القرار الأخير

[قلب الملوك]

ياعذابي دخيلك لا تزيد العذاب
من جروح الليالي شوف حالي خطير

صرت أنا يا حبيبي للمواجع كتاب
لو تطالع عيوني لقيت حزناً كبير

دمعي اللي تحدر مثل سيل السحاب
لو لمسته بكفك لك تحول غدير

من تحت رمش عينك ألف باباً وباب
وكل باباً دخلته كان نار وسعير

دنيتي ما عطتني منك غير السراب

أنت لك قلب ينبض وأنا قلبي كسير

نجم حظي تلاشى وألتوى للغياب
بعد ما شاف أنك عكس وده تسير

كل سؤالاً سألته ما ألقاله جواب
والكلام بلساني غصب أصبح اسير

قول بلي تريده بس يكفي عذاب
جيتك اليوم بسمع القرار الأخير


:c223:

[دارين]

كلمات من قلب مجروح

رعاك الله وحماك

[ذيبان]

يا خطير

صرت اخاف منك

لكن خذها مني


اللي قد صابك انا به مستصاب *** دوك جرحا تعطب بالضمير

منه يا قلب الملوك الظن خـاب *** ما هقيت اني بعد فرقاه بخير

ان نهيت القلب عنــه ماستجاب *** وان نويت ادلـه عيـا للمسير


ذيبان

[يعجبني تفكيري]

قصيده رائعه
يسلمووووووو قلب الملوك

[* موج البحر*]

يووووه ياقلبووو

انا ما رح ارد على قصيدتك

كثر مارح اوصفلك فرحة الغالي ذيبان بشوفة اسمك

طبعا هو الحين مو مصدق عيونه ..

ويقول انا في حلم ولا علم . هذا قلب الملوك ولا خياله

كل يوم .. وكل مانشووفه .. قلبوو يا قلبوو .. يا حبيب القلب ياقلبوو

من الشوق والوله ... شمسووي فيه انت .. ياملك القلوب

المهم ما رح نطول ادري ذيبان يقوول

شو هالملقوفه هذي مارح نقولها عقب جذي شي

بس سندرنا ياخووي وهو يطريك ويذكر خصالك ويمدحك

ههههههههههههههههههههه .. حلوه سندرنا موو .. في تكفخ عقبها

سيبك من هذا كله .. وربي لا تخيل مدى سعادتي بشوفة اسمك من جديد يالدب

لا تحرمنا شوفتك .. وطلاتك .. حتى لوبالسنه حسنه

المهم نشوفك .. اوكي هههههههههههههههههه

الحين ارد على قصيدتك خخخخخ

وبعدين ذيبان ليه تكتب له هو شعر .. اغار انا بعدين ههههههه <<< انتي شكوو غرتي ولا لاء موو؟؟

الحين تروح تكتب الرد النبطي الي قلت عنه ..

<<< اركدي يا بنت اعقلي شووي " الثقل صنعه "هههههههههههههه



قلب الملوك

قصيده رائعه من قلم رائع

ابدعت في نقلك وانتقاءك للكلمات مبدع

ربي يسلمك ياقلب الملوك ولا تحرمنا شوفتك يالغالي

ولا تنسى انت غالي ورفيج الغالي بعد

وسبحان الله الاثنين قلبين

مافي غنى عنكم يعني

عساك عالقوه

روح

[الفجر البعيد]

دنيتي ما عطتني منك غير السراب


أنت لك قلب ينبض وأنا قلبي كسير


أختيار رائع جدا قلب الملوك ...

أنا قد اقف عاجزة ... لان تلك الأبيات رائعة حقا في ما ذهبت إليه من مغزى ....

لكن أقول ...


قررت وكان القرار الأخير ... أغلقت باب اسميته المذلة
باب الحب سموه الأمـير ... لا تبالي بالكلام الحب مذلة
أه يا قلب عشت الكثير ... وعشت على سراب ما تحله


يسلمون قلب الملوك لكن بصراحة أحببت أن ارد عليك ببعض الابيات يمكن فيها خلل بالوزن ... لكن جت من نفسي ... وبلا شعور ...

ردا على قصيدتك الرائعة .... سلمت وبوركت ....

ويعطيك الف عافية


مع التحية

الفجر البعيد