهي مسالة زعل، بس مسالة مشاعر
الهنوف: انا اسفة ان كنت مسيت مشاعرك بشى
خالد: انا بشر، ويشهد الله اني شاريك بغالي الاثمان
الهنوف: مو اكثر منى ولا كان ماعاتبتك
خالد: حتى من درجة ميانتي ومحبتي لك اني حاب اكلمك مباشرة بالتلفون علشان احس بروحك وبانفاسك
خالد: ومع ذلك رفضتي طلبي مع انه طلب معنوي
الهنوف: ابيك تكون لى صديق صادق بمشاعره معى ولا ابى اخسرك
خالد: انا صادق بمشاعري وعمري لن اكون ابد انسان غير صادق المشاعر
الهنوف: خلينا اصحاب
خالد: طيب خلينا احباب
خالد: الروح بالروح،، سلميني روحك وانا امين عليها
الهنوف: خلك الانسان اللى الجا له فى وقت ضيقى وفرحى وحيرتى
الهنوف: ابيك منى اقرب من اى شى بالدنيا
الهنوف: بس خل قلبى تكفى خالد .. فاهم وش ابى منك؟
خالد: وضحي اكثر من فضلك
الهنوف: والله شكلك بتموتنى اقسم بالله
الهنوف: حتى روحى ماصرت منتبهة لها
خالد: ااااااخ لو تفتحين قلبك وتملكين الشجاعة وتبوحين لي بكل ما فيك
خالد: بس صدقيني التغلي والتصدي شي يضايقني
الهنوف: مو بيدى والله مو بيدى
خالد: انا احترق وانتي ما تدرين
خالد: تراني برضه مشاعر واحاسيس ماني حجر
خالد: براحتك خليك ساكتة
الهنوف: مو لوحدك بتحترق
الهنوف: احذفنى من ماسنجرك وتفكيرك ووين ماوصلت
الهنوف: مو قادرة استمر .. وانا احترم اى قرار تتخذه انت بعد
خالد: والله انا ماطلبت حذفي ولا طلبت انك تمسحيني من ذاكرتك الا اذا كان هذا قرارك!
خالد: انا اقول بالعكس زيديني عشقا زيديني مكانة زيديني قربا
خالد: لكن للاسف هان عليك تقولين احذفني مو من المسنجر بس حتى من التفكير
خالد: ومن جميع الجوارح والاحساسيس اللي املكها تجاهك
الهنوف: ما ابى اتعبك
خالد: هذا تبرير غير مقبول
الهنوف: اجل وشو التبرير المقبول فى نظرك!! انا ما اقدر البي لك كل اللى تبيه
الهنوف: وبكذا مانى بكفو انى استمر معك
خالد: التبرير الوحيد اني خلاص انسان غير مهم بالنسبة لك
خالد: انتي تملكين كل شي بس مادري وش اللي ماسكك
خالد: تخافين انك تصغرين في نظري ولا تخافين اني استحقرك
الهنوف: اجل مافهمت الهنوف للحين اذا هذا تفكيرك
خالد: ودي افهمك بس انتي قاطعة علي الطريق
خالد: اقول وضحي صرحي قولي فهميني.. لكن ما اجد جواب
الهنوف: انا بعد ودى انك تفهمنى وتعذرنى! انا امامك كتاب مفتوح
خالد: ياما قلت لك احكي فضفضي قولي.. دايم تقولين ما بي اشغلك معي
الهنوف: يكفى انك ماتروح من تفكيرى طول اليوم
خالد: طيب اذا انا شاغل تفكيرك وش استاهل، هل استاهل العطاء والتضحية
الهنوف: اننا نبعد علشان مانخسر بعض لانك اغلى من كذا، اغلى من انى افقدك
خالد: للمرة الثانية تطرين الفراق ، تراها كلمة خطيرة
الهنوف: ادرى بخطرها والله يعيننى
