سندويجات سريعة وحلوه

[Z๑O๑Z]

السلام عليكم ورحمة الله وبركاته

اليوم مطرشتلكم سندويجات سريعه سويتها حق الشباب
بس قبل لا اقولكم السندويجه اللي من راسي سويته .. فديت راسي
شوفوا الساعه كم سويت
http://sweraa..com/مطبخ/00.jpg
الساعه 12 وعشر الليل مب الظهر ...يتعشون متاخر عندنا
....

المهم امي قالت سويلهم عشا وماعرف شو اسوي ومافي شي فبالي
فقلت بسوي سندويجات سريعه خفيفه

والمقادير هي
دياي..اي دياي زايد في الثلاجة ..واذا ماعندج طلعي دياي وغسليه عدل وفويره وفتتيه
بصل مكعبات
بطاط مكعبات
ملح + خل + ليمونه + سماف
خبز لبناني الحجم الوسط
خس + طماط + خيار مخلل

الطريقة
تحطين البصل والبطاط عالنار وتحطين ملعقة او ملعقتين خل + ليمون
ملعقة او ملعقتين سماق + وتحطين دهن..انا ماحطيت وايد ..يعني كمية
بسيطة عشان البطاط..وتخلينه عالنار لين مايستوي البطاط وتحركينه كل شويه
عشان البصل مايحترق .. واللي اخرني هو البطاط لين لين ماستوى..ولانه
...الدهن كان شوية
.....
وعقب ما يستوي البطاط والبصل اتضيفين الدياي ..وكنت ابا احط مشوم بس
...مايحبونه الشباب

المهم تخلينه عالنار شويه وتحطين عقب ملح ..واي بهارات تحبين...انا حطيت
بس ملح
(واطفين النار ...واتحطين ملعقة خردل + ملعقة مايونيز ( لانه مب زين (المايونيز عالنار ..وهالشي اختياري

ها شكل الحشوه ..ادريبها ماتشهي ..لكن اخوي قال وايد عيبتهم وحبوها
...الحمدلله
http://sweraa..com/مطبخ/0.jpg
...جي الحشوة خلصت ...

وعلى فكرة الماي اللي في الصوره من الخل والليمون والدهن ...لاني زدت خل وعقبها صورت

الحين والحشوه خلصت ...انيب خبز لبناني ونفتحه مثل الصوره

http://sweraa..com/مطبخ/1.jpg

ونحط الحشوة في النص مثل الصورتين اللي تحت...عشان يوم تسكرون يتكسر
بسهوله
http://sweraa..com/مطبخ/2.jpg
http://sweraa..com/مطبخ/3.jpg

والحين اتضيفين الخس والطماط والخيار مخلل واي شي تحبين اتضيفين عليه

http://sweraa..com/مطبخ/4.jpg
http://sweraa..com/مطبخ/5.jpg

عقب تلفين السندويجة

http://sweraa..com/مطبخ/10.jpg

وتلفينه بورق سندويجات عشان يظهر شكله حلو
وعشان ماييبس ...لانهم بيتعشون به الساعه وحده ماشاءالله
http://sweraa..com/مطبخ/6.jpg
http://sweraa..com/مطبخ/8.jpg

ان شاء الله حبيتوا سندويجتي اللي طلعت من راسي ويلست اخبص فيها
بس الحمدلله انه اخوي قال وايد حبوا السندويجات...اتمنى تعيبكم وتجربونها

يالله فمان الله
:c223:

[ذيبان]

سكوت ايش هذا ؟؟؟؟؟؟؟؟؟

اثارك فنان طبخ .... و شيف ممتاز

العزوبيه تعّــلم يا غالي


ذيبات

[Z๑O๑Z]

ههههههههههههههههههههههههههههههه
افاا عليك يا الذيب أحلى شيف >>>بدى الكذب هههههههههههههه

ياخوية الغربة تعلم بعد ..

تسلم يا الذيب على هالطلة ..

[يعجبني تفكيري]

يمي يمي
يعطيك الف عافيه سكوت
طلعت طباخ اجل؟؟؟

[Z๑O๑Z]

ربي يعافيج " يعجبني تفكيري"

هههههههههه منو كذب عليج وقالج هههههههههههه

لا يابوج ما نزيد عنكم انتو يا البنات هههههههه

تسلمين على هالطلة

[مدمر الـشـرقـيـة]

ياا معلم واحد شورما وفلافل

[جار القمر]

اللله لذيذ مرةةةة وناسة مشكورين على الطبخة

[مدمر الـشـرقـيـة]

شكلك كذا بتسويلك خمسين وحدة

[Z๑O๑Z]

يعجبني تفكيري

جار القمر

مدمر الشرقية


مشكوووووووووووووووووورين على مروركم وطلتكم ..

[دارين]

رووووووعة والله العظيم

تعال اديكم وصفة للعزوبية تجنن

جيب الخبز من نفس النوع هذا ولحم عجل ناعم من دون دهن ومعه قليل من دهن الغنم واخلطه حسب الرغبة بفلفل اسود وملح وطماطم مقطع ناعم وفلفل حلو وبقدونس ممكن وبصلة صغيرونة ناعمة وممكن ثوم قليل ولو عندك فرامة يكون اسهل
واخلطهم تمام وجرب نص كيلو وخذ مقادير منهم وحط اللحمة نيئة في ربع رغيف مدها رقيقة وحطها بالسخانة(السب) واتركها تتقمر او تسخن وتقرمش ومممممم مااطيبها وادعولي
سلاااااااااااااااام

[Z๑O๑Z]

تسلميييييييين يا دارين على الوصفة الينان

ما قصرتي ... ربي يعطيج الصحة والعافية

[عطر الورد]

اللهم اني صائم*_*
------------------
أحلى شي بالطبخه اسم الطباخه هههههه

يسلمووو زوووز ماقصرت

[Z๑O๑Z]

ههههههههههههههه ياحليلج ما يتي إلا حزت الصيام تشوفين الموضوع هههههههههههههههههه
ربي يسلمج يا عطر وتسلمين على هالطلة

[المزيووونة]

لوووول الصورة ما تشجع بس الطعم أكيد حلوو


يسلموووو عالمقادير الخفيفه وما تقصر خيوو ^_^

[Z๑O๑Z]

على هاليوع إليّ فيني تشجع ونص

اللهم اني صائم *_*

هههههههههههههههههههههههههههه

تسلمين يا المزيونه على هالطلة