خالد: انتي مستندة على جبل فاذا طحتي انا سندك
خالد: نفسي صراحة اذوق طعم حبك
خالد: خلاص ماني قادر اكمل
خالد: ----------------------
الهنوف: ماقدر اكذب على نفسى وعليك ولا انت تقدر تسوى كذا
خالد: شلون
الهنوف: انت تقوللى شلون! وانت اللى تدرى شلون
الهنوف: مانى قادرة افكر حتى، حاسة ان العبرة خانقتنى
خالد: ياعمري عبرتك تسوى عندي بحار الدنيا كلها
خالد: وربي متمني انك تذرفين دموع عبرتك على كتفي
خالد: طيب خلينا نتكلم كلام عامي بحت
خالد: بصراحة وبالعامية انتي وش تبين مني ؟
الهنوف: انا ماادرى وش ابى منك
خالد: وربي لو الود ودي كلمتك وخلييتك تبكين الين يطيب خاطرك وانا اسمع بكاءك
خالد: بس عجزت ماقدرت انتي رافضة بشكل قاطع وانا وش اسوي اضربك على يدك ؟
خالد: شي حلو انه كل صباح اسمع صوتك تطمئين علي
خالد: وش افطرت وش لبست وش سويت
الهنوف: انت ادرى الناس انت وشو بالنسبة لى من غير مااقول
خالد: وربي اموت من الفرحة لو تقولين ، لا تحرميني من لذة الفرحة
الهنوف: حتى لو قلت مابوصل للى بداخلى لك
خالد: لا تبخلين علي بكلمات تنور حياتي كلها
خالد: قولي حياتي بكل صراحة وبكل وضوح وبكل ميانة
خالد: صدقيني كل كلمة تقوليها ترفع قدرك اضعاف اضعاف
خالد: بس انتي فضفضي، موني علي، احكي تكلمي
خالد: انتي تامرين علي من راسي الين رجليني
الهنوف: وش تبينى اقول
خالد: قولي اللي في قلبك وبالك بكل وضوح
الهنوف: تبينى اقول مثل ما هالناس تقول!! ماقلت ولا شى من اللى بقلبى لو قلت مثل اللى يقولون!
خالد: ابي مشاعرك وعقلك وقلبك وجوارحك تقول
خالد: قولي كل شي ارحميني
الهنوف: مو قادرة ابو نواف والله مو قادرة
خالد: طيب بالجوال ممكن؟
الهنوف: ارجوك ارجوك لا تطريه يكفينى اللى فينى
خالد: انا اللي ارجوك لا ترديني قولي تم
الهنوف: ارجوك ابو نواف خلى اللي بيننا اكبر من الجوال وغير الجوال اذا كنت تعزنى
خالد: اعزك واغليك ولك عندي مكانة
الهنوف: لا تذبحنى بيدك وتقول اغليك
خالد: فديت عمرك قولي تم سألتك بالله
الهنوف: يا اللللله، لا تسالنى بالله تكفى
خالد: باتصل انتي قولي الو وانا راح اتكلم لمدة دقيقة بعدين اقول باي
خالد: يالله حبي قولي تم
خالد: انتظر تكتبيها يالله
الهنوف: وتوعدنى ما تطلبنى هالمكالمة مرة ثانية
خالد: اوعدك
الهنوف: زين انت وعدتنى
الهنوف: لحظة ابقفل الكومبيوتر لان الجوال مو عندى
خالد: زين بس ابيها مكالمة تشفي الخاطر
الهنوف: وش يعنى
خالد: يعني تردين علي اخاف تستحين وتصيرين ساكتة
الهنوف: الللله يستر
خالد: هههههههههههههههههههه
الهنوف: ياحظك قادر تضحك
خالد: اكيد معي احلى هنوف تبيني ابكي ولا اعبس
الهنوف: زين باى



~~~



اتصل خالد ...
سمع صوت الهنوف ... كلمتان أو ثلاث فقط ..
الهنوف استمعت لخالد لدقيقتين ..
مكالمة قصيرة جدا ...
لكن ..



~~~



الهنوف: صدق هو انت
خالد: هههههههههههههههههههه لا هذا ظلي
خالد: معليش تحملي صوتي ارهابي
الهنوف: لا مو كذا بس
خالد: بس ايش
الهنوف: تذكرت الصورة ما يتماشى معها الصوت
خالد: هههههههههههههههههههههههه
الهنوف: ههههههههههه ارسل واحدة ثانية ابى اقارنها
الهنوف: هذيك وجهك بعيد مو واضح مرة
خالد: من جد حابة تشوفين صورتي عن قريب
الهنوف: http://www.eqla3.com/vb/images/smilies/060.gif
الهنوف: لايكون طلبت طلب كبير
خالد: افا تمونين على روحي بكبرها



~~~



صباح يوم ٍ آخر ..
يوم جديد .. محادثة جديدة ..
أمل جديد .. شوق متجدد ..



كل المشاعر تشتكـي من غلاتــك ** يا واحـــد ٍ تفداه كل المخاليــــق
شوقي غلبني وانت تدري بسواتك ** خليتني غصب اعشقك فوق ماطيق
لو قلت ابي روحك ترا الروح جاتك ** ولو تطلب عيوني تجي لك مشافيق



~~~



خالد: صباح الورد والكادي
الهنوف: الللله اموت بالكادى
خالد: يفداك الكادي وكل ورود الطائف
الهنوف: تصدق؟ هههههههههههههه لك وحشة
خالد: الله الله على الكلام الحلو.. وانتي بعد
خالد: لك وحشة عيت تفارق عيوني ** وان غبتي كن الكون في غيبتك غاب
خالد: تدرين بادق عليك جوال مشتاق اسمع صوتك الحلو
الهنوف: حنا وش قلنا
خالد: امس فرحت دقيتي دقة وفصلتي
خالد: قمت ادق بيديني ورجليني ولا حياة لمن تنادي
الهنوف: قلتلك بالغلط ، رقمك بعد رقم كنت ابى ادق عليه
خالد: مستكثرة علي اتصال
الهنوف: مو لهالدرجة.. مو انا كلمتك، بس مو مسالة استكثار
خالد: بلييييييييييييييييز
الهنوف: والله مو تغلي بس ماابى افقد شى بدنياي، يكفينى اللى فقدته
خالد: وش فقدتي بدنياك قولي وايش اللي راح تفقدينه زود
الهنوف: اعفينى ابو نواف
خالد: يا الله عليك قولي
الهنوف: ماابى اتعلق بك وبعدين بلحظة ادورك مالاقيك
الهنوف: حنا وعالماسنجر يالله الاقيك فما بالك
خالد: يالهنوف انا لك عهد ووعد ما راح اتخلى عنك
الهنوف: حنا نتخيل بس
خالد: لا حنا واقعيين ياما قلت بامسك يدك بيدي واجابه الجبال
الهنوف: ولا ظروفنا بتاخذنا غصب كل واحد من الثانى
خالد: ياعمري كل واحد منا في حياته ارتباطات
الهنوف: اذا كنت انت تقدر انا مااقدر
خالد: يدي في يدك نقدر تراني سند وجبل لك
الهنوف: والله مابنقدر
خالد: انتي تبيني ولا لا ؟
الهنوف: وشو ههههههههههههه شلون يعنى ابيك
الهنوف: حسبى الله عليك وش سويت فينى
خالد: انا وش سويت يا كل انفاسي
خالد: يعني عاشقة خالد ولا لا ؟
الهنوف: موووووووووووووووووووت http://www.eqla3.com/vb/images/smilies/frown.gif
خالد: يا ويلي اول مرة تقولينها فديتك حبي
الهنوف: http://www.eqla3.com/vb/images/smilies/060.gif
خالد: وانا بعد لدرجة الجنووووووووووون
خالد: من متى تعشقيني
الهنوف: وش الفرق بين الحب والعشق
خالد: الحب انواع، حب الام حب الاب حب الابناء حب الذات حب الناس
خالد: اما العشق فهو حب مركز ما يناله الا انسان واحد
خالد: اذا جاء طاريه قام القلب يرجف، واذا جاء طاريه حس الانسان بسعادة
الهنوف: استحلفك بالله اذا ذكرتنى وش يصير بك ولا تكذب على ولا تجاملنى
الهنوف: ماابى منك الا الصدق وانا حلفتك بالله
خالد: انا راح اجاوب بس ابي انتي نفس الشي اذا انتهيت من كلامي تبادليني الجواب وبكل صدق زي ما قلتي
خالد: اذا ذكرتك ذكرت نفسي على طول اعيش في عالم ثاني احسك انتي فيه كل شي لك مكانة كبيرة
خالد: حتى بعد ما سمعت صوتك زاد شوقي لك حسيت اني قربت منك اكثر
خالد: وش عاد لو شفتك اكبر واعظم امنية اتمنى انها تتحقق
الهنوف: طيب ليش انا احس انك تغيرت بعد هذيك المكالمة
خالد: من اي ناحية تغيرت
الهنوف: مانت خالد اللى عرفته وولهت عليه
خالد: يعني حسيتي اني قل اهتمامي فيك ولا ايش
الهنوف: كنت انتظر الصبح بس علشان اشوفك هالحين حتى الصبح صرت اكرهه
خالد: افا ليش تكرهينه
الهنوف: لانى اشوفك واحس انك مانت معى
خالد: طيب بصراحة تشكين اني متعلق بغيرك
الهنوف: ادرى انى مو الوحيدة على ماسنجرك وياكثر اللى تلاطفهم بالحكى ويمكن بعضهم متعلق به انت بعد
خالد: شوفي بماسنجري حوالي 100 اسم نصهم حريم
خالد: لكن قسم بالله ما بيني وبين اي بنت مثل اللي بيني وبينك
الهنوف: علشان كذا ماابى علاقتنا تتطور لاكثر من كذا
الهنوف: ابو نواف انت الله اعطاك اسلوب فى الكلام يعلق اى بنت
الهنوف: وانا كنت اقاومك مقاومة، مو معقول انه مالك اى علاقة اخرى
الهنوف: لا تكذب على قولى كل شى انا افهمك خالد
خالد: شوفي بالنسبة للمسنجر فيه صداقات كلام بس وفيه سواليف
خالد: لكن قسم بالله ما تعلقت بوحدة مثلك!!
خالد: والصباح قسم بالله ما يدخل الا انتي ، وبالليل ما صرت ادخل لاني مرتاح اني بالاقيك في النهار
الهنوف: زين ليش احس انك بعيييييييييييييد
خالد: تحسين كذا لانك حريصة علي وقلقة علي
الهنوف: مو بيدى اعذرنى خالد
خالد: وودك اكون لك انتي بس وحدك وهذا من حقك
الهنوف: بالعكس مو من حقى
خالد: يمين بالله ما ترجيت احد مثلك على الجوال
خالد: قسم بالله ما احد يسوي زيك
خالد: هذا غير اسلوبك وطبعك واخلاقك اللي اجبرتني اتعلق فيك
الهنوف: تدرى انى ليومك هذا مو مسامحة نفسى على مكالمة الجوال
خالد: ياعمري لا تمنين علي بالجوال
الهنوف: مو منة والله مو منة
خالد: اجل وشو
الهنوف: المشكلة ان كل واحد فينا مو خالى صاحب ارتباطات وعائلة
خالد: ياعمري انتي جزء من حياتي افهميني
الهنوف: اللى نسويه 100% غلط
خالد: ادري انه غلط بس انا مقتنع فيك واغض الطرف عن انه غلط
الهنوف: شلووووووووووووووون علمنى شلون
خالد: انا ما اكابر بس مستعد اتحمل النتيجة
خالد: حبك جرى في عروقي ادمنت عليكي خلااااص ماني قادر اكمل محتاجك جنبي الحين
الهنوف: ذبحتنى خالد والله ذبحتنى
خالد: ودي ابكي على كتفك نفسي تحسي بحرارة دمعتي
خالد: واقول لك ا ح ب ك
الهنوف: اعتقد انى مو قد هالحب كله
خالد: بالعكس انتي ملاك طاهر تستاهلين عشقي كله بس استاهل عشقك ولا لا
الهنوف: انت عمري خالد http://www.eqla3.com/vb/images/smilies/frown.gif
خالد: يالبيه عمري انتي ليش تبكين حبي دموعك غالية علي
الهنوف: من يوم عرفتك ودمعتى ماتجف، يمكن تقول تبالغين
الهنوف: بس هذى انا بين ايدينك وتعرف ان كنت ابالغ او لا
خالد: صادقة بس وش سبب الدمعة ممكن حياتي
الهنوف: ماادرىىىىىىى والله ماادرى
الهنوف: انا ابيله تفسير.. اشياء كثيرة متضاربة داخل نفسى
خالد: انا اقدر اساعدك بس انتي تكلمي عبري احكي
الهنوف: الله يسعدك خالد
خالد: هاه مستعدة تطلعي اللي في قلبك
الهنوف: قلت كل اللى عندى واوعدك ان لو احس باى شى باقولك
الهنوف: انا باطلع هالحين اوكى؟
خالد: وين بدري
الهنوف: معليش حاسة الدنيا ضايقة فينى
خالد: لالالالالالالالالالالالالا محتاجك عمري
الهنوف: وانا بعد بس اعذرنى منك السموحة
خالد: ليش بس؟ طيب اكلمك جوال؟
الهنوف: خالد وش قلنا؟
خالد: قلنا كلنا لبعض... صح أنا امون عليك ولا لا ؟
الهنوف: انت وش تشوف http://www.eqla3.com/vb/images/smilies/060.gif
خالد: انتي تمونين على كلي
الهنوف: ووين راحت ام نواف
خالد: انتي ام نوافي
خالد: اموووووووووووووووووووووت فيك
الهنوف: زين اقدر استاذن هالحين
خالد: لالالالالالا ارجوك اذا لي خاطر ابقي، واذا كله واحد عندك اطلعي
الهنوف: مو لهالدرجة واللى يسعدك
خالد: قولي فديتك قولي تحت امرك
الهنوف: عيونى لك بعد بس ارجوك
الهنوف: عيونى اللى كل ليلة قبل ماتنام ماتفارقها صورتك
الهنوف: ماادرى وش سويت فينى! انا اصير كذا وانا الشامخة دائما http://www.eqla3.com/vb/images/smilies/frown.gif
الهنوف: ومااحد يقدر يحرك فينى ساكن
الهنوف: انت ضيعتنى
الهنوف: مو انا الهنوف اللى عرفت روحى ابد مو انا
خالد: وش بعد قولي
الهنوف: انا وحدة ثانية تماما ما عدت اقدر .. مااشوف الحروف من دموعى
خالد: فديت هالدموع
الهنوف: جعلي فداك خالد
خالد: ااااااااه عمري كلامك يجنن
الهنوف: خالد ابى اروووووووووووووح خلاص ارجوك مو قادرة
خالد: زين نشوفك على خير
الهنوف: باي



~~~



قلبي اللي طاح لاجلك ..
آآآآه من جهلي وجهلك ..
آآآآه ياخالد ..
انت وش سويت فيني ؟؟
ليتني ماادمنت وصلك ..
ما يكفيني جروحي من سنيني ..
جاي تذبحني كذا ..
بدموع عيني ..



~~~



يـ تـ بـ ع